Isaiah 19:16 - Tedim Bible

¹⁶ Tua ni ciangin Izipt mite pen numei bang ding uh a, Vanglianpen Topa in amaute tungah a khut a sin’sanna hangin lau-in liing ding uh hi.

Tedim Bible Revision 2017

¹⁶ Tua ni ciangin Egypt mite, numei bang ding uh a, Vanglian Topa in amaute a khut a sinsanna hangin lau-in liing ding uh hi.

Isaiah 19:16 Referans Kwoze

Nahum 3:13

Na galkapte, numei bang hi lel ding a, na galte a lut zawh lohna dingin, na gamsung kihu zo lo ding hi. Mei in na kulh kongpi zawlte kangtum ding hi.

Jeremiah 51:30

Babilon galkapte in a do nawn kei uh a, a phualpi uhah a khawl uh hi. A tha uh om nawn lo a, numei tawh a kibang uh hi. A innte uh kihal sak a, a khua kongpi kalhna siktawnte uh a kitan hi.

Jeremiah 50:37

Sakolte leh sakol leengte, numei tawh kibang a galkap cialte uh, namsau tawh kithat uh hen! A sum a pai khempeuh uh, kituahmang sak hen!

Isaiah 11:15

Topa in ama huihsa nungsakin Nail gunpi leh Eufrates gunpi tuite tungah a khut zanin kangsak ding a, mi khempeuh in nuam takin khedap tawh a kantan zawh ding luineu sagih bek siit lai ding hi.

Zekhariah 2:9

Topa mahmah in note hong su ding a, ni danga note’ na hong sepsak mite in tu-in note’ nate hong lehsuh kik ding uh hi,” hong cisak hi. Hih bangin thu hong pian’ ciangin Vanglianpen Topa in kei hong sawl lam tak na thei ding uh hi.

Isaiah 10:32

Tu ni mahmah-in Nob khua-ah galte tungin khawl uh a, Zion Mual ahi, Jerulasem khuapi, a khuttum uh sin’san uh hi.

Hebru 10:31

A nungta Pasian khut sungah puk nading thu in a lauhuai taktak thu ahi hi.

Isaiah 30:17

Mual sang dawn a, dial khuam bang ahi a, mualtunga dial tawh kibangin ahi zongin, note hong kinusiat dong matengin, mi khat’ tawn’na tawh tulkhat tai-in, mihing nga’ tawn’na tawh note na taimang ding uh hi.

Late 48:6

numei nausuak na a sa bangin amaute liinggawp uh hi.

1 KORIN MASA 2:3

Note tawh ka omkhawm lai takin thanemin, lau-in, liingin ka om hi.

2 KORIN NIHNA 5:11

Tua ahih leh, Topa kihtakna kote in thei-in midangte ka zol lai takun Pasian mai-ah ka kilang uh hi. Note lungsim mai-ah zong ka kilang uh hi ci-in ka um uh hi.

Isaiah 13:2

Mual kolh tungah lan khat khai to un la, galkapte tungah nakpi takin kiko un; mi liante’ kongpi-ah a lut nadingun amaute khut vaan un.

Paikhiatna 11:6

Cik mah-a tua bang a om ngei lo, cik mah ciangin zong a omkik ngei lo ding kahna lianpi Izipt leitang tung khempeuhah om ding hi.

Obadiah 1:9

Teman khua aw, Esau mual ah mi khempeuh a kithahlup khit nadingin, na galhangte a thanem ding uh hi.

Zekhariah 2:13

Mi khempeuh aw, Topa’ mai-ah gamdai-in om un. Bang hang hiam cih leh a siangtho ama omna mun panin amah hong paikhia ta hi.

Zekhariah 10:11

Amaute in, lungkhamna tuipi a phutkhak uh ciangin, keimah in tuipi hualte ka vatmai ding a, Nail gun tuithukte kangcip ding hi. Assiria mite ka niamkhiat ding a, Izipt in a vangliatna taan ding hi.