Isaiah 16:2 - Tedim Bible

² A bu a kipaih khiatsak ciangin cih nading thei loin a leeng kawikawi vasate bangin, Arnon guntui ngahmun ah Moab mite om uh hi.

Tedim Bible Revision 2017

² A bu a kipaih khiatsak ciangin a cih nading thei loin a leng kawikawi vasate bangin Arnon gun tui ngahmun ah Moab mite om uh hi.

Isaiah 16:2 Referans Kwoze

Paunak 27:8

Inn panin gamlapi-ah a zinkhia mipa in, a bu panin a leengkhia vasa tawh kibang hi.

Thukhente 11:18

Tua ciangin gamlak tawnin amaute khualzin uh a, Edom gam leh Moab gam kimkotin pai-in Moab gam nisuahna lam pangah tung uh a, Arnon gal khatah phual sat uh hi; ahih hangin Moab gam sungah amaute lut lo uh hi, bang hang hiam cih leh Arnon in Moab gamgi ahi hi.

Jeremiah 48:20

Moab gam kisia khin zo hi, zumhuaina thuak khin zo hi. Thuum un la, kah un! Arnon gun dungah, Moab gam kisiatna thu va gen un.

Isaiah 13:14

A kidelh sanang leh a cing om lo tuu bangin mi khempeuh pen amau mite lam ciatah kihei-in, mi khempeuh amau gam ciatah tai ding hi.

Joshua 13:16

Tua ahih ciangin amau’ gam in Arnon kuam gei-a a om Aroer pan, leh kuam laizang-a om khuapi, leh Medeba kianga mualzang khempeuh,

Thu-hilhkikna 3:12

“Tua huna hih leitang i luah ciangin, Reuben mite leh Gad mite tungah Arnon kuam mong-a om Aroer pan leh Gilead mualtung gam kimkhat a khuapite tawh ka pia hi.

Thu-hilhkikna 3:8

Tua ahih ciangin tua hun lai takin, gam, Jordan gal khat a, om Amor kumpi nihte’ khut sung pan, Arnon kuam panin Hermon Mual dong

Thu-hilhkikna 2:36

Arnon kuam mong a, a om Aroer leh tua kuam sunga om khuapi Gilead ciang dongah eite adingin khuapi a hat lua khat beek om lo hi; Topa i Pasian in a vekpi-in eite khut sungah hong pia hi.

Gamlak-vakna 21:29

O Moab! gimna na ngah hi, O Khemosh mite! na mangthang uh hi, Amah in a tapate gal tai-in, a tanute gal matin, Amor kumpipa Sihon adingin hong bawl hi.

2 KUMPI NIHNATE 3:4

Tu-in Moab kumpi Mesha in tuu khawipa ahi hi; amah in Israel kumpipa tungah kum simin tuuno tul zakhat, leh tuutal tul zakhat’ mul a piak ding ahi hi.

Paunak 26:2

Thu om lopi-in hong kisamsiatna in bangmah hong cih thei lo a, khawlna mun mel a nei lo a lengsuk a lengto Phialphiah tawh kibang lel hi.

Jeremiah 48:9

Moab mite a leen’ khiat theih nadingun vasa’ kha pia un. A khuapite uh gamlak suak ding a, kuamah a teeng kei ding hi.

Jeremiah 48:46

Moab aw, gimna na thuak ding hi! Khemosh pasian a bia mite si khin ta uh hi. Na tapate uh sal dingin kipaipih khin a, na tanute uh zong thongkia dingin kipaipih hi.