Isaiah 2:10 - Tedim Bible

¹⁰ Topa kihtakna leh a lian ama minthan’na panin suanghawm sungah lut in la, leivui sungah bu in.

Tedim Bible Revision 2017

¹⁰ Topa kihtakna le a lian ama minthanna panin suanghawm sungah lut unla, leihawm sungah bu un.

Isaiah 2:10 Referans Kwoze

Jeremiah 10:7

Gam khempeuhte’ Kumpipa aw, kua in nang hong kihta lo ding ahi hiam? Nang, kihtak ding mah na hi hi. Bang hang hiam cih leh leitung mipil khempeuhte’ lak leh amau’ gamsung khempeuh lakah, nang bang mi kuamah om lo hi.

2 THESALONIKA NIHNA 1:9

Tua Topa in ama misiangthote hangin minthan’na a ngah nading ahi zongin, kote’ teci pan’na thu note in um na hih uh ciangin a um mite khempeuh hangin nakpi-in lamdangsakna ngah nading ahi zongin, a hong pai ding Ni-ah tua mite in Topa maitang tawh ahi zongin, vangliatna tawh kipawl minthan’na tawh ahi zongin kikhenin, kisiat tawntungna ahi mawhna’ daantatna a thuak ding uh hi.

Luka 23:30

Tua lai takin mite in, ‘Komau tungah hong kia un. Komau hong vuk un,’ ci-in mualte a sam ding uh hi.

Luka 12:5

Kua mi na kihta ding ci-in kong gen ding hi; pumpi a thah khit ciangin hel khua sungah a khul zo Pa na kihta un. Ahi hi, tua pa na kihta un kong ci hi.

Hosea 10:8

Israelte in milim bia-in mawhna a bawlna munte kisusia ding a, a biakna taute uh tungah ling leh kiak po ding hi. Tua ciangin mite in mual liante kiangah, “Hong vuk cip un,” ci ding uh a, mual neute kiangah, “Hong deng cip un,” ci ding uh hi.

Jeremiah 10:10

Ahih hangin Topa in Pasian man hi a, amah in a nungta Pasian leh tawntung Kumpipa ahi hi. A heh ciangin lei ki-liing-a, gamte in a hehna nang zo lo hi.

Isaiah 42:22

Ahih hangin ama mite pen a kiluh, a kisut mite hi a, leihawm sungah amaute khempeuh kikiasak a, thonginn sungah kiseel hi; amaute pen, a hon ding om lo, nek ding-a kiman ganhing suak khin uh a, kuamah in “Hong pia kik in,” a cih loh vankisutte suak khin ta uh hi.

Isaiah 10:3

Dan piak ni hun, gamlapi panin siatna hong pai ciangin note in bang cih ding na hi uh hiam! Huhna ngenin kua kiangah tai ding a, na neihsa uh koi-ah koih ding na hi uh hiam?

Late 90:11

Nang hong kizahtakna zah dingin kua in na sinso-na’ vangliatna thei a, na hehna’ husiatna thei ahi hiam?

JOB (Job) 31:23

Pasian’ daan piak ding kihta ka hih manin, tua bang peuhmah ka gamta ngei kei ding hi.

JOB (Job) 40:13

Lei sungah amaute phumcip in la, misite' gam sungah amaute khihcip in.

Late 145:12

a vanglian nangma sepnate leh na Kumpi gam hoihna a minthan’nate mihing tate’ tungah kitheisak ding uh hi.

Isaiah 25:11

Tuipeekpa in tuipeek dingin a khutte a van bangin amaute in a khut uh vanvan ding uh a, ahih hangin a khut uh a van simin a kiphatsaknate uh Pasian in niamsuk sak ding hi.

Jeremiah 13:9

“Topa in kong cih-inah, hih mah bangin Judah mite’ kisaktheihna leh Jerusalem khua mite’ ki-uatsaknate ka susia ding hi.

Nahum 3:11

Nineveh khuapi aw, nang zong zukham bangin khua na phawk kei ding a, na galte kiang panin tai-in bukna na zong ding hi.