Isaiah 2:22 - Tedim Bible

²² Ama’ nakvang sungah husan’na a om mipa muang kei in; Ama’ husanna pen banga sim tham ding ahi hiam?

Tedim Bible Revision 2017

²² Mihingte muanin nei nawn kei un. Amaute leltak banga simtham ding ahi hiam?

Isaiah 2:22 Referans Kwoze

Jeremiah 17:5

Topa in kong cih-inah: Mi bek muangin mi’ hatna bek suanga a lungsim Topa tawh a kilehngat mi in haamsiatna a ngah hi.

Late 146:3

Huhna hong pia thei lo uliante ahi a, mihing’ tapa ahi zongin muang kei un.

Jeim 4:14

Zingciangin bang thu a piang ding na thei kei uh hi. Note’ nuntakna un bang tawh a kibang hiam? Note in tawlkhat a kilat khit ciangin a mangthang thei tuikhu na hi uh hi.

Late 8:4

nangma ngaihsut tham dingin mi in bang hi a, na phawk tham dingin mihing’ ta bang hi lel ahi hiam?

Isaiah 40:15

En un, minamte pen tui phelkhai khat pan-a tuimal taak khat tawh kibang a, tawi tehna tunga leivui neng baang bangin kingaihsun hi; en un, amah in tuikulhte pen leivui neel bangin tawmto lel hi.

Late 62:9

Mineute ahih leh husan’ bang bek hi a, miliante pen a hawmpi ahi hi; tawikhaina-ah amaute in lek lo uh hi; amaute a kigawmin husan’ khat sangin zangzaw uh hi.

Piancilna 7:22

leikeu tunga a om, a nak sungah nuntakna hu a om peuhmah si hi.

Piancilna 2:7

Topa Pasian in leilak pan-a leivui tawh mihing bawl a, a nak sungah nuntakna hu sangsuk hi; mi in nuntakna a nei mihing hong suak pah hi.

JOB (Job) 27:3

ka sungah nuntakna a om lai teng, Pasian’ hu, ka nak-ah ka diik lai teng,

Isaiah 40:17

Minam khempeuhte ama mai-ah bangmah tham hi lo a, amaute pen bangmah a om lo leh, a hawm guak sangin a tawmzaw-in amah in ngaihsun hi.

Isaiah 51:12

“Kei, keimah in note hong hehnempa ka hi hi; lopa bang ahi, a si thei mi, mihing tate lellelte bang hangin kihta na hi uh hiam?

Malakhi 3:15

I muhna bang leh, mi kiphasak teng mah in thupha ngahin nuamsa uh hi. Mi gamtatsiate ahih leh cithei bek loin, a gamtat siatnate uh tawh Pasian ze-et napi-un bangmah tuak se lo uh hi,’ na ci uh hi,” a ci hi.