Isaiah 17:3 - Tedim Bible

³ Efraim gam panin kulhpi bei-in, Damaskas khua panin kumpi gam mangthang ding hi; Siria mi a suakta laite pen Israel mite vangliatna mah bang ding uh hi, Vanglianpen Topa in ci hi.

Tedim Bible Revision 2017

³ Efraim gam panin kulhpi bei-in, Damaskas khua panin kumpi gam mangthang ding hi. Syria mi a suakta laite pen Israel mite mah bangin mindai ding uh hi, Vanglian Topa in ci hi.

Isaiah 17:3 Referans Kwoze

Hosea 9:11

Israel’ min liatna teng vasa bangin leeng mang ding a, amau’ sung panin nau suak nupi gai, nau paai cih om nawn lo ding hi.

Isaiah 8:4

bang hang hiam cih leh naungek in, Nu aw, pa aw, a cih a theih ma-in Damaskas khua’ hauhna leh Samaria khua sunga a kisut vante, Assiria kumpipa in la-in masuan ding hi,” hong ci hi.

Isaiah 7:16

Bang hang hiam cih leh naupang in a hoih lote nial-in a hoihte a teel theih hun ma-in na kihtak uh kumpi nihte’ gam kinusiacip ding hi.

Isaiah 7:8

Bang hang hiam cih leh Siria’ lutang pen Damaskas khuapi hi a, Damaskas’ lutang in Rezin ahi hi. (Kum sawmguk leh kumnga sungin minam a hi zo nawn lo zah dongin Efraim kitamzan gawp ding hi.)

Amos 8:14

Samariah milim pasian Ashimah min tawh kiciam a, ‘Dan khuapi pasian a nungta ahih mah bangin,’ a ci mite leh ‘Beersheba khuapi pasian a nungta ahih mah bangin,’ a ci mite pukin thokik nawn lo ding uh hi,” ci hi.

Hosea 10:14

gal in na mite uh hong sim ding a, na kulh muanhuaite uh kisusia ding hi. Kumpi Shalman in a galsimna-ah Bethar-bel khuapi sugawpin, nupite leh a tate leilak den’na-in a sih mangsak hun lai mah bang ding hi.

Hosea 8:8

Israel khempeuh kinawmvalh-in kisusia ding a, tu nangawnin mi namdangte in bangmahin ngaihsun nawn lo uh hi.

Hosea 3:4

Hih in, kumpi ahi a, makai ahi zongin, biak piakna leh biak piakna khuampite ahi zongin, siampi puanpi leh milim pasiante nei loin hun saupi sung Israel mite om ding a cihna ahi hi.

Hosea 1:6

Tua ciangin Gomer gai kikin tanu khat nei hi. Topa in zong Hosea kiangah, “Na tanu’ min dingin hehpih loh, a cih nopna Lo-ruhamah phuak in; bang hang hiam cih leh Israel mite ka hehpih nawn kei ding a, a mawhna uh ka maisak kei ding hi.

Hosea 1:4

Tua ciangin Topa in Hosea kiangah, “Na tapa’ min dingin Jezre-el phuak in: bang hang hiam cih leh ama pute Jehu in Jezre-el khua-ah a mi thahna hangin, Israel kumpipa tungah daan ka pia baih ding a, Israel mite tungah Jehu’ suan-le-khakte’ ukna ka beisak ding hi.

Isaiah 17:4

Tua ni ciangin Jakob’ liatna bei ding a, ama hauhna mangthang ding hi.

Isaiah 16:14

Ahih hangin tu-in Topa in, “Nasem ding a, a kicial kum hunte sung bangin, kumthum sungin, ama mihon tampite om tase leh Moab’ minthan’na in simmawhna thuak ding a, a suakta lai mite pen tawm mahmahin, thanem ding hi,” a ci hi.

Isaiah 10:9

Kalno khuapi pen Karkhemish khuapi tawh kibang hilo ahi hiam? Hamath khuapi pen Arpad khuapi tawh kibang hilo ahi hiam? Samaria khuapi pen Damaskas khuapi tawh kibang hilo ahi hiam?

2 KUMPI NIHNATE 17:6

Hoshea’ kum kua-na kumin Assiria kumpipa in Samaria la a, amah in Assiria ah Israel mite ciahpih a, Halah gam sung, leh Gozan gam a, gun om Habor, leh Media khuapite sungah amaute koih hi.

2 KUMPI NIHNATE 16:9

Tua ciangin Assiria kumpipa in ama thu ngai hi; Assiria kumpipa Damaskas a do-in hong kuan to-in tua khua la a, a mite galmatin Kir-ah pua a, amah in Rezin that hi.

Isaiah 25:2

Bang hang hiam cih leh nang in khuapi pen ninbulomtang na suah a, a muanhuai khuapi a sia na suaksak hi; mi kiphasakte’ mun muanhuai pen khua hi nawn lo a, cik mah hunin kilam nawn lo ding hi.