Isaiah 19:4 - Tedim Bible

⁴ Izipt mite pen a haksa kumpi khut sunga ka pia ding a, a kihtak huai a gilo kumpipa in amaute uk ding hi, Topa ahi Vanglianpen Topa in ci hi.

Tedim Bible Revision 2017

⁴ A thuak hak topaʼ khut sungah Egypt mite ka pia dinga, a kihtakhuai mahmah a gilo kumpipa in amaute uk ding hi, Topa, Vanglian Topa in ci hi.

Isaiah 19:4 Referans Kwoze

Isaiah 20:4

Assiria kumpipa in, Izipt gam mite’ maizumna ahi, a moi a hamin, tangguak kheguakin, tawbo dawksa-in, Izipt mite gal-in manin, Ethiopia mite sal-in manin paikhiatpih ding hi.

Ezekiel 29:19

Tua ahih ciangin Topa Pasian ahi keimah in hih bangin thu kong gen hi: Tu-in Tai-ar khuapi a simna hangin Babilon kumpipa Nebukhadnezzar tungah Izipt gam ka pia ding hi. Amah in Izipt gam luhin a nate uh sut ding a, a galkapte’ thaman dingin Iziptte’ neihsa khempeuh pua khia mang ding hi.

Jeremiah 46:26

Amaute a that nuam Babilon kumpipa Nebukhadnezzar leh a uliante’ khut sungah amaute ka pia ding hi. Tua khit ciangin Topa in kong cih-inah, nidang lai bangin Izipt gamah mi a teeng kik ding hi.

Isaiah 19:2

Izipt mite amau leh amau ka kitawngsak ding hi, mi kim in sanggam khat leh khat ama vengte ciat do ding a, khua khat leh khua khat kido-in, mi khat leh khat, kumpigam khat leh khat kumpi-za kituh ding hi;

Late 31:8

galte khut sungah kei nong pia kei hi; mun tanzau-ah ka khe na dingsak hi.

1 SAMUEL MASA 23:7

Keilah ah David a tun’ khitna thu tu-in Saul kiangah kigen hi. Saul in, “Pasian in ka khut sungah amah hong pia khin hi; bang hang hiam cih leh kulh kongpi leh a kalhna zawl a nei khua sungah lutna tawh amahmah kikhaknelh hi,” a ci hi.

Ezekiel 30:12

Nail Gun a tui ka kangsak ding a, mi gilote khut sungah Izipt ka koih ding hi. Gamdang mite in susia gawpin, gamkhing suaksak ding uh hi. Topa ahi keimah in ka ci khin hi.

Nahum 3:10

Tua bang hi napi-in, Thebes khuamite kipua khia-in sal suak uh hi. Konglak mun citengah a tate uh kisatlum hi. A miliante, sikkol kibulhin kipua khia a, amau a man galte in hawm uh hi.

Isaiah 20:3

Ashdod khua a kilak khit ciangin Topa in, “Izipt leh Ethiopia’ lang khatah lim leh siahil dingin ka nasempa Isaiah tangguak leh kheguak tawh kum thum sung lam a pai mah bangin,