Isaiah 19:3 - Tedim Bible

³ Izipt mite’ lungsim hawmsuak ding a, amau’ geelnate ka siasak ding hi; amaute in milimte leh khongkhai theite, vankah theite leh aisan theite thu dong ding uh hi;

Tedim Bible Revision 2017

³ Egypt miteʼ lungsim hawmsuak dinga, amauʼ geelnate ka siasak ding hi. Amaute in milimte, vankah theite le aisan theite tungah thu dong ding uh hi.

Isaiah 19:3 Referans Kwoze

Isaiah 8:19

Amaute in note kiangah, “Phun suau-suau-in a pau mualmual vankah theite leh aisan theite kiangah thu dong un. Mite in amaute’ pasian thu dongin, mihingte’ thu pen misite dot ding mah hilo ahi hiam?” hong ci ding uh hi.

Daniel 2:2

Tua ahih ciangin bang mang man’ cih a hilh dingin mitphial siamte, mi bum theite, leh khongkhai siamte a samsak hi.

1 KHANG TANGTHU MASATE 10:13

Tua ahih ciangin a thuman’lohna hangin Saul si hi; amah in Topa’ thupiakna a zuih lohna, leh vankah khat thu dongin a lamlah ding a zon’na,

Daniel 5:7

Amah in mitphial siamte, aisan siamte, aksi et siamte va sam pak un ci-in Babilon mipilte kiangah a gen hi. Tua mite a hong tun’ uh ciangin kumpipa in, “Hih laigelh a sim thei, a khiatna a hong gen thei peuhmah kumpi puanpi san silh sakin, minphatna khamkhi a ngawngah ka ok sak ding a, kumpi gam sungah a za lian thumna-in ka koih ding hi,” a ci hi.

Ezekiel 22:14

Tua bangin kong hih ciangin hang nawn dingin ki-um a, na khuttum liik ngam dingin ki-um na hi hiam? Topa ahi keimah in thu ka gen khin a, ka gen bangin ka gamta ding hi.

Ezekiel 21:7

Tua bangin na omna thu mite in hong dot ciangin mai lama thupiang ding hangin a tuaci om na hihna gen in. Tua hun ciangin a lungsim uh launa tawh kidimin, launa hangin a khut uh liingcipin, a han’na lungsim uh bei-in, lau-in a khuk uh a liin’ kelkel nading thu leh, tua hun ding pen tu-in a hong tung ta, ahihna thu gen in,” Topa Pasian in hong ci hi.

Jeremiah 46:15

Bang hangin na bawngtal pasian uh Apis guallel-in taimang ahi hiam? Topa in amah a vattuk hang ahi hi.

Isaiah 57:16

Ka mite tungah nuntakna hu ka pia hi. Amaute ka mawhsak paisuak kei ding a, amaute tungah ka heh tawntung kei ding hi.

Isaiah 47:12

Na neu lai-a kipan na sep ahi na mibumna leh na aisannate ah kip takin om in; phattuamna na ngah kha ding a, mite na lausak zo kha ding hi.

Isaiah 44:25

zuau thu gente’ hilhkholhna limte a siasakpa, aisante pen mihai a suaksakpa, mi pilte lehhei kikin, amau’ thu theite haina a suaksakpa;

Isaiah 19:1

Izipt gam tawh kisai thu: A manlang mahmah meii tungah Topa tuangin Izipt gamah pai hi; ama mai-ah Izipt gam milimte liing ding a, Izipt mite’ han’na bei ding hi.

Isaiah 15:2

A sangna munte ah a kap dingin Dibon khuamite pai to uh hi; Nebo leh Medeba khuate’ hangin Moab mite nakpi takin kap uh hi. Dahna limin lu khempeuh kimettol a, khamul khempeuh kimetmai hi;

Isaiah 14:27

Vanglianpen Topa in ngim khin ahih manin kua in phiat zo ding ahi hiam? Ama khut kizan khin hi, kua in kaiton kik zo ding ahi hiam?

Paunak 21:30

Pilna, theihna, thugennate in, Topa’ mai-ah bangmah man lo hi.

Late 107:27

amaute zukham bangin hoisuk hoito uh a, a cih nading mel uh thei nawn lo uh hi.

2 SAMUEL NIHNA 17:23

Ahithofel in ama thugen a kizuih loh a muh ciangin a la tutphah vawhin ama khuapi a inn-ah nuak ciah hi. Tua ciangin amah in a innkuan vai hawmsak a, tua ciangin amahmah gui-awk hi; amah si a, a pa’ han-ah kivui hi.

2 SAMUEL NIHNA 17:14

Tua ciangin Absalom leh Israel mite khempeuh in, “Arkhi mi Hushai’ thugen in Ahithofel’ thugen sangin hoihzaw hi,” a ci uh hi. Bang hang hiam cih leh Topa in Absalom tungah siatna a tun’sak theih nadingin Ahithofel’ thugen hoih tawh a zawh ding Topa in a sehsa ahi hi.

2 SAMUEL NIHNA 15:31

Tua ciangin David kiangah, “Ahithofel zong mi sawmsimte lakah Absalom tawh om hi,” ci-in kigen hi. Tua ciangin David in, “Topa aw, kong thum hi, Ahithofel’ thugente haina-in na heisak in,” a ci hi.

1 SAMUEL MASA 25:37

Zingsang ciang, Nabal’ zukhamna a ven’ ciangin a zi in ama kiangah hih thute gen a, thakhatin a lungtang si-in amah suangtum bang hi.

Late 33:10

Topa in minamte’ thu ngaihsutna a mawkna suah a, mite’ geelna khaktan hi.

Daniel 1:20

Kumpipa in bangbang thu haksa nono a dot hangin, hi mi lite in ama gamsung khempeuh a, mitphial siamte leh aisan theite khempeuh sangin a zah sawmin a siamzawk lam uh a mu hi.

2 KUMPI NIHNATE 1:2

Tu-in Samaria a, a inndei tungnung sung a kikalh simsiam panin Ahaziah kia-in a cina hi; tua ahih ciangin amah in kamtaite sawlin amaute kiangah, “Pai un, hih cinatna panin ka damkik zo ding hiam cih thu Ekron pasian, Baalzebub kiangah va dong un,” a ci hi.