Isaiah 19:12 - Tedim Bible

¹² Tua ahih leh Izipt kumpipa Faro aw, na mi pilte koi-ah om ahi hiam? Vanglianpen Topa in Izipt gam daantah ding a ngimna thu, na mipilte in nangma tungah hong gen thei kha ding hi.

Tedim Bible Revision 2017

¹² Tua ahih kei leh Egypt kumpipa Faro aw, na mipilte koi ah om ahi uh hiam? Vanglian Topa in Egypt gam gimpiak ding a ngimna thu, na mipilte in nangma tungah hong gen thei kha ding hi.

Isaiah 19:12 Referans Kwoze

1 KORIN MASA 1:20

Lungpil mi koi-ah a om hiam? Laithei mi koi-ah a om hiam? Hih leitung thu kidong thei mi koi-ah a om hiam? Pasian in leitung pilna a haisak hilo ahi hiam?

ROM (Romans) 9:17

Lai Siangtho sungah Faro kumpipa kiangah, “Ka vangliatna nangma tungah ka lah nading ahi zongin, ka min leitung khempeuh ah a kizelh nading ahi zongin nangmah kong sangsak zo hi,” a ci hi.

Jeremiah 2:28

No ading-a na bawl uh na pasiante uh koiah om ahi hiam? Haksatna na tuah uh ciangin, a hong hot theih leh kihon sak ta ve un; bang hang hiam cih leh Judah gam aw, na khuapi zahzah-ah pasian na nei tazen uh hi.

Isaiah 44:7

Kua in kei tawh kibang ahi hiam? Amah gensak-in pulak sak un la, keima mai-ah gen sak un. A tung ding nate thu tanglai pek panin kua in tangko ahi hiam? Hong tung ding nate thu amaute genkhol sak dih un.

Isaiah 14:24

Vanglianpen Topa kiciam khin a: “Ka geelsa bangin piang ding a, ka ngimsa bangin kip ding hi,

Isaiah 5:21

Amau’ mit-ah pil kisa a, amau’ muhna-ah siam a kisate in gimna ngah ta hen!

Thukhente 9:38

Tua ciangin Zebul in ama kiangah, “Tu-in na kam han’na koi-ah om hiam, ‘Ama na i sep dingin Abimelek in kua ahi hiam?’ a ci pa aw, Hih mite in na simmawhte hilo ahi hiam? Tu-in paikhia in la amaute tawh kido in,”a ci hi.

Obadiah 1:8

Topa in: “Tua ni ciangin Edom sungpan a mipilte ka susia ding a, Esau mualah pilna ka siit nawn kei ding hi,” a ci hi.