Isaiah 19:1 - Tedim Bible

¹ Izipt gam tawh kisai thu: A manlang mahmah meii tungah Topa tuangin Izipt gamah pai hi; ama mai-ah Izipt gam milimte liing ding a, Izipt mite’ han’na bei ding hi.

Tedim Bible Revision 2017

¹ Egypt tawh kisai thu hih bangin gen hi: A manlang mahmah meii tungah Topa tuangin Egypt gamah a pai hi. Ama mai ah Egypt gam milimte lau-in liing ding uh a, Egypt miteʼ hanna bei ta ding hi.

Isaiah 19:1 Referans Kwoze

Paikhiatna 12:12

Bang hang hiam cih leh keimah in tua zanin Izipt gam ka nawk ding a, Izipt leitang tungah mihing hita leh ganhing hita leh tacil khempeuh ka vat gawp ding hi; Izipt pasiante khempeuh' tungah thu ka khen ding hi; keimah in Topa ka hi hi.

Mangmuhna 1:7

En un, Topa in meiite tawh hong kumsuk ding a, mittang khempeuh a, kipan amah a sun mite in amah hong mu ding uh hi. Leitung mipawl khempeuh in zong amah hangin a kap ding uh hi. Tua bang a man hi. Amen.

Joel 3:19

Amaute in Judah gam simin, mawhnei lo mite that uh ahih manin, Izipt gam in sehnel gam suakin, Edom gam in gamsia suak ding hi.

Joshua 2:11

Tua thu ka zak phetun lungsim kitam zanin, ka lungsim uh bei a, note’ hangin mite’ lungsimah han’na bei hi; bang hang hiam cih leh Topa na Pasian un tunga om vantung leh nuai-a om leitungah Pasian ahi hi.

Ezekiel 30:13

“Milim khempeuh ka susia ding a, Memfis khuapi-a pasian man lote ka beisak ding hi. Izipt gam a uk ding om nawn lo ding a, mi khempeuh lau-in ka liingsak gawp ding hi.

Jeremiah 51:44

Babilon khuate’ pasian Bel zong ka daantat ding a, a na guksa teng ka lak khiatsak kik ding hi. Gamdangte in amah a bia nuam kei ding uh hi; Babilon khua kulhpi a cim ta hi.

Jeremiah 50:2

“Gam khempeuh ah genin tangko un; dial khai un la, im kei un. ‘Babilon’ khuapi kila ta hi. Bel pasian maizum ta, a Merodak pasian kitangawp ta hi. A milimte uh maizum ta a, a pasiante uh kisiagawp ta hi,’ ci-in tangko un.

Isaiah 13:1

Amoz’ tapa Isaiah in Babilon siatna ding tawh kisai a muhnate a genna:

Late 104:3

Van-a om tui tungah na inn na lam a, meiipite, na leeng dingin na bawl a, huih khate' tungah na tuang hi.

Thu-hilhkikna 33:26

“Israel aw, nangmah huh dingin vantungah a tuang, a liatna tawh vanpi-ah a om, Pasian tawh a kibang kuamah dang om lo hi.

Zekhariah 14:18

Tua gualzawhna pawi a bawl dingin Izipt mite a pai nop kei leh, tua bang-a a pai nuam lo minamte’ thuak gimnate mah, amau tungah tung ding hi.

Zekhariah 10:11

Amaute in, lungkhamna tuipi a phutkhak uh ciangin, keimah in tuipi hualte ka vatmai ding a, Nail gun tuithukte kangcip ding hi. Assiria mite ka niamkhiat ding a, Izipt in a vangliatna taan ding hi.

Jeremiah 25:19

Izipt kumpipa Faro leh a nasemte, a kumpi uliante, a mite khempeuh leh

Isaiah 21:9

En in, sakol leeng tuangte a kopkopin hong pai!” ci hi. A dang khat in, “Babilon cim hi, cim hi; ama milim pasiante khempeuh leilak dongah amah in suksiat sak hi,” ci-in dawng hi.

Isaiah 19:16

Tua ni ciangin Izipt mite pen numei bang ding uh a, Vanglianpen Topa in amaute tungah a khut a sin’sanna hangin lau-in liing ding uh hi.

Isaiah 13:7

Tua ahih ciangin khut khempeuh zaw-in, mi khempeuh’ lungsim tui suak ding a,

Late 104:34

Topa in kei hong lungdamsak ahih manin, ka lasaknate in amah lungdamsak ta hen.

Late 68:4

Pasian’ tungah la sa un la, ama min phatna la sa un; meiite tunga tuangpa lasak un; ama min in Topa ahi hi, a mai-ah lungdamin diang un!

Joshua 2:24

Amaute in Joshua kiangah, “Topa in leitang khempeuh eite khut sungah hong pia taktak hi; tua tham loin tua gam-a teeng mite khempeuh eite hangin lungmang uh hi,” a ci uh hi.

Joshua 2:9

tua mite kiangah, “Topa in note tungah hih leitang hong piak khitna ka thei a, note hong kikihtakna kote tungah hong tungin, hih gam sunga a teeng mi khempeuh note mai-ah lunggim uh hi.

Late 18:9

Amah in vanpi niamsak-in hong kumsuk a, ama khe nuai-ah meivom sahpi om hi.

Jeremiah 4:13

En un, i galpa meii bangin hong pai a, a sakol leengte pingpei tawh kibangin, a sakolte muvanlaite sangin manlang zaw hi. Gimna i thuak ding hi, bang hang hiam cih leh gallel ding i hi ta hi.

Jeremiah 44:8

Note in si-in, leitunga minam dang khempeuhte in kihaamsiatna-a hong zat ding uh leh a hong simmawh nadingun bang hangin na khut uh tawh milim bawl-in na teen’ nadingun na zuat uh Izipt gamah pasian dangte’ kiangah paknamtui hal-in kei hong hehsak na hi uh hiam?

Nahum 1:1

Hih in Nineveh khua tawh kisai thugenna hi a, Elkosh khuami Nahum’ mangmuhna a kiciamtehna lai ahi hi.

Nahum 1:3

Topa a lungduai mahmah a, a vang zong lian a, ahih hangin mimawhte khahkhong ngei lo hi. A paina peuhpeuh ah huihpi nungin, pingpei kipei a, ama paina hanga leivui leeng in meiipite ahi hi.

Gamlak-vakna 33:4

Topa in amaute lakah a thah lup tacil khempeuh Izipt mite in a vui laitak uh ahi hi; amau’ pasiante tungah zong Topa in thukhenna bawl hi.