Isaiah 19:21 - Tedim Bible

²¹ Topa in Izipt mite tungah amahmah kitheisak ding hi; tua ni ciangin Izipt mite in Topa thei-in biak piakna leh meihal tawh bia ding uh a, amaute in Topa’ tungah thuciamna bawl-in, tua thuciamnate sem ding uh hi.

Tedim Bible Revision 2017

²¹ Topa in Egypt mite tungah a mahmah kitheisak ding hi. Tua ni ciangin Egypt mite in Topa thei-in biakpiakna le meihal biakna tawh bia ding uh a, amaute in Topa’ tungah thuciamna bawlin, tua thuciamnate sem ding uh hi.

Isaiah 19:21 Referans Kwoze

Malakhi 1:11

Leitung khempeuh-a om minam khempeuh in kei hong zahtak uh a, kei’ adingin mun khempeuh ah paknamtui halin, a kisang thei ding biak piakna hong pia uh hi. Mi khempeuh in kei hong zahtak uh hi.

Isaiah 11:9

Ka mual siangtho buppi tungah amaute khat leh khat kiliamsak lo ding uh a, kisusia lo ding uh hi; bang hang hiam cih leh tuite in tuipi omna a tuamcip mah bangin leitungah Topa’ thu theihna kidim ding hi.

1 PETER MASA 2:9

Note na hih uh leh, khuamial sung pan a lamdang khuavak sungah a hong sampa’ vanglian hehpihna na lahkhiat nadingun, a hong teel mi pawl, man’na nuam a nei siampi pawl, mi siangtho pawl, Pasian in a uk, a neih mi pawlte na hi uh hi.

1 PETER MASA 2:5

note in zong a nungta suangte bangin a kilam, Kha inn na hi uh hi; Zeisu Khazih hangin Pasian san’ theih ding akilawm biakna a pia thei, a siangtho siampi pawl-in zong a piang na hi uh hi.

Johan 17:3

Amaute in nang Pasian taktak khat bek leh na sawlpa Zeisu Khazih a theihna un nuntak tawntungna ahi hi.

Zefaniah 3:10

A gamlapi Ethiopia gam peka om, a kithehthang ka mite nangawn in biakna hong puak ding uh hi.

Habakkuk 2:14

Tuipi in tui tawh a kidim mah bangin, leitung in Topa’ minthan’na theihna tawh kidim ding hi.

Jonah 1:16

Tua ciangin tua mite in Topa a kihta mahmah uh a, Topa’ tungah biakna pia-in thuciamna a bawl uh hi.

Isaiah 56:7

hih mite ka mual siangtho ah paipihin keima thungetna inn sungah ka lungdam sak ding a, amaute’ meihal biakna leh biak piaknate ka biakna tau tungah kisang ding hi; bang hang hiam cih leh ka inn pen mi khempeuh’ adingin thungetna inn kici ding hi.

Isaiah 55:5

En un, note in na theih loh uh minamte na sam ding uh a, amah in note hong minthang sak zo ahih manin, Topa na Pasian leh Israelte’ Siangtho Pa’ hangin note hong thei lo minamte note kiangah hong tai ding uh hi.

Isaiah 44:5

Khat in, ‘Keimah in Topa aa ka hi hi,’ ci-in, a dang khat in Jakob’ min tawh ama min lo ding a, a dang khat leuleu in, ‘Topa aa,’ ci-in ama khut tungah gelhin, Israel min tawh amahmah kinophuah ding hi.”

Isaiah 37:20

Tua ahih ciangin Topa aw, nang bek Pasian na hihna leitung kumpi gam khempeuh in a theih nadingin, tu-in ama khut sung panin kote hong honkhia in,” a ci hi.

Thuhilh-sia 5:4

Pasian tungah thu na ciam ciangin manlangin tung sak pah in. Amah in mihaite dik sa lo hi. Na thuciamna bangin tung sak in.

Late 67:2

leitungah nangma lampi, minam khempeuhte lakah nangma hotkhiatna vang kithei ta hen.

1 KUMPI MASATE 8:43

na ten’na vantung panin za in la, tua gamdang mipa in nang tungah hong ngetna khempeuh tawh kizui-in hih in; nangma mi Israelte mah bangin leitung mi khempeuh in na min thei-in nang hong zahtak nading, leh hih ka lamsa inn in nangma min tawh a kilo a hihna a theih nading uh ahi hi.

1 SAMUEL MASA 17:46

Tu ni-in Topa in ka khut sungah nang hong pia ding a, keimah in nang hong sattukin na lu ka tankhia ding hi; tua ciangin tu ni-in huih lak vasate leh leitung ganhingte tungah Filistia mi a site’ luanghawmte ka pia ding hi; Israelte sungah Pasian khat a om lam leitung mi khempeuh in a theih nading,

Late 61:8

Tua ciangin ni simin ka thuciamnate bangin ta-in, na min phatna ka sasa ding hi.

Late 68:31

Izipt gam panin sumngo lakhiasak in la, Pasian tungah thungetna-in Ethiopia gam a khut zansak mengmeng in.

Isaiah 11:11

Tua ni ciangin Topa in, Assiria gam, Izipt gam, Pathros gam, Ethiopia gam, Elam gam, Shinar gam, Hamath gam leh tuipi gei-a gamte panin ama mi a om laite a ngahkik nadingin a vangliatna zang kik ding hi.

Isaiah 27:13

Tua ni ciangin peengkul lianpi khat kitum ding a, Assiria gam sunga a mangthang mite leh Izipt gam sunga a kihawlkhia mite hong pai-in Jerusalem mual siangtho tungah Topa bia ding uh hi.

Isaiah 45:14

Topa in hih bangin ci hi: “Izipt pan a piangte leh Ethiopia sumbuk vante leh a tun a sang Seba mite nangma kiangah hong pai-in nangma aa hi ding uh a, amaute in nang hong zui ding uh hi; amaute sikkhau kibulh-in hong pai-in nangma kiangah hong kun ding uh hi. Amaute in nangma kiangah thuum ding uh a, ‘Nangmah bek tawh Pasian omkhawm a, kuamah dang om loin, amah sim loh pasian dang om lo hi,’ hong ci ding uh hi.”

Isaiah 49:7

Israel a Tankhia-pa leh ama Siangtho Pa ahi Topa in, nakpi takin simmawhna a thuak, minamte in a muhdah, gam ukte’ nasempa tungah: “Nangmah hong teel, Israelte’ Siangtho Pa, a thuman Topa’ hangin, mite na hotkhiatna thu kumpite in a muh ciangun zahtakna tawh na mai-ah hong ding ding uh a, na mai-ah uliante, hong kun ding uh hi,” hong ci hi.

Isaiah 60:7

Kedar gam tuu honte khempeuh nangma kiangah hong kipuak ding a, Nebaioth mite’ tuutalte nangma deihna ah kizang ding hi; keima biakna tau tungah piak dingin tuate hong kipaipih ding a, keimah in a minthang ka inn ka minthangsak semsem ding hi.

Isaiah 66:23

Khadet khat pan khadet khat, sabbath khat pan sabbath khat, kunsukin keimah a bia dingin Jerusalem ah mi khempeuh hong pai ding uh hi, Topa in ci hi.

Late 68:32

Leitung kumpi gamte aw, Pasian’ tungah la sa un; vantung, tanglai vantung-a tuang Topa phatna la sa un; en un, ama aw, a vanglian ama aw hong gingkhia sak hi.