Isaiah 2:11 - Tedim Bible

¹¹ Mite’ kiliatsakna pen kiniam koih ding a, mihingte’ kiphatsakna pen kiniam khiat ding hi; tua ni ciangin Topa bek a lianin kikoih ding hi.

Tedim Bible Revision 2017

¹¹ Miteʼ kiliatsakna pen kiniamkoih dinga, mihingteʼ kiphatsakna pen kiniamkhiat ding hi. Tua ni ciangin Topa bek a lianin kikoih ding hi.

Isaiah 2:11 Referans Kwoze

Late 18:27

Bang hang hiam cih leh nangmah in miniamte na honkhia a, ahih hangin mi kiphasakte na niamsak hi.

Isaiah 2:17

Mite’ kiliatsakna kiniamkhiat ding a, mite’ kiphatsakna a niamin kikoih suk ding hi; tua ni ciangin Topa bek a lianin kikoih ding hi.

Malakhi 4:1

Vanglianpen Topa in hih bangin ci hi: “En un, mi kiphasak khempeuh leh migilo khempeuh, a zung a hiang cih om loin buhtu bangin a kattum ding hun hong tung ding hi. Tua ni ciangin khat zong suakta loin a vekpi-in kangtum khin ding uh hi.

Isaiah 24:21

Tua ni ciangin Topa in vantung a, om vangliatnate, leh leitung kumpite daantat ding hi.

Isaiah 13:11

Leitung mite a tatsiatna hangin, migilote a mawhna hangin daan ka pia ding hi; mi kihisakte’ kiphatsakna bei sakin, a kisatheite’ kiliatsakna ka niamkhiat ding hi.

Isaiah 12:4

Ni khat ni ciangin mite in, “Topa’ tungah lungdamna ko un la, a min lo-in, ama hong huh ding ngen un; minamte khempeuh lakah ama septe kitheisak un la, ama min kiliansak hi, ci-in gen un.

Micah 4:6

Topa in hih bangin ci hi: Tua ni ciangin keimah in khebaite kaikhawmin, a kihawlkhiate leh gimna ka thuaksak mite ka kaikhawm ding hi.

Hosea 2:18

Tua ciangin, ka mite a suksiat loh nadingun gamlaka om gamsate, huih laka leeng vasate, leh leitung a bokvak ganhingte tawh thuciamna ka bawl ding a, thalte, namsaute, galhiam khempeuh, leitung panin ka phiat khia ding hi. A lungnuam, lungmuang hithiatin ka mite ka om sak ding hi.

Ezekiel 39:22

Tua khit-a kipanin amaute’ Topa Pasian ka hihna thu, Israel mite in hong thei ding uh hi.

1 PETER MASA 5:5

Tua mah bangin khangnote aw, a khan’ sawt upate ukna na mang un. Ahi hi. Note khempeuh in khat leh khat na kizep nadingun kiniamsakna na silh un. Bang hang hiam na cih uh leh, “Pasian in a kisatheite a kham hi; a lungniamsakte kiangah hehpihna thupha a pia hi.”

2 KORIN NIHNA 10:17

Tua ahih ciangin a kisathei mi in Topa sung bekah kisathei ta hen.

2 KORIN NIHNA 10:5

Tua hiamte tawh mi hanciamna ahi zongin, Pasian theihna pilna lang khatah a kiphasak ngaihsutnate ahi zongin khuplet gawpin, lungsim khempeuh manin khumcipin Khazih’ thu ka ngaisak uh hi.

Luka 18:14

Ke’n kong cih-inah, hihpa in mawhmaisakna ngahin innah a ciah hi. Farisaipa in ahih leh, mawhmaisakna a ngah kei hi. Bang hang hiam na cih uh leh, amah leh amah a kiphat mi khempeuh in niamkhiatna a ngah ding hi. A kiniamkhiatte in minphatna a ngah ding uh hi,’” a ci hi.

Zekhariah 9:16

Tuucingpa in a tuuhonte, lauhuaina pan a hot bangin, tua ni ciangin Topa, amau’ Pasian in a mite honkhia ding hi. Kumpi lukhu tunga suangmanphate bangin, ama gam sungah a mite taang ding uh hi.

Zefaniah 3:16

Tua ni ciangin Jerusalem khuapi kiangah, “Lau kei in, Zion aw, Na khut thazaw sak kei in,” kici ding hi.

Zefaniah 3:11

Tua hun ciangin, ka mite in kei nong lehdona hangun, maizumna ding bangmah om nawn lo ding hi. Note’ lak panin a kiphasak a kihisak mite ka hawlkhia ding a, Jerusalem khua a, ka mual siangtho tungah kei nong lehdo nawn kei ding uh hi.

Micah 5:10

Topa in hih bangin ci hi: Tua hun ciangin na sakolte uh hong paihkhiatsakin, na leengte uh ka susia ding hi.

Obadiah 1:8

Topa in: “Tua ni ciangin Edom sungpan a mipilte ka susia ding a, Esau mualah pilna ka siit nawn kei ding hi,” a ci hi.

Amos 9:11

Tua ni ciangin inn tawh kibangin a siasa David innkuan, keimah in ka puahkik ding a, a vang teng hu-in, a sia teng ka puahkik ding a, nidanga a ngeina lui mah uh ka bangsak kik ding hi.

Joel 3:18

Tua hun ciangin mual tung gam khempeuh leenggui lo hi ding a, mual neute khempeuh tungah bawng nawi luang ding a, Judah gam sung khempeuhah tui tampi om ding hi. Topa’ biakinn panin lui tui khat hong luang khia ding a, Shittim kuam khempeuh kawtsak ding hi.

Hosea 2:21

Tua ni ciangin keima mi Jezre-elte’ thungetna ka pia ding a, leitungah guah ka zusak ding hi.

Hosea 2:16

Tua ciangin kei pen, ka pasal, hong ci kik ding a, kei pen ka Baal pasian, hong ci nawn lo ding hi.

Ezekiel 39:11

Topa in, “Hih thu hong pian’ ni ciangin Israel gam sung Si Tuipi nisuahna lama om khualzin mite’ Kuam a cihna sung teng, a kivui nadingun Gog ka pia ding hi. Gog leh a galkap honpite, tua lai munah kivui ding ahih manin khualzin mite’ lampi khaktan ding a, tua mun pen, ‘Gog’ Galkapte’ Kuam,’ kici ding hi.

Ezekiel 38:19

Tua ni ciangin ka heh luatna tawh Israel gamah nakpi takin ziin’ liing hen, ka ci ding hi.

Ezekiel 38:14

Tua ciangin Topa Pasian in kei kiangah, “Ezekiel aw, Gog kiangah hih bangin thu gen in hong ci hi: Keima mi Israelte lungmuang takin a om hun lai takin nangmah na kihanthawn tawm ding a,

Jeremiah 9:24

A kisa theite in, keimah, leitungah migitna, thumanna leh thu tan’na zang ka hihna leh tuate sungah nuam a sapa ka hi hi, cih hong telna leh hong theihna uhah kisathei uh hen,” Topa in kong ci hi.

Isaiah 52:6

Tua ahih ciangin ka mite in keima min hong thei ding uh a, thu a genkholpa pen keimah ka hihna tua ni ciangin amaute in hong thei ding uh hi; keimah in hih lai-ah ka om hi,” a ci hi.

Isaiah 37:23

‘Nang in kua zahko-in kua gensia na hi hiam? Nang in kua tungah na aw sangsakin, kiphasak na hi hiam? Israelte’ Siangtho Pa, kei tungah hong tuaci na hi hi.

Isaiah 30:23

Amah in, khaici na tuh nadingun guah hong zusak ding a, lei pan-a piang an hoih tampi tak hong pia ding hi. Tua ni ciangin gankhahna mun zaina-ah na ganhingte un lopa ne ding uh hi;

Isaiah 29:18

Tua ni ciangin bilngongte in laibu sunga thute za ding a, lungzin’na leh khuamialna sung panin mittawte’ mit in mu ding uh hi.

Isaiah 28:5

Tua ni ciangin Vanglianpen Topa pen ama mi a om laite’ adingin minthan’na kumpi lukhu leh hoihna lukhu hi ding hi;

Isaiah 26:1

Tua ni ciangin Judah gam sungah hih la kisa ding hi: “Khuapi muanhuai khat i nei hi; Topa mahmah in i kulhte leh i panmun kipte hong hut sak hi.

Isaiah 25:9

Tua ni ciangin, “En un, amah in eima Pasian hi; eite hong hon dingin amah i muang hi. Amah in eima Topa hi; amah i ngak hi; amah in eite hong gumkhia ahih manin lungdamin kipak ni,” kici ding hi.

Isaiah 12:1

Ni khat ni ciangin mite in, “Topa aw, kei’ tungah na heh hangin na hehna dam a, nangmah in kei hong hehnem na hih manin nang kong phat ding hi.

Isaiah 4:1

Tua ni ciangin, nupi sagih in papi khat nei khawm ding uh a, “Kote in komau’ an ciat mah ne-in, komau’ puanciat mah ka silh ding uh hi, kote pen, nangma zi cih min bek hong pua sak in; ka minsiatna teng uh hong hum in,” ci ding uh hi.

2 SAMUEL NIHNA 22:28

Nangmah in mi niamte na honkhia a, ahih hangin a kiphasakte na niamkhiat hi.

Late 20:8

Amaute kinawmsawm-in puk ding uh a, ahih hangin eite tho-in i dingtang ding hi.

Late 46:10

“Om hit-hiat un la, Pasian ka hihna thei un. Minamte lakah keimah hong kisangsak a, leitungah ka min hong kithangsak hi!”

Paunak 30:13

Mihoih pha mahmah-a a kingaihsun, a kiliansak mi pawlkhat om hi.

Isaiah 23:9

Topa’ vaihawm ahi hi. Mi liante’ kiphasaknate a beisak nading, leh a kipahtawi uliante a niamkhiat nadingin a bawl ahi hi.

Isaiah 30:18

Tua ahih ciangin note hehpih nuamin Topa in hong ngak hi; note tungah hehpihna hong lah ding amah kipakta hi. Bang hang hiam cih leh Topa pen a thutang Pasian ahi hi; amah a muangte khempeuh thupha ngah ahi hi.

Micah 2:3

Tua ahih ciangin Topa in hih bangin ci hi: Note tungah gimna tun’sak ding ka ngaihsun a, tua gimna tawh na kipelh thei kei ding uh hi. Note’ adingin hun hoih lo hi ding ahih manin, na kiphatsak gamtat nawn kei ding uh hi.

Late 18:28

Hi hi, nangmah in keima mei na vaak a, Topa ka Pasian in ka khuamial na vaaksak hi.

Late 46:11

Mi honte’ Topa in ei tawh omkhawm a, Jakob' Pasian in eima belh ahi hi.

Late 94:2

Tho in leitung thukhenpa aw, a kiphasak mite tungah amau ngah dinga kilawm pia ta in!

Paunak 16:5

Topa in akihisak mite mudah a, daan a thuak hamtang nading uh, thei in.

Isaiah 10:12

Topa in Zion Mual leh Jerusalem khua-ah ama nasep ding teng a zawh khit ciangin, amah in Assiria kumpipa kihisakin a kisialhna leh a kiphatsakna daantat ding hi.

Isaiah 14:15

Ahih hangin nang pen, han sung, leihawm thuk penna Leihawm sungah hong kikoih suk ding hi.

Isaiah 40:23

uliante a mawkna suaksakin, leitung ukte pen bangmah lo a suaksakpa in amah ahi hi.

Jeremiah 12:9

Ka mite in, sa sial ne vasa gial khat sa sial ne vasa dangte in a kimkot pan a tuk nainai uh tawh kibang hi. Gamsate aw hong kikhawm un la, pawi hong siim un.

Daniel 4:34

A kisehsa hun a cin’ ciangin keimah Nebukhadnezzar in vantung lam ka ento a, ka khua theihna a hong tungkik hi. A nungta tawntung Sangpen Pasian’ min phatin, zahtakna leh minthan’na hih bangin ka pia hi: “Amah in a tawntungin uk ding a, a gam in a kip tawntung ding hi.