Isaiah 18:1 - Tedim Bible

^1-2 Ah, Ethiopia gunte’ gal a, puankhai gunkuangpi a omna gamte in gim ngah hen! Nail tawnin tui tungah pumpeng laisah tawh kibawl gunkuangpite tungah tuangin tangmi hong sawl hi. No a zaptel kamtaite aw, amau’ gam gunpi in a phelkhap, a vanglian a gualzo minam, a nai a gamla ah a kikihta mite, a tun sang mi, a ci nel minamte kiangah va pai un.

Tedim Bible Revision 2017

^1-2 Ah, Ethiopia gunteʼ gal khat, puankhai gunkuangpi a omna gamte in Nail gun tawnin tui tungah laisah tawh a kibawl gunkuangpite tungah tuangin taangmi hong sawl uh hi. No a zaptel makaite aw, amauʼ gam gunpi in a phelkhap, a vanglian a gualzo minam, a nai a gamla ah a kikihta mi, a tun sang mi, a cineel minamte kiangah va pai un.

Isaiah 18:1 Referans Kwoze

Zefaniah 3:10

A gamlapi Ethiopia gam peka om, a kithehthang ka mite nangawn in biakna hong puak ding uh hi.

2 KUMPI NIHNATE 19:9

Ethiopia kumpipa Tirhakah in amah do dingin a hong kuankhiat khitna thu kumpipa in a zak ciangin, amah in Hezekiah kiangah kamtaite sawl kikin,

Zefaniah 2:12

No Ethiopia mite zong, Topa in namsau tawh hong that ding hi.

Mattiu 23:37

“Pasian’ kamsangte that a, na omna ah hong kisawlte zong suangtum tawh a deeng Jerusalem khuapi aw, akpi in a nongeekte a kha nuai-ah a khop bangin, na tate tamveipi ka khawm nuam zo a, nang na ut kei hi.

Ezekiel 30:9

“Tua bangin Izipt gam a siatni hun hong tun’ ciangin bangmah khuaphawk loin a om Ethiopia mite kiangah kamtaite ka sawl ding a, amaute lau mahmah ding uh hi. Tua hun ding tu-in hong tung ta hi.

Isaiah 31:1

Izipt gamah huhna ngen dingin paisuk a, sakolte suan’ in a nei, leengte a tam manin muang a, sakol tuangte a hat mahmah manin a suang, ahih hangin Israelte’ Siangtho Pa a suang lo, Topa thu a dong lote in gimna ngah ta hen!

Late 91:4

amah in a khate tawh nang hong tuam ding a, ama khate nuai-ah buk nading na mu ding hi; ama thumanna in nang hong dalin hong hu ding hi.

Late 63:7

Bang hang hiam cih leh nangmah in kei hong huhpa na hi a, nangma hutna sungah lungdamin la ka sa hi.

Late 61:4

Na buk sungah hong omsak tawntung ta in! Nangma khate’ hutna sungah lungmuanga om dingin!

Late 57:1

Pasian aw, nangmah hong bel ka hih manin kei hong hehpih in, kei hong hehpih in; siatna huihpi a ven’ mateng na kha limah kong bu ding hi.

Late 36:7

Pasian aw, na itna kip bangzahta in manpha! Mihing tate na kha lim-ah bu uh hi.

Late 17:8

Kei hong sutgawp migilo, keimah hong umcih ka gal kihtak huaite kiang panin mitnauta bangin hong kem in la, na kha lim-ah hong seel in.

Ruth 2:12

Topa in na gamtatna sate apha tawh hong thuk a, a lim nuai beel dinga na paina Israelte’ Pasian, Topa in thaman a cingin hong pia ding hi,” a ci hi.

Isaiah 37:9

Tu-in, Ethiopia kumpipa Tirhakah in Assiria gam sim dingin Izipt galkap honpi tawh hong kuanna thu kumpipa in a za hi. Hih thu a zak ciangin Assiria kumpipa in Hezekiah kiangah kamtaite sawl a,

Isaiah 45:14

Topa in hih bangin ci hi: “Izipt pan a piangte leh Ethiopia sumbuk vante leh a tun a sang Seba mite nangma kiangah hong pai-in nangma aa hi ding uh a, amaute in nang hong zui ding uh hi; amaute sikkhau kibulh-in hong pai-in nangma kiangah hong kun ding uh hi. Amaute in nangma kiangah thuum ding uh a, ‘Nangmah bek tawh Pasian omkhawm a, kuamah dang om loin, amah sim loh pasian dang om lo hi,’ hong ci ding uh hi.”