Isaiah 17:10 - Tedim Bible

¹⁰ Note in, nomau’ kihotkhiatna Pasian mangngilhin,nomau’ belh Suangpi phawk lo na hih manun note in biakna huan bawlin kung hoihte suan a, leenggui kung namdangte tawh peh-in,

Tedim Bible Revision 2017

¹⁰ Nomau hong hon khia Pasian note in mangngilhin, nomauʼ belh Suangpi phawk lo na hih manun note in biakna huan bawlin kung hoihte suan a, kung namdangte tawh pehin,

Isaiah 17:10 Referans Kwoze

Jeremiah 2:32

Nungak khat in a kizepnate a mangngilh thei hiam? A kipi mothak nu in a mothak puante a mangngilh thei hiam? Ahih hangin ka mite in sim zawh loh ni tampi a hong mangngilh uh hi.

Isaiah 26:4

Topa Pasian in tawntung Suangpi ahih manin, Topa muang tawntung un.

Thu-hilhkikna 32:18

Note a hong Honkhiapa na phawk kei uh a, note hong suaksak Pasian na mangngilh uh hi.

Late 106:21

Amaute in Izipt gam sungah na lianpite a bawl, Ham’ gam sungah nalamdangte leh San Tuipi-ah a kihtak-huai nate a bawl, amau’ Honpa, Pasian mangngilh uh hi.

Thu-hilhkikna 32:4

“Eite belh Suangpi, a nasepna kicing a, ama sepna khempeuh thumanna ahi hi. Thumanna nei-in, mawhna a nei lo Pasian hi a, amah thutangin thuman hi.

Hosea 8:14

Bang hang hiam cih leh Israel mite in amau a Piangsakpa mangngilh uh a, inn lianpipite lam uh hi. Judah mite in zong kulh nei khuapi tampi lam thuah uh hi. Keimah in tua khuapite mei tawh halin a inn lianpite uh ka kangtumsak ding hi, ci hi.

Jeremiah 17:13

Aw Topa, Israel mite’ lametpa aw, nang a hong taisan mite a zahhuai ding uh hi. Nang a hong lehngat san mite leivui laka min gelh bangin a mang thang ding uh hi. Bang hang hiam cih leh nuntakna ciktui ahi Topa a hong taisan zo uh hi.

Jeremiah 12:13

Amau in mangbuh a tuh uh-a ling aat uh hi. Nasep a hahkat mahmah uh hangin bangmah a ngah kei uh hi. A kihtak huai Topa’ hehna hangin an lak hun ciangin a maizum ding uh hi,” a ci hi.

Isaiah 51:13

Vantungte zal-in, lei bulpite a koih note a hong bawl Topa hong mangngilh khin ta na hi uh hiam? Note hong susia dingin a kithawi, no a hong nengniamte’ hehna, bang hangin kihta-in om tawntung na hi uh hiam? Amaute’ hehna in note hong sukha zo het lo ding hi.

Isaiah 12:2

“En in, Pasian in keima kihotkhiatna ahi hi; amah ka muang ding a, ka lau kei ding hi; bang hang hiam cih leh Topa Pasian in thahatna leh vangliatna hong pia a, amah in keimah hong honkhiapa ahi hi,” a cih hun uh hong tung ding hi.

Late 106:13

Ahih hangin amaute in ama nasepte mangngilh pah uh a, ama thugen ding ngak loin gamta pah uh hi.

Late 85:4

Kote’ kihotkhiatna Pasian aw, kote ka ngei uh hong bangsak kik in la, kote tunga na lungkim lohna beisak ta in!

Thu-hilhkikna 32:31

Bang hang hiam cih leh i galte’ suangpi in eite’ Suangpi bang hi lo a, i galte thungetna a mawkna ahi hi.

Late 79:9

Kote’ kihotkhiatna Pasian aw, nangma min a than’ nadingin kote hong huh in la, nangma min hangin kote hong khahkhia-in ka mawhna uh hong maisak in!

1 KHANG TANGTHU MASATE 16:35

“Kote hong khahkhia in, ka kihotkhiatna Pasian aw, minamte lak panin hong kaikhawmin hong honkhia in, na min siangtho tungah lungdamna kong koh theih nading uh, leh nangmah phatna ah ka minthan’ nadingun,

Thu-hilhkikna 32:15

“Israel mite thau mahmah uh a, a lehdo thei mi suak uh hi; note thau-in, lianpi pha-in, na zol uh hi; tua ciangin amaute a bawl Pasian amaute in nusia-in, amau’ a Honkhiapa thusim lo uh hi.

Thu-hilhkikna 28:30

Zi dingin lawm khat na dong ding uh a, midang khat in na luppih ding hi; inn na lam ding uh a, tua sungah na teeng kei ding uh hi; leenggui lo na zuan ding uh a, a gah na khawm kei ding uh hi.

Thu-hilhkikna 8:19

Topa na Pasian uh mangngilhin pasian dangte nung zui-in tuate’ na semin na biak uh leh, na sia taktak ding uh hi, ci-in tu ni-in lim takin kong hilh khol hi.

Thu-hilhkikna 8:14

na lungsim uh lianin, salsuahna Izipt gam panin no hong paikhiatpih,

Thu-hilhkikna 8:11

“Tu ni-a no tungah kong thupiak ahi ama thupiaknate leh a ngeina kipte leh a thukhamte zuih lohna tawh Topa na Pasian uh mangngilh kha ding na hih manun kidawm un:

Thu-hilhkikna 6:12

salsuahna Izipt leitang panin hong paikhiatpih Topa na mangngilh khak loh nading uh kidawm un.

Siampi Laibu 26:20

na leitang un ama gah piangsak loin, na gam sung uh a, kungte in amau gah gah lo ding ahih manin note’ thatang a mawkna-a bei hi ding hi.

Siampi Laibu 26:16

keimah in note tungah hih bangin kong hih ding hi: note tungah hong tung dingin keimah in thakhat thu-a dipkuatna, zawngkhalna, leh mite siasakin nuntakna a kiamsak ding cisa natna kong tung sak ding hi. Note’ lo pawi in a mawkna hi ding hi; bang hang hiam cih leh na galte un tuate ne ding hi;

Zefaniah 1:13

Amau’ neihsa khempeuh kisut ding a, a innte uh kisuksiatsak ding hi. Inn a lam hangun a sungah teeng kha lo ding uh a, leenggui a suan hangun leenggahzu dawn kha lo ding uh hi,” ci hi.

Habakkuk 3:18

Topa Pasian in keimah hong honkhiapa ahih manin, lungdamin ka kipak lai veve ding hi.

Amos 5:11

Note in mi zawngte tuancilin, a an teng uh laksak na hih manun, suangseek inn na lam hangun a sungah na teeng kha kei ding uh a, leenggui lo hoih na neih hangun a leenggahzu na dawn kha kei ding uh hi.

Hosea 4:6

Ka mite in kei hong phawk lo uh ahih manin ka susia ding hi. No siampite in kei hong phawk nuam loin, ka thuhilhnate nial na hih manun ka siampi dingin kong deih nawn kei a, na tate uh zong siampi-in ka zang kei ding hi.

Late 65:5

Tuipi gamla pente leh leimong dong khempeuhte’ lametna, komau’ kihotkhiatna Pasian,

Late 31:2

Na bil hong ngat in la, hong hon pak in! Ka belh ding suangpi hong hi in la, kei hong dal ding munkip muan’huai hong hi in!

Late 18:2

Topa in ka suangpi, ka munkip muanhuai, hong honkhia-pa, ka Pasian, ka suangpi, ka belhpa, ka lum, ka kihotkhiatna ki, ka munkip ahi hi.

Late 9:17

Pasian a mangngilh minam khempeuh ahi migilote in Leinuai ah pai ding uh hi.

Isaiah 17:9

Tua ni ciangin amau’ khuapi muanhuaite pen, Hiv mite leh Amor mite in Israel mite’ hanga a nusiat uh lingkung pona mun tawh kibang ding a, gamkhing suak ding hi.

Isaiah 18:5

Bang hang hiam cih leh leenggah lawh hun ma deuh, leenggui a pak khit, leenggah a puamcin’ lai takin, amah in singhiang heuhna temkawi tawh a selte atkhia ding a, a zam zeizai a hiangte heuhkhia ding hi.

Isaiah 25:4

Bang hang hiam cih leh nang pen mizawngte’ adingin mun muanhuai, a cimawh mi’ adingin a lungkhamna ah mun muanhuai, huihpi panin bukna leh nisa panin nilim na hi hi; bang hang hiam cih leh thukhual lo mite’ hihna pen huihpi in kulh a nawk tawh kibang a,

Isaiah 30:29

Ahi zongin no Pasian’ mite in ahih leh, biakna pawi a kikham ni zan a, bangin la na sa ding uh hi; Israelte’ Suangpi, Topa’ mual-ah a pai dingin tamngai aw gin’na zui-in a kuankhiate bangin na lungdam ding uh hi.

Isaiah 33:2

Topa aw, kote hong hehpih in; nang kong muang uh hi. Zing simin kote hatna hong hi in la, lungkham hunin hong honkhia in.

Isaiah 44:8

Lau kei un la, kihta kei un; tanglai pek panin note kiangah hong genin pulak khin hilo ka hi hiam? Note in keima tecite na hi uh hi! Kei sim loh Pasian dang om ahi hiam? Suangpi dang om lo hi; khat beek ka thei kei hi,” ci hi.

Isaiah 61:10

Topa hangin nakpi takin ka lungdam ding a, ka Pasian hangin kipakin ka diang ding hi; bang hang hiam cih leh zipipa in a lu kizemin, mo thaknu a suangmanphate tawh a kizep mah bangin amah in hotkhiatna puan kei hong silhsakin, thumanna puanpi tawk kei hong tuam khin hi.

Isaiah 62:11

En un, lei mong dongah Topa tangko khin hi: Jerusalem mite tungah, “En un, no hong honkhiapa hong pai hi; en un, ama sep thamante hong pua a, a gualzawhna thamante hong masuan hi,” ci un.

Jeremiah 3:21

Mual tung pan awging khat kiza hi, Israel mite’ kahna leh tauna aw ahi hi. Lam a pialna hang uh leh Topa a Pasian uh a mangngilhna hang uh ahi hi.

Ezekiel 23:35

Tu-in Topa Pasian in hih bangin gen hi: Nangmah in kei hong mangngilhin hong nungngat na hih manin na hukna leh na paktatna hangin na thuak ding hi,” hong ci hi.

Joel 1:17

Guahtui om lo ahih manin, khai kituhte lei sungah keucip a, an khol ding om nawn lo ahih manin, ansal khempeuh kisia khin ta hi.

Ezekiel 22:12

Pawlkhat in sum deih manin mi that uh hi. Pawl khatte in a Israel mipih sum leitawi late tungah nuamtak sa-in a met lakna tawh hauh lawh uh hi. Amaute in kei hong mangngilh uh hi, Topa Pasian in ci hi.