Isaiah 18:3 - Tedim Bible

³ Leitunga teeng mi khempeuh, leitang tunga om mi khempeuhte aw, mualte tungah lan khat hong kilah ciangin, en un! Peengkul hong kimut ciangin, ngai un!

Tedim Bible Revision 2017

³ Leitung a teeng mi khempeuh, leitung a om mi khempeuh aw, mualte tungah lim khat hong kilah ciangin en un! Peengkul hong kimut ciangin ngai un!

Isaiah 18:3 Referans Kwoze

Isaiah 5:26

Amah in, gamlapi-a om minam khat a sapna-in lim khat lak a, lei mong panin hong pai nadingin a sam hi; manlang takin hong paipah hi.

Isaiah 26:11

Topa aw, na khut kisang lap a, na galte in mu lo uh hi. Amaute, maizumna thuak sak in la, amaute’ adingin na geelsa meite, amaute haltum sak in. Na mite ading na hanciamna thu, na galte tungah kilangsak in.

Mattiu 13:16

Note na mittang un mu thei ahih ciangin thupha na ngah ding uh hi. Na bil un khua za ahih ciangin, thupha na ngah ding uh hi.

Mattiu 13:9

Zak nading bil a nei teng in za ta un!” a ci hi.

Zekhariah 9:14

Ama mite tungah Topa kilang ding a, a thaltang lot khuaphia bang ding hi. Topa Pasian in peengkul tum ding a, leitaw lam pan-a hong nung huihpi tawh va kuankhia ding hi.

Micah 6:9

Khuapi lamah Topa kiko hi; mipil in ama min a zahtak ding ahi hi: Aw, minamte leh khuapi-a kikhawm mite in za un!

Micah 6:2

No mual liante leh a kip tawntung leitung bulpite aw, Topa a kinialna thu ngai un. Topa in ama mite tawh thu nei a, Israel tawh thu kisel ding hi.

Jeremiah 22:29

Aw, ka gam, ka gam, ka gam aw, Topa! Kammal ngai dih ven!

Isaiah 13:4

Ngai un, mihonpi gamlum bangin mual tungte ah gamlumna! Ngai un, minamte’ kumpi gamte kikhawmin a gamlumna! Vanglianpen Topa in galdo dingin mihon khat kaikhawm hi.

Isaiah 13:2

Mual kolh tungah lan khat khai to un la, galkapte tungah nakpi takin kiko un; mi liante’ kongpi-ah a lut nadingun amaute khut vaan un.

Isaiah 7:18

Tua ni ciangin Izipt luite’ nak-a a om Izipt mite, thopi hon bangin hong pai nading leh Assiria mite, a gam panun khuaipi hon bangin hong pai nadingun Topa in sam ding hi.

Isaiah 1:2

Vantungte aw, za un, leitung aw, ngai un; bang hang hiam cih leh Topa in thu hong gen khin zo hi: “Ka pattahsa tapate in kei hong lehdo uh hi.

Late 50:1

Vanglianpa, Topa ahi Pasian, hong pau a, nisuahna leh nitumna kikal leitung khempeuh a khawm hi.

Isaiah 31:9

Amau’ belh a mun muanhuai uh, launa hangin tai ding a, buaina hangin a uliante in a lim uh taisan ding hi,” ama meikuang Zion ah a om, ama meikhuk Jerusalem khua ah a om Topa in ci hi.

Isaiah 49:22

Topa Pasian in: “En un, Gentailte tungah ka khut ka laamto ding a, mite tungah ka lim ka lakto ding hi; amaute in a ang sung uhah na tapate tawi-in hong paipih ding uh a, a liangko tung uhah na tanute hong pua ding uh hi.

Jeremiah 51:27

“Leitungbup galsim dingin thu pia un; gamdangte kiangah peengkul mut un. Amah sim dingin kithawi sak in; Ararat, Minni leh Ashkenaz gamte sim sak un. Makai khat teel un la, kauphe honpi bangin sakolte va la un.

Micah 1:2

No minam khempeuhte aw, hih thu za un. Leitunga teeng mi khempeuh aw, hih thu ngai un. Note’ lang khatah Topa Pasian in teci pang a, a vantung biakinn panin thu hong gen hi.

Isaiah 11:12

Amah in minamte’ adingin lan khat khai ding a, Israel mi a kihawlkhiate kaikhawmin, leitung kiuli panin Judah mi a kikhenthangte kaikhawm ding hi.