Isaiah 2:17 - Tedim Bible

¹⁷ Mite’ kiliatsakna kiniamkhiat ding a, mite’ kiphatsakna a niamin kikoih suk ding hi; tua ni ciangin Topa bek a lianin kikoih ding hi.

Tedim Bible Revision 2017

¹⁷ Miteʼ kiliatsakna kiniamkhiat dinga, miteʼ kiphatsakna a niamin kikoih suk ding hi. Tua ni ciangin Topa bek a lianin kikoih ding hi.

Isaiah 2:17 Referans Kwoze

Isaiah 13:11

Leitung mite a tatsiatna hangin, migilote a mawhna hangin daan ka pia ding hi; mi kihisakte’ kiphatsakna bei sakin, a kisatheite’ kiliatsakna ka niamkhiat ding hi.

Isaiah 2:11

Mite’ kiliatsakna pen kiniam koih ding a, mihingte’ kiphatsakna pen kiniam khiat ding hi; tua ni ciangin Topa bek a lianin kikoih ding hi.

Late 20:8

Amaute kinawmsawm-in puk ding uh a, ahih hangin eite tho-in i dingtang ding hi.

Late 46:10

“Om hit-hiat un la, Pasian ka hihna thei un. Minamte lakah keimah hong kisangsak a, leitungah ka min hong kithangsak hi!”

Isaiah 2:16

Tarshish teembaw khempeuh leh teembaw hoih khempeuh, a niam koih ding ni khat a nei hi.

Isaiah 2:18

Milimte mangthang khin ding hi.

Isaiah 5:16

Ahih hangin thutang sepna tawh Vanglianpen Topa in a liatna hong kilangsak a, a Siangtho Pasian in a mite a thukhenna tawh ama siangthona hong kilangsak hi.

Isaiah 30:18

Tua ahih ciangin note hehpih nuamin Topa in hong ngak hi; note tungah hehpihna hong lah ding amah kipakta hi. Bang hang hiam cih leh Topa pen a thutang Pasian ahi hi; amah a muangte khempeuh thupha ngah ahi hi.

Late 46:11

Mi honte’ Topa in ei tawh omkhawm a, Jakob' Pasian in eima belh ahi hi.