Isaiah 2:3 - Tedim Bible

³ mi tampite hong pai-in: “Hong pai un, amah in ama zia-le-tongte eite hong hilh theih nading leh ama lampite i zuih theih nadingin Jakob’ Pasian’ inn, Topa’ mual-ah paito ni,” a ci ding uh hi. Bang hang hiam cih leh Topa in Zion panin thu hong gen ding a, Jerusalem khua panin Topa’ thuhilhna hong paikhia ding hi.

Tedim Bible Revision 2017

³ mi tampite hong pai-in, “Hong pai un, amah in ama zialetongte hong hilh theih nading le ama lampite i zuih theih nadingin Jakobʼ Pasianʼ inn, Topa’ mualah pai to ni,” a ci ding uh hi. Bang hang hiam cih leh Topa in Zion panin thu hong gen dinga, Jerusalem khua panin Topa’ thuhilhna hong paikhia ding hi.

Isaiah 2:3 Referans Kwoze

Luka 24:47

ama min tawh kisikkikna thu leh mawhmaisakna thu Jerusalem khua pan akipan mi pawl khempeuhte’ kiangah a kigen ding hi ci-in kigelh hi.

Late 110:2

Topa in Zion panin na kumpi ciangkhut hong puak hi. Na galte’ lakah uk in!

Johan 7:17

Mi khatpeuh mah in Pasian’ deih bangin a gamtat nop leh, hih thu Pasian’ thu ahi hiam, keima utthu banga gen ka hi hiam a thei ding hi.

Thu-hilhkikna 6:1

“Tu-in, luah dinga na paina gam uhah na zuih dingun, note leh na tapate uh leh na suan leh khakte un Topa note’ Pasian’ thukhamte leh a thupiakte na zuihna uh tawh amah na zahtak theih nadingun, Topa na Pasian un na nuntak tawntung uh na zuih dingun kei a hong hilh sawnsakte in hih thupiakna, thukhamte leh ngeina kipte ahi hi; tua in na khan’ uh a sau theih nading ahi hi.

Jeremiah 31:6

Bang hang hiam cih leh Efraim mualtung panin gal vilte in, ‘Tho un! Zion khua-ah, Topa, i Pasian kiangah va pai ni,’ ci-a hong kiko hun uh hong tung ding hi,” a ci hi.

ROM (Romans) 10:18

Ahih hangin amaute in za hilo ahi uh hiam? A mantakpi a za uh hi: “Amaute aw un leitung khempeuh ah a zel zo hi; Amau thu un leimong dongin a tung zo hi.”

Luka 11:28

Zeisu in, “Pasian thu za a, a mangte in thupha a ngah zaw ding hi,” ci-in a gen hi.

Mattiu 7:24

“Tua ahih ciangin, ka thuhilhna za a, a zuite khempeuh in suang tunga inn lam mipil tawh kibang ahi cih ka genteh ding hi.

Jeim 1:25

Suahtakna tawh kizom a kicing thukham lim takin entel a, a zuisuak mi in thu a zak ciangin mangngilh loin zui ahih manin a sepna ah thupha a ngah ding hi.

Sawltak 10:33

Tua ahih ciangin nangma kiangah a manlangin mi kong paisak hi. Tu-in nang hong tung na hih ciangin thuhoih ahi hi. Tua ahih ciangin hih san takah Pasian in nangma kiangah thu hong piaksa teng ngai dingin kote khempeuh in Pasian mai-ah ka om uh hi,” a ci hi.

Sawltak 1:8

Ahih hangin Kha Siangtho in nomau tungah hong kumsuk khit ciangin vangliatna na ngah ding uh a, Jerusalem khua-a kipan Judah gam, Samaria gam khempeuh leh leimong dongin ka teci na hi ding uh hi,” a ci hi.

Johan 4:22

Note in na theih lohpi uh na bia uh hi. Kote in ka theih uh ka bia uh hi. Bang hang hiam na cih leh, Judah mite sung pan gupna a piang hi.

Thu-hilhkikna 33:19

Amaute in a mual uhah mite sam ding uh a, amaute in tua lai-ah biak piakna mante pia ding uh hi; bang hang hiam cih leh amaute in tuipi tamna, leh sehnel sunga na manpha kiseelte ngah uh hi,” a ci hi.

Late 48:1

Topa lian hi, i Pasian khuapi sungah a mual siangtho sungah nakpi taka phat ding ahi hi!

Late 119:171

Na ngeina kipte kei hong hilh na hih manin, nang ka hong phat tawntung ding hi.

Late 122:1

Amaute in kei tungah, “Topa’ innah pai ni,” hong cih uh ciangin ka kipak hi.

Isaiah 28:9

Amaute in kei hong phunsan uh a, “Amah in kua tungah hilh a, kua tungah thugen-a kinei ahi hiam? Ang sung panin a kilakhia nawi tawh a kikhentung naungeekte hilh-a kinei ahi hiam?

Isaiah 56:5

ka innsung leh ka huang sungah tapa leh tanute sangin a hoihzaw phawkna leh min ka pia ding a, a mang ngei nawn lo ding tawntung min, amaute tungah ka pia ding hi.

Isaiah 56:7

hih mite ka mual siangtho ah paipihin keima thungetna inn sungah ka lungdam sak ding a, amaute’ meihal biakna leh biak piaknate ka biakna tau tungah kisang ding hi; bang hang hiam cih leh ka inn pen mi khempeuh’ adingin thungetna inn kici ding hi.

Isaiah 60:3

Nangma khuavak sungah minam dangte hong pai ding uh a, nangma taan’khiatna sungah kumpite hong pai ding uh hi.

Isaiah 65:11

Ahih hangin kei a hong nusia, keima mual siangtho a mangngilh, Gad pasian’ adingin sabuai phahin, Meni pasian’ adingin zu helsa hai sungah a dim note pen;

Isaiah 66:20

Israel mite in an tawh amau biakpiakna beel siangtho sungah tawi-in Topa’ innah hong paipih uh mah bangin, amaute in minam khempeuhte lak panin Topa’ tungah piak dingin na sanggamte khempeuh uh, sakolte, leengte, taalte, late, kalaoh hatte tungah hong pua-in ka mual siangtho Jerusalem ah hong paipih ding uh hi; Topa in ci hi.

Jeremiah 26:18

“Judah kumpipa Hezekiah a maan’ laitakin Moresheth khuami Mikah in Judah mi khempeuhte’ kiangah: ‘Lo dingin Zion mual a kikho ding hi; Jerusalem khua a kisiazan ding a, biakinn mual in gamlak a suak ding hi, ci-in a vanglian Topa in a gen hi,’ a ci hi.

Ezekiel 40:2

Ka maang sungah, Pasian in Israel gamah hong paipih a, mual sang khat tungah hong koih hi. Khuapi tawh a kibang inn honpi bang khat ka mai-ah ka mu hi.

Hosea 3:5

Tua khit ciangin Israel mite in Topa amau’ Pasian leh a kumpipa uh David lamah hong kihei kik ding uh hi. Tua hun ciangin amaute in Topa zahtakin, ama letsongte sang ding uh hi.

Hosea 6:3

Topa i theih zawh nadingin hanciam ni. Zingsang sialin pel loin khua a vak mah bangin pel loin eite kiangah amah hong pai ding a, lei a kawtsak khuapi guah a pelh loin hong zuk bangin eite kiangah amah hong pai hamtang ding hi,” a ci ding uh hi.

Micah 4:2

Minam tampite hong pai-in, “Jakob’ Pasian’ biakinn, Topa’ mualah va paito ni. Tua lai-ah ama deihna hong hilh ding a, ama deihna bangin i gamta ding hi,” ci ding uh hi. Bang hang hiam cih leh Zion panin thuhilhna hong ging khia a, Jerusalem panin Topa’ thu hong pai khia hi.

Esther 9:27

Judah mite amau mahmah, leh a suan a khakte uh, leh amau a pawlpih khempeuh in lai sunga kigelh bangin a kiseh hunin kum simin hih ni nihte peel loin a tan’ nading uh kipsak uh a,

Late 102:23

Amah in, kei a khangtung kimlai ka thahatna hong suktat sak a, ka hunte hong khiapsak khin hi.

Isaiah 1:26

A masa-a bangin na thukhente, a kipat cil-a bangin na upate ka koih kik ding hi. Tua khit ciangin nang pen, thuman khuapi, thutak khuapi, hong kici ding hi.”

Isaiah 11:10

Tua ni ciangin Jessi’ zung pen mihingte’ tungah lim khat hi ding hi; minamte in ama kiangah kikhawm ding uh a, ama tawlngakna mun pen minthang mahmah ding hi.

Isaiah 19:23

Tua ni ciangin Izipt gam panin Assiria gamah lam lianpi khat pai-in, Assiria mite Izipt gamah hong pai ding a, Izipt mi Assiria gam sungah pai-in, Izipt mite in Assiria mite tawh bia khawm ding uh hi.

Isaiah 44:5

Khat in, ‘Keimah in Topa aa ka hi hi,’ ci-in, a dang khat in Jakob’ min tawh ama min lo ding a, a dang khat leuleu in, ‘Topa aa,’ ci-in ama khut tungah gelhin, Israel min tawh amahmah kinophuah ding hi.”

Jeremiah 12:16

Tua ciangin, ka mite’ omdan hoih takin a sin uh a, Baal min tawh kiciam dingin ka mite a sinsak mah bangun ‘Topa a nuntak bangin,’ ci-a kei’ min tawh kiciam ding a sin uh leh ka mite’ lakah kip takin a om ding uh hi.