Isaiah 16:8 - Tedim Bible

⁸ Bang hang hiam cih leh a hiang zai-in tuipi kantan a, Jazer khua banin sehnel gam dongah a zaam ama hiangte, minamte’ tote in sattan ahih manin Heshbon lo laite leh Sibmah leengguite vul ta hi.

Tedim Bible Revision 2017

⁸ Bang hang hiam cih leh a hiang zaai-in tuipi kantan a, Jazer khua banin sehnel gam dongah a zaam ama hiangte, minam dangteʼ tote in sattan ahih manin Heshbon lo laite le Sibmah leengguite vul ta uh hi.

Isaiah 16:8 Referans Kwoze

Isaiah 15:4

Heshbon khua leh Elealeh khua kiko a, amau’ kahna awging Jahaz khua ciang dongah kiza hi; tua ahih ciangin Moab gammi galhiam tawite lau-in nakpi takin kiko uh hi; amaute liing uh hi.

Gamlak-vakna 32:38

Nebo, leh Baalmeon (a minte khel ding), leh Sibmah khuapite sat uh hi; amau’ satsa khuapite a min thak phuak uh hi.

Jeremiah 48:32

Sibmah khua aw, Jazer khua ading sangin nang’ adingin ka nak kah zaw hi. Nang in leenggah gui zam bangin na hiangte in tuipi kantan a, Jezer khua dongah na zamsuak hi. Na khuakhal ante na leenggah gahte hong kisuksiat sak ta hi.

Isaiah 24:7

Leengguite vulin, leenggahzu kang a, a lungdam mi khempeuh khuisa ta uh hi.

Isaiah 16:9

Tua ahih ciangin Jazer khuamite a kah bangin Sibmah leengguite’ hangin kei ka kap hi; Heshbon leh Elealeh khuate aw, ka khitui tawh note kong kawtsak hi; na singgahte uh minta a, na anlakna uh hangin lungdamna tawh kikonate dai ta hi.

Isaiah 10:7

Ahih hangin amah in tua bang bek sawm lo a, a lungsim in zong tua bang bek ngaihsun lo hi; ama lungsim sungah minam tampi suksiat nopna thu om hi;

2 SAMUEL NIHNA 1:21

“No Gilboa mualte aw, Daitui ahi a, guah ahi zongin na tung uh ah omsak kei un, tui thukpi kilok zong omsak kei un! Bang hang hiam cih leh a vanglianpa’ lum nin hi, Saul’ lum, sathau kinuh lo hi.

Joshua 13:25

Amau’ gam in Jazer, leh Gilead khuapite khempeuh, leh Rabbah nisuahna lamah a om Aroer ciang dong Ammon mite leitang kimkhat,

Joshua 13:19

leh Kiriathaim, leh Sibmah, leh tua kuam mualtunga om Zereth-shahar,

Gamlak-vakna 32:3

“Ataroth, Dibon, Jazer, Nimrah, Heshbon, Elealeh, Sebam, Nebo, leh Beon,

Gamlak-vakna 21:32

Moses in Jazer khua thu a kansim ding a sawl hi; amaute in a khua neute la-in tua lai-a om Amor mite suan uh hi.

Gamlak-vakna 32:35

Atoroth-shofan, Jazer, Jogbehah,