Isaiah 16:3 - Tedim Bible

³ “Amaute tungah thu hoih lak in la, thutangin gamta in; sunkim lai tak-a nangma liahna liim pen zan khuamial bangsak in; a kihawlkhia mite seel un la, galtai mite hek kei in;

Tedim Bible Revision 2017

³ Amaute in Judah mite kiangah, “Kote tungah thuhoih hong lak unla, thutangin hong gamta un. Sunkim laitak a sing liim bangin kote hong liah un. A kihawl khia kote hong seel unla, galtai kote hong heek kei un.

Isaiah 16:3 Referans Kwoze

Isaiah 32:2

Amaute pen, huihpi panin belhna, guahpi panin bukna bang ding uh a, sehnel gam sunga tui luang bangin, nisa gam sunga om suangpi liim bang ding uh hi.

1 KUMPI MASATE 18:4

Jezebel in Topa’ kamsangte a hon thah lai-in Obadiah in kamsang za khat la-in sawmnga sawmnga-in leihawm sungah seel a, amaute an leh tui tawh vaak hi.)

Hebru 13:2

Zinte do nading na mangngilh kei un. Bang hang hiam na cih uh leh, mi kimkhat in zin a do laitakun vantungmite ahih lam thei loin zin a do kha uh hi.

Mattiu 25:35

Bang hang hiam na cih uh leh, ka gilkial lai takin nong vaak uh hi. Ka dangtak lai takin tui nong pia uh hi. Khualzin ka hih lai takin zin nong do uh hi.

Zekhariah 7:9

“Note in thu a tangin khenin, khat leh khat tungah itna leh hehpihna kilakin,

Daniel 4:27

Tua ahih ciangin kumpipa aw, kong thuhilhna hong mang in. Mawhna bawl nawn kei in la, dik takin gamta in. Mizawngte hehpih leteh, tua in a sia a na gamtatna sate hong puahsak dinga na nuamsa toto ding hi,” a ci hi.

Jeremiah 22:3

Topa in a cih-inah, thumanin diktat un la, bawlsiatna a thuakte a bawlsiate’ khut sung panin honkhia un. Minam dangte, pa neilote leh meigongte simmawh bawl kha loin amau tungah ngongtat kha kei un la, hih munah zong mawhna nei lo mite that kei un.

Jeremiah 21:12

David’ suante aw! Topa in a cih-inah: Zingsang simin man takin thu khen un la, mi bawlsiapa’ khut sung pan a bawlsiatpa hon khia un. Tua bang na hih kei uh leh na siatna bawlnate hangun ka hehna mei bangin a kuang ding a, kuamah in a phelh zo kei ding hi.

Isaiah 56:8

Israel a kikhenthangte a kaikhawm Topa Pasian in, a kikaikhawmsa mite banah midangte ama kiangah ka kaikhawm lai ding hi, ci hi,” a ci hi.

Isaiah 25:4

Bang hang hiam cih leh nang pen mizawngte’ adingin mun muanhuai, a cimawh mi’ adingin a lungkhamna ah mun muanhuai, huihpi panin bukna leh nisa panin nilim na hi hi; bang hang hiam cih leh thukhual lo mite’ hihna pen huihpi in kulh a nawk tawh kibang a,

Isaiah 9:6

Bang hang hiam cih leh eite adingin naungek khat hong suak a, eite tungah tapa khat hong kipia hi; ama liangko tungah ukna om ding a, ama min pen, “Lamdang, Thulakpa, Vanglian Pasian, Tawntung Pa, Nopsakna Kumpi,” kici ding hi.

Isaiah 1:17

gamtat hoih ding kisin un; thumanin gamta un la, nenniamna kheel un; pa nei lote huu un la, meigong numei pan’pih un.

Thukhente 9:15

Thangling kung in singkungte kiangah, ‘Note tungah kumpi-in lungsim tak tawh sathau hong nilh na hih uh leh, hong pai un la ka liim-ah bu un; ahih hangin tua bang ahih kei leh, thangling kung lak panin meikuang hong pai khia hen la, Lebanon taamtak kungte kangtum hen,’ a ci hi.

Isaiah 58:7

Na an uh a gilkialte tawh ne khawmin, inn nei lo mi zawngte a buk nading vaihawm sakin; tangguak-a om mi na muh uh ciangin puansilhsak a, na mi pihte uh kiang panin bu lo ding hilo na hi uh hiam?