Isaiah 2:19 - Tedim Bible

¹⁹ Leitung liingsak gawp dingin Topa a thawh ciangin, amah kihtakna leh alian ama minthan’na panin, suanghawm sung leh leihawm sungah mite bu ding uh hi.

Tedim Bible Revision 2017

¹⁹ Leitung a liingsak gawp dingin Topa a kipat ciangin amah kihtakna le a lian ama minthanna panin suanghawm sung le leihawm sungah mite bu ding uh hi.

Isaiah 2:19 Referans Kwoze

Isaiah 2:10

Topa kihtakna leh a lian ama minthan’na panin suanghawm sungah lut in la, leivui sungah bu in.

Luka 23:30

Tua lai takin mite in, ‘Komau tungah hong kia un. Komau hong vuk un,’ ci-in mualte a sam ding uh hi.

Hosea 10:8

Israelte in milim bia-in mawhna a bawlna munte kisusia ding a, a biakna taute uh tungah ling leh kiak po ding hi. Tua ciangin mite in mual liante kiangah, “Hong vuk cip un,” ci ding uh a, mual neute kiangah, “Hong deng cip un,” ci ding uh hi.

Mangmuhna 11:19

Vantungah a om Pasian’ biakinnpi kihongin thuciamna singkuang biakinnpi sungah a kimuh khit ciangin khuaphelepte, kam aw gingte, vangingte, zinliingte, nakpi gialkiatnate a piang uh hi.

Hebru 12:26

Tua lai takin a thu piakkholhna aw in leitung a liingsak hi. Tu-in ahih leh, “Khatvei keimah in lei tham loin, van nangawn ka liingsak kik ding hi,” cih kamciamna a om hi.

Haggai 2:6

A sawt loin vanpi leh leipi, tuipi leh leitung ka lokgawp ding hi.

Mangmuhna 20:11

Tua nung ciangin kumpi tokhom a kaang a lian khat ahi zongin, tua tokhom a, a tu Topa ahi zongin ka mu hi. Tua Topa maitang pan lei leh van in a taikhia uh a, amau adingin omna a om nawn kei hi.

Mangmuhna 16:18

khuaphialepte, awte, vangingte a piang uh hi. Mite in leitungah a om uh-a kipan cikmah huna piang ngei lo a lian a haksa mahmah zinlin’na a piang hi.

Mangmuhna 11:13

Tua hun lai takin zin nakpi liingin khuapi seh sawm suah seh khat cimin, mi tulsagih a si uh hi. A om lai mite lau-in liingin, vantung Pasian’ vangliatna a phat uh hi.

Mangmuhna 9:6

Tua nite lai takin mite in sih nading a zon’ uh hangin a mu kei ding uh hi. Amaute in a sih nop mahmah uh hangin sihna mangpa in amaute kiang pan a taikhia ding hi.

Hebru 11:38

Hih leitung in tua mite tawh kilawm lo hi. Amaute in gamlak, mual kuam, leihawm, ken hawm sungah a lal kawikawi, a vak kawikawi uh hi.

2 THESALONIKA NIHNA 1:9

Tua Topa in ama misiangthote hangin minthan’na a ngah nading ahi zongin, kote’ teci pan’na thu note in um na hih uh ciangin a um mite khempeuh hangin nakpi-in lamdangsakna ngah nading ahi zongin, a hong pai ding Ni-ah tua mite in Topa maitang tawh ahi zongin, vangliatna tawh kipawl minthan’na tawh ahi zongin kikhenin, kisiat tawntungna ahi mawhna’ daantatna a thuak ding uh hi.

Micah 7:17

Amaute in gul bangin leivui liakin, a bokvak ganhing bangin hong awmtal ding uh a, a bukna uh mun muanhuaite panin lau-in a lingsa-in hong pusuak ding uh a, Topa Pasian hong kihta ding uh hi.

Jeremiah 16:16

“En un, Topa in kong cih-inah, nga beng tampi ka khah ding a, amaute ka mansak ding hi. Tua khit ciangin sa beng tampi ka khah ding a, amaute in mual tung khempeuh leh suanghawmte panin amaute a bengmang ding uh hi.

Isaiah 30:32

Topa in amaute daan pia-in ciang tawh a satna a gingte tawh kituakin khuang leh laiza lasaknate tumin na gingsak ding uh hi. Amah in a khut viik-in amaute do ding hi.

Late 7:6

Tho in, Topa, hehsa-in thasaan in la, ka galte’ hehna hong dal in; khanglo in, ka Pasian aw, thukhen nading khat na seh khin zo hi.

1 SAMUEL MASA 14:11

Tua ahih ciangin Filistia khuacingte kiangah amau tegel va kilak uh hi; Filistiate in, “En un, a bukna uh leivang panin Hebru mite hong pusuakkhia uh hi,” a ci uh hi.

1 SAMUEL MASA 13:6

Israel mite in amaute haksatna sungah a om lam uh a kimuh uh ciangin (bang hang hiam cih leh galte in amaute neh mahmah uh hi), mite suanghawm sung, leihawmte sung, suangte sung, hante sung leh tuikhukte sungah bu uh a,

JOB (Job) 9:6

Amah in leitung lokgawp a, a khuampite kiliing hi.

Isaiah 7:19

Tuate khempeuh hong pai-in, keenhawmte sung leh suangpi heengte sung leh lingkung kawmte leh ganhing tatna mun khempeuh ah dim ding uh hi.

Isaiah 13:13

Tua ahih ciangin ama sinso ni-in Vanglianpen Topa’ hehna hangin vantung lau-in ka liingsak ding a, ama omna panin leitung kisingkhia ding hi.

Isaiah 24:1

En un, Topa in leitung hawmsuak sakin gamkhing suaksak ding a, amah in lei maitang huiheek gawpin, a tunga teeng mite thehthang ding hi.

Isaiah 24:18

Lauhuaina panin a tai mipa gum sungah kia ding a, gum sung panin a taikhiat ciangin thangzak sungah awk ding hi. Bang hang hiam cih leh van panin guahpi hong bua ding a, leitung bulpite kiling ding hi.

Isaiah 24:19

Leitung khang kham-in, kilok gawp ding a, kiphelkham ding hi.

Isaiah 33:10

Topa in, minam dangte kiangah, “Tu-in ka tho to ding a, ka vangliatna ka lak ding hi; tu-in kei hong kipahtawi ta ding hi.

Jeremiah 4:29

Sakol tunga tuangte leh thal tawite’ aw a kizak ciangin mi khempeuh galtai mang uh a, gamlak-ah tai-in, suang lakah a kahto uh hi; khuapi khempeuh kinusia khin a, kuamah teeng nawn lo hi.

Jeremiah 48:28

“Moab gam a, teeng mite aw, khuapite nusia un la, kawl lakah teeng un! Ken pang-a vakhu bu bawl bangin va om un.

Ezekiel 33:27

Amaute kiangah hih bangin gen in: Keimah in a nungta Topa Pasian ka hih mah bangin, khuapi siate sunga teeng mite gal-in si ding uh a, khuaneu-a teeng mite khempeuh gamsate in ne ding uh hi. Dum muanhuai sung leh leihawm sunga bute khempeuh pulnatna tawh si ding uh hi.

Nahum 3:11

Nineveh khuapi aw, nang zong zukham bangin khua na phawk kei ding a, na galte kiang panin tai-in bukna na zong ding hi.

Haggai 2:7

Minam khempeuh lokgawp ding ka hih manin, a neihsa uh sum leh paiite, hih munah hong kipuak ding a, biakinn sungah a dimin van hong om ding hi.

2 SAMUEL NIHNA 22:46

Gamdang mite lungkia uh a, a phual kip panun liingin hong paikhia uh hi.