Isaiah 17:9 - Tedim Bible

⁹ Tua ni ciangin amau’ khuapi muanhuaite pen, Hiv mite leh Amor mite in Israel mite’ hanga a nusiat uh lingkung pona mun tawh kibang ding a, gamkhing suak ding hi.

Tedim Bible Revision 2017

⁹ Tua ni ciangin amauʼ khuapi muanhuaite pen Hiv mite le Amor mite in Israel miteʼ hangin a nusiat uh munte tawh kibang dinga, gamkhing a suak ding hi.

Isaiah 17:9 Referans Kwoze

Isaiah 27:10

Bang hang hiam cih leh a muanhuai khuapi pen gamlak bangin amah guakin omin, mite’ teen’na mun pen kitaisan-in kinusia hi; tua lai-ah bawngno gamta-in, lum a, a hiangte kheuh hi.

Micah 7:13

Ahi zongin a tunga teeng mite’ gitlohna hangin, leitung in sehnel gamkhing suak ding hi.

Micah 6:16

Bang hang hiam cih leh Kumpi Omri’ gamtatna teng zui-in, ama tapa Kumpi Ahab’ sep khempeuh na sem uh a, amau’ gamtat khempeuh na zui uh hi. Tua ahih manin note kong susia ding hi. Minam dangte in note hong nuihsanin, amaute’ simmawhna na thuak ding uh hi.

Micah 5:11

Na gam sung uh-a khuapite susia-in, na galpan’na munte uh ka phelkhia ding hi.

Amos 7:9

Isaak’ suan leh khakte’ biakna munte kinusia cipin, Israel mite’ siangtho munte kisusia ding a, Kumpi Jeroboam’ innkuante a do dingin gal ka kuansak ding hi,” hong ci hi.

Hosea 10:14

gal in na mite uh hong sim ding a, na kulh muanhuaite uh kisusia ding hi. Kumpi Shalman in a galsimna-ah Bethar-bel khuapi sugawpin, nupite leh a tate leilak den’na-in a sih mangsak hun lai mah bang ding hi.

Isaiah 17:8

amaute in ama’ khut tawh a bawlsa uh biakna taute don lo ding uh a, amau’ khutme tawh a bawlsa uh Asherah milimte hita leh paknamtui halna biakna taute hita leh suang ding uh hi.

Isaiah 17:10

Note in, nomau’ kihotkhiatna Pasian mangngilhin,nomau’ belh Suangpi phawk lo na hih manun note in biakna huan bawlin kung hoihte suan a, leenggui kung namdangte tawh peh-in,