Isaiah 16:14 - Tedim Bible

¹⁴ Ahih hangin tu-in Topa in, “Nasem ding a, a kicial kum hunte sung bangin, kumthum sungin, ama mihon tampite om tase leh Moab’ minthan’na in simmawhna thuak ding a, a suakta lai mite pen tawm mahmahin, thanem ding hi,” a ci hi.

Tedim Bible Revision 2017

¹⁴ Ahih hangin tu-in Topa in, “Nasem dingin a kicial kum hunte sung bangin, kum thum sungin, ama mihon tampite om taseleh Moabʼ minthanna in simmawhna thuak dinga, a suakta lai mite pen tawm mahmah in, thaneem ding uh hi,” a ci hi.

Isaiah 16:14 Referans Kwoze

Jeremiah 48:42

Moab kisusia ding a, a minam-in a om nawn kei ding hi. Bang hang hiam cih leh Topa dem-in kiliansak uh hi.

Isaiah 23:9

Topa’ vaihawm ahi hi. Mi liante’ kiphasaknate a beisak nading, leh a kipahtawi uliante a niamkhiat nadingin a bawl ahi hi.

Isaiah 21:16

Bang hang hiam cih leh Topa in keima tungah, “Thacial kum hunte sung mah bangin kum khat sungin Kedar mite’ minthan’na khempeuh bei ding hi;

Jeremiah 9:23

Topa in a gen-inah: “Mipilte in a pilna uh kisak theihpih kei uh hen la, mihatte in a hatna uh kisak theihpih kei uh hen. Mihaute in zong a hauhna uh kisak theipih kei uh hen.

Isaiah 25:10

Bang hang hiam cih leh Topa in hih Zion Mual hu ding a, ahi zongin Moab mite ahih leh ninkholna dum sungah buhkungte a kisikcip bangin kisikcip gawp ding hi.

Isaiah 17:4

Tua ni ciangin Jakob’ liatna bei ding a, ama hauhna mangthang ding hi.

Isaiah 15:5

Moab gam adingin ka lungsim kiko hi; a galtai ama mite Zoar khua, Eglath-shelishiah khuate ah tai uh hi. Bang hang hiam cih leh Luhith lampi-ah amaute kapsa-in paito uh hi; Horonaim khua zuatna lampi ah amaute in siatna a thuakna uh hangin nakpi-in kiko uh hi;

Isaiah 7:16

Bang hang hiam cih leh naupang in a hoih lote nial-in a hoihte a teel theih hun ma-in na kihtak uh kumpi nihte’ gam kinusiacip ding hi.

Esther 5:11

ama hauhna teng, a tapa neih teng, kumpipa in amah a pahtak manin a za khan’ sakna teng, leh kumpipa’ nasemte leh ulian dangte khempeuh sangin a lianzawin amah a koihna thute khempeuh amaute tungah gen in lak hi.

Thu-hilhkikna 15:8

ama tungah na cingh gamtat ding uh a, bangbang hita leh ama kisap zah na leitawi ding uh hi.

Piancilna 31:1

Laban’ tapate in, “Jakob in i pa’ aa khempeuh la khin hi; i pa’ neihsa tung panin amah in hih hauhna ngah hi,” a cihna tu-in Jakob in za hi.

JOB (Job) 7:1

“Leitungah mihing in nasep haksa nei a, ama hun in thacial nasempa’ aa bang hilo ahi hiam?

JOB (Job) 14:6

Amah en loin tuaci omsak mai in la, a nuntakna haksa mah zomsak hoh in.

Isaiah 11:14

Ahih hangin amaute in, nitumna lam-a om Filistia mite sim khawm ding uh a, nisuahna lam-a om mite luh khawm ding uh hi. Amaute in Edom mite leh Moab mite zogawp ding uh a, Ammon mite in amau’ thu mang ding uh hi.

Isaiah 16:13

Hih bang thu pen, Topa in a beisa hun lai-in Moab tawh kisai-in thu a gensa ahi hi.

Isaiah 25:11

Tuipeekpa in tuipeek dingin a khutte a van bangin amaute in a khut uh vanvan ding uh a, ahih hangin a khut uh a van simin a kiphatsaknate uh Pasian in niamsuk sak ding hi.