Isaiah 16:12 - Tedim Bible

¹² Moab amahmah hong kilaakin, a sangna munah lungkhamin hong pai a, ama siangtho munah thu a nget ciangin bangmah ngah lo ding hi.

Tedim Bible Revision 2017

¹² Moab a mahmah hong kilaakin, a sangna munah lungkhamin hong pai a, ama siangtho munah thu a nget ciangin bangmah ngah lo ding hi.

Isaiah 16:12 Referans Kwoze

Isaiah 15:2

A sangna munte ah a kap dingin Dibon khuamite pai to uh hi; Nebo leh Medeba khuate’ hangin Moab mite nakpi takin kap uh hi. Dahna limin lu khempeuh kimettol a, khamul khempeuh kimetmai hi;

Jeremiah 48:35

Moab gam mual sang tunga kithoihna bawl-a, milim pasiante’ tunga paknamtui a hal mite, Topa in kong cih-inah, tua bang ka hih sak nawn kei ding hi.

1 KUMPI MASATE 18:29

Sunkim khit ciangin biakpiak hun dong mateng amaute awng suak uh a, ahih hangin awging om lo hi; kuamah in dawng lo a, kuamah in don lo hi.

Gamlak-vakna 23:28

Tua ahih ciangin Balak in sehnel gam a kimuh sukna Peor mual dawnah Balaam paipih hi.

Gamlak-vakna 23:14

Tua ciangin amah in Zofim gamlak, Pisgah mual dawnah amah paipihin, biakna tau sagih bawl a, biakna tau simah bawngtal khat leh tuutal khat ciat a pia hi.

Gamlak-vakna 22:39

Tua ciangin Balaam in Balak zui a, Kiriath-huzoth khua ah tung uh hi.

Jeremiah 48:46

Moab aw, gimna na thuak ding hi! Khemosh pasian a bia mite si khin ta uh hi. Na tapate uh sal dingin kipaipih khin a, na tanute uh zong thongkia dingin kipaipih hi.

Jeremiah 48:13

Tua ciangin Israel mite, a muan’ uh Bethel pasian in a maizum sak mah bangin, Moab mite, a biak uh Khemoshpasian in a maizum sak ding hi.

Jeremiah 48:7

Na hatnate uh leh na neihsate uh na suan’ manun note zong hong kipai khiatpih ding hi. Na pasian uh Khemosh zong a siampi teng leh a ulian teng tawh, kipai khiatpih ding hi.

Jeremiah 10:5

A milimte uh, tangmai huan-a vasate’ lau nading-a kikhai milimte tawh kibangin a pau thei kei uh a, lam pai thei lo uh ahih manin puak kul hi. Tuate kihta kei un; siatna bangmah bawl thei lo uh a, phatna zong bangmah bawl thei lo uh hi,” a ci hi.

Isaiah 47:13

Nang tungah hong kilak thu tampite in nang hong gimsak hi; vantungte a seh-in khenin, aksite en a, khadet simin nang tunga thu piang ding hong genkhol mite ding sak in la, nangmah kihonsak in.

Isaiah 37:38

Amah in ama pasian Nisrok innah bia-in a om lai takin, ama tate Adrammelek leh Sharezer in namsau tawh amah that uh a, Ararat gamah tai uh hi. Ama tapa Esarhaddon in ama tangin kumpi suak hi.

Isaiah 26:16

Topa aw, amaute a cihmawhna uhah nang hong zuan uh a, nangmah in amaute thu na hilh a, a thungetna uh ging zo lo hi.

Paunak 1:28

Tua bang hun ciangin kei nong sam ding uh a, ahi zongin kong dawng kei ding hi. Lim takin kei nong zong ding uh a, ahi zongin koi mah-ah nong mu kei ding uh hi.

2 KUMPI NIHNATE 19:12

Ka pu ka pate in a suksiat minam Gozan, Haran, Rezef, leh Telassar gam sunga om Eden mite, tua minamte’ pasiante in amaute a honkhia zo hiam?

2 KUMPI NIHNATE 3:27

Tua ciangin amah in ama tangin a uk ding a tapa upa pen la-in kulh tungah meihal biakna-in pia hi. Israel mite in tua bang gamtatna a muh uh ciangin a lungsim uh sukha mahmah a, amau’ kiang panin nungkikin a gamah ciahkik uh hi.

1 KUMPI MASATE 11:7

Tua ciangin Solomon in Jerusalem nisuahna lam mual tungah Moab mite’ aa ahi, a kihhuai Khemosh leh Ammon mite’ aa ahi a kihhuai Molek adingin mual tunga biakna khat lam hi.

Gamlak-vakna 24:17

Amah ka mu hi, ahih hangin tu hun hi lo hi; amah ka en hi, ahih hangin a hun nai nai lo hi: Jakob sung pan aksi khat hong suakkhia ding a, Israel sung pan kumpi ciangkhut khat hong piang ding hi; tua in Moab’ taltang sat kham ding a, Sheth’ suante khempeuh sugawp ding hi.

Gamlak-vakna 22:41

A zing ciangin Balak in Balaam samin Bamoth-baal munah paipih to hi; tua lai panin amah in Israel mi a madawk pente gal muh thei hi.

Gamlak-vakna 21:28

Heshbon panin mei piang khia hi, Sihon khuapi panin meikuang piang khia hi. Moabte’ kumpi Ar, Arnon mual sang a ukte kang tum hi.

Isaiah 16:13

Hih bang thu pen, Topa in a beisa hun lai-in Moab tawh kisai-in thu a gensa ahi hi.