Isaiah 17:12 - Tedim Bible

¹² Ah, mi tampite’ kikona, tuipi ging bang! Ah, minamte’ otna, tui lianpi ging bang!

Tedim Bible Revision 2017

¹² Ah, mi tampiteʼ kikona, tuipi ging bang! Ah, minamteʼ otna, tui lianpi ging bang!

Isaiah 17:12 Referans Kwoze

Luka 21:25

“Tua lai takin ni, kha leh aksite tungah lim kilang ding a, leitungah mi a pawlpawlte in tuipi lian leh tui kilok ging hangin lungmangin, gimna a thuak ding uh hi.

Jeremiah 6:23

Thal leh teipi tawi uh a, giloin hehpihna lungsim nei loin, a husa uh tuipi ging tawh kibang hi. Zion’ tanu aw, amaute sakol tungah tuangin, nangmah do dingin a kithawi uh hi!” a ci hi.

Late 18:4

Sihna khaute in hong gakcip a, siatna tuihualte in hong nawk hi.

Mangmuhna 17:15

Khat vei amah in, “Numei gilo tutna-a na muh tuite in mipawl, mihon, gam, kamte ahi uh hi.

Mangmuhna 17:1

Tua nung ciangin hai sagih a tawi vantungmite khat in hong pai-in kei kiangah, “Hih lai takah hong pai in, tui lianpi tungah tu-in a om a lian numei gilo in a thuak ding thukhenna kong musak ding hi.

Ezekiel 43:2

nisuahna lam panin Israelte’ Pasian’ minthan’na hong pai ka mu hi. Pasian’ awging pen tuipi ging tawh kibang a, ama minthan’na in leitung taangsak lela hi.

Isaiah 28:17

Keimah in thutan’na pen khau khai bangin ka bawl ding a, thuman’na pen khaukhai sikbawk bangin ka bawl ding hi; gial in na zuau buk uh dengkhia ding a, tui in na bukna mun uh susia ding hi,” ci hi.

Isaiah 9:5

Gal kikapna sunga gal hangte’ khedap khempeuh leh si a baang puan khempeuh mei-in kicih ding hi.

Late 29:3

Topa’ aw in tuite tungah om hi; a minthang Pasian ging damdam a, tui tampite tungah Topa om hi.

Gamlak-vakna 10:35

Singkuang a din’ khiat peuhmah ciangin Moses in, “Topa aw, ding in la, na galte kithehthang sak in; nang hong mudahte na mai-ah tai sak in,” a ci hi.

Late 83:2

Bang hang hiam cih leh na galte in gamlumna piang sak uh a, nang hong mudahte kiphasak uh hi.

Isaiah 8:9

No minam dangte aw, galsim dingin awng un, thei un la, kitamzan un; gamlapi-a om gamte khempeuh aw, ngai un; kigalging un, ahih hangin lungkiatna na thuak veve ding uh hi; kigalging un, ahih hangin lungkiatna na thuak veve ding uh hi.

Isaiah 13:4

Ngai un, mihonpi gamlum bangin mual tungte ah gamlumna! Ngai un, minamte’ kumpi gamte kikhawmin a gamlumna! Vanglianpen Topa in galdo dingin mihon khat kaikhawm hi.

Isaiah 54:17

nangmah do nading a, a kibawl hiam peuhmah mavang lo ding a, thukhenna sungah nangma langa a pang mi khempeuh na nial gawp zo ding hi. Hih in, Topa’ nasemte’ gamluah leh keima kiang pan-in amaute’ dikna a kilahna ahi hi, Topa in ci hi.”

Micah 4:11

Note a sim dingin minam tampi hong kikhawm uh hi. Amaute in, “Jerusalem kisusia ding a, a mit in hih khuapi a siasa-in mu ding hi,” ci uh hi.

Daniel 7:2

Vantung kui li panin huihpi hong nunga tuipi tung a seem gawp hi.