Isaiah 2:18 - Tedim Bible

¹⁸ Milimte mangthang khin ding hi.

Tedim Bible Revision 2017

¹⁸ Milimte khempeuh mangthang khin ding hi.

Isaiah 2:18 Referans Kwoze

Zekhariah 13:2

Tua ni ciangin gam sung panin milim khempeuh ka phiatsiang ding a, kuamah in a milim min nangawn phawk kha nawn lo ding uh hi. Kamsang zuautheite zong phiatin, milim biak nopna lungsim ka beisak ding hi.

Zefaniah 1:3

Mihing leh ganhing, van-a leeng vasa leh tui sunga ngasa, a vekpi-in ka susia ding hi. Mi gilote ka susia ding a, leitunga om mihing khempeuh ka susia ding hi. Topa ahi keimah in hih thu ka gen khin hi.

Hosea 14:8

Israel mite in milim bia kha nawn lo ding uh hi. Amaute’ thungetna pia-in amaute ka kem ding hi. Amaute, a hing tawntung singkung kep bangin ka kem ding a, amaute’ thupha ngah khempeuh keima kiang pan ahi hi.

Ezekiel 37:23

Amaute pen a muhdahhuai milimte tawh kininsak nawn lo ding uh a, mawhnate tawh zong kisiasak nawn lo ding uh hi. Amaute’ mawhna leh kei hong lehheknate panin ka suakta sak ding hi. Amaute a siangtho mi-in ka bawl ding a, amaute in keima mi hi-in, kei in amaute’ Pasian ka hi ding hi.

Ezekiel 36:25

Note tungah tui siangtho kong theh ding a, na milim biakna uh leh note hong ninsak na dang khempeuh panin kong siangsak ding hi.

Isaiah 27:9

Amah in suang tawh kibawl biakna tau khempeuh suangkang satvui a bat sak ciangin Asherah milimte leh paknamtui taute a ding lai om nawn lo hi; hih thu hangin Jakob’ mawhna kimaisakin, a mawhna kilakkhiat sak hi.

Isaiah 21:9

En in, sakol leeng tuangte a kopkopin hong pai!” ci hi. A dang khat in, “Babilon cim hi, cim hi; ama milim pasiante khempeuh leilak dongah amah in suksiat sak hi,” ci-in dawng hi.

Isaiah 2:17

Mite’ kiliatsakna kiniamkhiat ding a, mite’ kiphatsakna a niamin kikoih suk ding hi; tua ni ciangin Topa bek a lianin kikoih ding hi.

Isaiah 46:1

Bel pasian puksukin, Nebo pasian kunsuk a, tua milimte pen ganhing leh bawngte tungah kipua hi; note’ puak hih nate pen, a gim mahmah ganhingte tungah vangik om bangin note’ tungah hong gik hi.

Jeremiah 10:11

Amaute tungah, “Vantungte leh leitung a bawl lo pasiante, leitung mun khempeuh panin a mangthang ding uh hi,” ci-in na gen ding hi.

Ezekiel 30:13

“Milim khempeuh ka susia ding a, Memfis khuapi-a pasian man lote ka beisak ding hi. Izipt gam a uk ding om nawn lo ding a, mi khempeuh lau-in ka liingsak gawp ding hi.

Micah 1:7

A milim manphate khempeuh kisuzanin, mei tawh kisusia ding hi. Pasian tungah a thuman lohna hangun mihingte in hih milimte nei uh ahih manun, a paktatna uh tawh kizui-in tu-in thuak kik ding uh hi, ci hi.

Micah 5:13

Note in na biak uh milimte leh na biakna songte ka susia gawp ding a, note’ bawlsa nate na bia nawn kei ding uh hi.

Jeremiah 51:18

Kiman’na nei lo, a haihuaipi hi a, a kidaantah ni ciangin a kisia ding uh hi.

Ezekiel 6:6

Israel khuapite khempeuh beimang ding a, milim a biakna uh mun khempeuh kisusia ding hi. Tua ahih manin a biakna taute uh leh a milimte uh vut-le-vai suakin, a paknamtui taute uh kisatvui gawp ding ahih manin milim biak nadinga a bawlsa khempeuh uh maimang ding hi.

Zefaniah 2:11

Topa in amaute lausak gawp ding a, leitung pasiante, neu bawl gawp ding hi. Tua ciangin, minam khempeuh in amau’ gam ciat panun amah bia ding uh hi.