Isaiah 16:5 - Tedim Bible

⁵ itna kip tawh kumpi tokhom khat kiphut ding a, thuman sep ding a manlang, thutang zongin, thu a khen mipa pen David’ buk sunga tua tokhom tungah thuman tawh tu ding hi.”

Tedim Bible Revision 2017

⁵ itna kip tawh kumpi tokhom khat kiphut dinga, thuman sep ding a manlang, thutang zongin thu a khen mipa pen Davidʼ buk sunga om tua tokhom tungah thuman tawh tu ding hi,” a ci uh hi.

Isaiah 16:5 Referans Kwoze

Daniel 7:14

Amah in vangliatna, minthan’na leh kumpi za ngah ahih manin, minam kimte, minam tuamtuamte, paunam tuamtuamte khempeuh in ama na a sem ding uh hi. Amah in a tawntungin uk ding a, a kumpi gam a bei ngeikei ding hi.

Micah 4:7

Khebaite ka om sak lai ding a, a kipaikhia mite a thahat minamte ka hisak ding hi. Tua hun akipan a tawntungin, Zion Mual panin amaute ka uk paisuak ding hi.

Daniel 7:27

Hih leitung kumpigam leh, vangliatna leh liatna khempeuh Sangpen Pasian mite tungah a kipia ding hi. Amau’ kumpi za in cikmah hunin bei ngeilo ding a, leitung ukna za a nei khempeuhte in a thu uh mangin amau’ na a sem ding uh hi.

Zekhariah 9:9

Zion mite aw, nakpi takin lungdam un. Jerusalem mite aw, lungdamin awng un. En un, na kumpipa uh hong pai hi. Amah, dikna leh gupkhiatna tawh hong pai a, ahi zongin kiniamkhiatna tawh hong pai-in sin nai loh lano tungah hong tuang hi.

Paunak 20:28

Kumpipa in itna tawh thuman, thutang, citakin a uk lai teng, a kumpi za-ah kip bek hi.

2 SAMUEL NIHNA 7:16

Na inn leh na kumpigam keima mai-ah a kip tawntungin kibawl ding hi; na kumpi tokhom kip tawntung ding hi,’ ci hi,” a ci hi.

Amos 9:11

Tua ni ciangin inn tawh kibangin a siasa David innkuan, keimah in ka puahkik ding a, a vang teng hu-in, a sia teng ka puahkik ding a, nidanga a ngeina lui mah uh ka bangsak kik ding hi.

Isaiah 55:4

En un, amah pen mite tungah teci ding, mite a makai ding leh a ukpa dingin ka koih hi.

Paunak 29:14

Kumpipa in mizawngte’ thu a manin khensak leh, a ukna kip tawntung ding hi.

Late 99:4

Thutang a deih, Vanglian Kumpipa aw, nangmah in thuman na phut khin a, Jakob’ sungah thutang leh thuman na semkhia hi.

Late 89:14

Thumanna leh thutan’na tawh na kumpi gam na phut a, itna kip leh thumanna tawh na khempeuh na sem hi.

Late 85:10

Itna kip leh thutakna kigawm ding a, thumanna leh kilemna kihual ding uh hi.

2 KHANG TANGTHU NIHNATE 31:20

Tua bangin Hezekiah in Judah gam sung khempeuh ah hih hi; amah in Topa a Pasian mai-ah a hoih leh a man gamta-in cihtakna tawh sem hi.

1 KUMPI MASATE 10:9

Nang sungah lungdamin Israel kumpi tokhom tungah nang hong koih Topa na Pasian in thupha ngah ta hen! Topa in Israel it tawntung ahih manin nangmah in thutang leh thuman na sepkhiat theih nadingin amah in kumpi-in nang hong bawl hi,” a ci hi.

2 SAMUEL NIHNA 23:3

Israel Pasian kampau khin a, Israel Suangpi in kei kiangah hong ci khin hi: Mi khat in mite tungah thutang takin ukin Pasian zahtakna tawh a uk ciangin,

2 SAMUEL NIHNA 5:9

Tua ciangin mun muanhuai sungah David teengin David khuapi ci-in phuak hi. Tua ciangin David in Millo panin biakinn lam-ah khuapi lam hi.

Isaiah 33:22

Bang hang hiam cih leh Topa pen eite’ thukhen, Topa pen eite thukham hong piapa, Topa pen eite’ kumpi ahi hi; amah in eite hong honkhia ding hi.