Isaiah 19:22 - Tedim Bible

²² Topa in Izipt mite pulnatna tawh vat ding a, ahi zongin damsak ding hi; Topa’ lamah amaute kihei kik ding uh a, amah in amaute’ thuumna donin amaute damsak ding hi.

Tedim Bible Revision 2017

²² Topa in Egypt mite sat dinga, ahi zongin damsakkik ding hi. Topa’ lamah amaute kiheikik ding uh a, amah in amauteʼ thumna donin amaute a damsak ding hi.

Isaiah 19:22 Referans Kwoze

Hebru 12:11

Thuhilhna i thuak lai takin lungdamna-in kingaihsun loin dah nading bang kisa thei hi. Ahih hangin thulhilhna a thuak mite in a nung ciangin nopsakna ahi dikna gah a ngah uh hi.

Hosea 14:1

Israelte aw, note’ Topa Pasian lamah kihei kik un. Na mawhna hangun note na puk khin uh hi.

Thu-hilhkikna 32:39

“Tu-in thei un, Keimah a kicipa in Kei ka hi hi, Kei sim loh pasian dang om lo hi; ka that a, ka nungta sak hi; ka liam sak a, ka dam sak hi; ka khut sung pan a honkhia zo kuamah om lo hi.

Hosea 6:2

Ni nih sungin eite hong thahatsak ding a, ni thum sungin i ngei hong bangsak ding hi. Tua ciangin amah tawh i kikhawl ding hi.

Hosea 5:15

Ka mite in a mawhna hangun gimna thuakin kei hong zon’ kik mateng ka tuaci nusiat phot ding hi. A lungkham uh ciangin kei hong zong ding uh a,

Isaiah 55:7

mi gilopa ama gitlohna nusia sak un la, thuman lopa ama ngaihsutna nusia sak un; amah in a hehpih theih nadingin Topa tung leh i Pasian tungah amah paikik sak un, bang hang hiam cih leh a mawhna maisiangsak ding hi.

Isaiah 45:14

Topa in hih bangin ci hi: “Izipt pan a piangte leh Ethiopia sumbuk vante leh a tun a sang Seba mite nangma kiangah hong pai-in nangma aa hi ding uh a, amaute in nang hong zui ding uh hi; amaute sikkhau kibulh-in hong pai-in nangma kiangah hong kun ding uh hi. Amaute in nangma kiangah thuum ding uh a, ‘Nangmah bek tawh Pasian omkhawm a, kuamah dang om loin, amah sim loh pasian dang om lo hi,’ hong ci ding uh hi.”

Isaiah 6:10

amaute in a mit uh tawh a muh loh nading, a bil uh tawh a zak loh nading, a lungsim uh tawh thu a theihtel loh nading, amaute kihei-in damna a ngah lohna dingun hih mite lungsim mawl sak in la, amau bil uh ngong sak in la, a mit uh va si sak in,” hong ci hi.

JOB (Job) 5:18

Bang hang hiam cih leh amah in a liamsak hangin a liamma tun ding a, ama satna liamma a damsak ding hi.

JOB (Job) 22:23

Lungsim tak tawh Vanglianpa lamah kihei in la, na innsung pan gamtatsia khempeuh bei sak in la,

Isaiah 11:11

Tua ni ciangin Topa in, Assiria gam, Izipt gam, Pathros gam, Ethiopia gam, Elam gam, Shinar gam, Hamath gam leh tuipi gei-a gamte panin ama mi a om laite a ngahkik nadingin a vangliatna zang kik ding hi.

Isaiah 27:13

Tua ni ciangin peengkul lianpi khat kitum ding a, Assiria gam sunga a mangthang mite leh Izipt gam sunga a kihawlkhia mite hong pai-in Jerusalem mual siangtho tungah Topa bia ding uh hi.

Isaiah 30:26

Tua tham loin, Topa in ama mite’ liamna tuamin ama satna meimate a damsak ni ciangin kha taang pen ni taang bang ding a, ni taang pen ni sagih sunga taang zah bangin a zah sagih-in taang ding hi.

Isaiah 57:18

Amau’ mawh gamtatnate ka mu khin a, ahih hangin amaute ka damsak ding hi; amaute makaih-in hehnepna ka pia ding a, a dah a kapte muk panin phatna ka piangsak ding hi.

Ezekiel 29:13

“Bang hang hiam cih leh Topa Pasian in hih bangin ka ci hi: Kum sawmli khit ciangin a kithehthangna minamte lak panin Izipt mite ka kaikhawm kik ding a,

Paikhiatna 8:4

uiphukte in nang' tung leh na mite leh na nasemte khempeuh' tungah hong pai ding hi,” ci hi,’ ci-in gen in,” a ci hi.

2 KUMPI NIHNATE 20:5

“Kileh kik in la, keima mite’ makai Hezekiah kiangah hih bangin gen in. Na pa David’ Pasian, Topa in hih bangin ci hi: Na thungetna ka za khin a, na khituite ka mu khin hi; en in, nang kong damsak ding a; ni thum ni-in Topa’ innah na paito ding hi.