Isaiah 16:9 - Tedim Bible

⁹ Tua ahih ciangin Jazer khuamite a kah bangin Sibmah leengguite’ hangin kei ka kap hi; Heshbon leh Elealeh khuate aw, ka khitui tawh note kong kawtsak hi; na singgahte uh minta a, na anlakna uh hangin lungdamna tawh kikonate dai ta hi.

Tedim Bible Revision 2017

⁹ Tua ahih ciangin Jazer khua mite a kah bangin Sibmah leengguiteʼ hangin kei ka kap hi. Heshbon le Elealeh khua mite aw, ka khitui tawh note kongkawtsak hi. Bang hang hiam cih leh gal kidona in noteʼ singgah le ante hong ban zo hi.

Isaiah 16:9 Referans Kwoze

Jeremiah 40:12

Tua ciangin Judah mi khempeuh a kitheh thangna mun khempeuh panin Judah gamah hong ciahkik uh a, Mizpah khua Gedaliah’ kiangah hong pai uh hi. Lenggahzu leh khuakhal an tampi a kaikhawm uh hi.

Jeremiah 40:10

Kei ka hih leh Mizpah khua mah ah ka teeng ding a, eite kianga hong pai ding Khaldea mite’ kiangah no’ taangin ka ding ding hi. No na hih uh leh leenggah zute, khuakhal ante leh sathaute khawm un la, na bel sung uhah koih un. Na laksa uh khua sung ciat mah ah na teeng un,” a ci hi.

Isaiah 9:3

Nangmah in amaute na pung sak a, a lungdamna uh na khang sak hi; anlak hun ciang-a lungdamna leh mite in vankisutte a hawm ciangun a lungdam bangun, nangma mai-ah amaute lungdam uh hi.

Thukhente 9:27

Amaute lo-ah kuanin a leenggui lo uh panin leenggah khawmin cil uh a, pawi khamin amaute’ pasian’ inn-ah pai uh a, anne tuidawnin omin Abimelek zahko uh hi.

Ezekiel 27:31

Nangma hangin a lu uh mettol uh a, dahna limin puanhampi silh uh a, na sa lua-in kap uh hi.

Ezekiel 32:18

“Ezekiel aw, Izipt mi tampite’ hangin kapin thuum in. Mi site’ omna Leinuai gamah a vanglian minam dangte tawh pai sak in. Amaute kiangah hih bangin ci in: