Isaiah 19:2 - Tedim Bible

² Izipt mite amau leh amau ka kitawngsak ding hi, mi kim in sanggam khat leh khat ama vengte ciat do ding a, khua khat leh khua khat kido-in, mi khat leh khat, kumpigam khat leh khat kumpi-za kituh ding hi;

Tedim Bible Revision 2017

² Egypt mite amau le amau ka kitawngsak ding hi. Mi kim in ama veengte ciat do dinga, khua khatlekhat kido-in, mi khatlekhat kumpi za kituh ding hi.

Isaiah 19:2 Referans Kwoze

Thukhente 7:22

Amaute in peengkul zathumte a tum uh ciangin, Topa in giahphuala om mi khempeuh a namsau uh tawh amau leh amau kisat gawpsak hi; tua ciangin galkapte Zererah lam Bethshittah ciang, Tabbath kiang Abelmeholah gamgi dong tai uh hi.

1 SAMUEL MASA 14:20

Tua ciangin Saul leh amah tawh a om mi khempeuh kikhawmin gal phualah pai uh hi; en in, a galte khempeuh’ namsau in amau’ lawmte mah hih ciat a, kitawhnawina lianpi khat na om hi.

Mattiu 10:36

Mi khat adingin ama innkuanpihte mah a gal hong suak ding hi.

Mattiu 12:25

Zeisu in amau lungsim ngaihsutna a theih ciangin, “Gamsung mi kilem lo-a a kikhen gam khempeuh kisia ding hi. A mi kilem lo, a kikhen khua leh inn khempeuh zong a kip zo kei ding hi.

Mattiu 10:21

Unau khat leh khat ahi zongin, pa in a tapa ahi zongin, sih nadingin a kiheek ding uh hi. Tate in a nu leh a pate galin do ding uh hi. Tate in a nu leh a pate galin do ding uh a, thah dingin a pia ding uh hi.

Ezekiel 38:21

Gimna a tuamtuamte tawh Gog ka lausak gawp ding hi. Topa Pasian in hih thu ka gen khin hi. Ama mite khat leh khat namsau tawh kisat gawp ding uh hi.

Isaiah 9:21

Manasseh in Efraim, Efraim in Manasseh ne-in tua tegel in Judah langpang khawm uh hi. Hih thute khempeuh hangin ama hehna dam zo nai lo a, ama khut kilamto lai hi.

1 SAMUEL MASA 14:16

Benjaminte’ gam sunga Gibeah-a Saul’ galvilte in en uh hi; en in, alang alangah mihonte kikhin maimai hi.

Thukhente 9:23

Pasian in Abimelek leh Shekhem mite kikalah khagilo sawlin kigalneihna omsak hi; tua ciangin Shekhem mite in Abimelek lehdo uh hi;

Mattiu 24:7

Mi nam khat leh nam khat, gam khat leh gam khat hong kido ding uh hi. Mun khat khatah kial hong tung ding a, ziin hong liing ding hi.

Jeremiah 46:12

Gamdangte in na zum huaina uh hong za khin uh a, leitung bup-ah na kahna aw uh kiza hi. Na galkapte uh khat leh khat kiphu kha-in, a nihun a pukkhawm uh hi,” a ci hi,

Jeremiah 51:46

Gam sunga kam dawn kigen sawnte hangin, lungkia kei un, lau kei un. Kum khatin thu khat kigen a, a kum kik ciangin thudang khat kigen lel hi. Gam sungah ngongtatna thu om a, kumpi khat leh kumpi khat kidona thu kigen thei hi.

Zekhariah 8:10

Tua hun ma-in mi ahi a, ganhing ahi zongin na a sem dingin kuamah in cial zo lo a, galte kihtakna hangin kuamah a ut utin om thei lo hi. Mi khat leh khat ka kidosak hi.

1 KUMPI MASATE 16:21

Tua ciangin Israel mite pawl nihin kikhen uh hi; mi a kimkhat in kumpi-in a bawl dingin Ginath’ tapa Tibni zui uh a, a kimkhat in Omri zui uh hi.

2 KHANG TANGTHU NIHNATE 15:6

Pasian in lungkhamna nam khempeuh tawh buaisak ahih manin minam khat leh minam khat, khuapi khat leh khuapi khat kido-in amaute kitamkham uh hi.

Isaiah 3:5

Mite khat leh khat, mi khempeuh in a lawmte ciat, mi khempeuh in a veengte ciat, kinencip gawp ding uh hi; khangnote pen uhamte tungah, migina lote pen miliante tungah kiphasak ding uh hi.

Marka 3:24

Gamkhat sung mi kilem loin a kikhen leh, a kip zo kei ding hi.