Isaiah 16:11 - Tedim Bible

¹¹ Tua ahih ciangin Moab gam hangin laiza la sakna bangin ka lungsim kisat gaihgaih a, Kirhareseth khuapi hangin keimahmah zong ka kisat gaihgaih hi.

Tedim Bible Revision 2017

¹¹ Tua ahih ciangin Moab gam hangin laiza lasakna bangin ka lungsim kisat gaihgaih a, Kir-hareseth khuapi hangin kei mahmah zong ka kisat gaihgaih hi.

Isaiah 16:11 Referans Kwoze

Isaiah 15:5

Moab gam adingin ka lungsim kiko hi; a galtai ama mite Zoar khua, Eglath-shelishiah khuate ah tai uh hi. Bang hang hiam cih leh Luhith lampi-ah amaute kapsa-in paito uh hi; Horonaim khua zuatna lampi ah amaute in siatna a thuakna uh hangin nakpi-in kiko uh hi;

Filippi 2:1

Tua ahih ciangin Khazih sungah hansuahna ahi zongin, itna tawh kipawl lungnopna ahi zongin, Kha Siangtho tawh kihotheihna ahi zongin, hehpihna leh diksakna ahi zongin na khatpeuh peuh a om leh, khat leh khat ki-it ciatin, khat leh khat lungsim kikhen loin hanciamna kibangin, lungsim kikhatin na om manunah ka lungdamna na cingsak un.

Hosea 11:8

Israel aw, bang ci-a hong nusia thei ding a, bang ci-a hong paidak thei ding ka hi hiam? Bang ci-in Admah khua banga hong bawl ding a, bang ci-in Zeboi-im khua bangin hong bawl ding ka hi hiam? Note hong khasiat mahmah ka hih manin tua banga hih ding ka lungsim ah om lo hi.

Jeremiah 48:36

Tua ahih manin Moab adingin ka kap a, Kirheres khua mite adingin misi vuina tamngai kitum bangin ka kapkhia hi: bang hang hiam cih leh a neih a lam khempeuh uh kisia mang khin ta hi.

Isaiah 63:15

A siangtho, a minthang nangma omna vantung pan a sangna kumpi tokhom panin, hong ensuk in la, hong mu in. Nangma deihna leh nangma vangliatna koi-ah om ta ahi hiam? Na lungduaina leh nong lainatna kote’ adingin kikhaktan ta hi.

Jeremiah 31:20

Efraim, ka it ka tapa ahi hiam? Amah ka ngaihno ahi hiam? Bang hang hiam cih leh ama’ thu ka gen simin amah ka phawk lailai hi. Tua ahih manin amah ka ngaihsun tawntung a, ka hehpih taktak ding hi, Topa in ka ci hi.

Jeremiah 4:19

Aw, ka lungtang, ka lungtang! Na ka sa mahmah hi! Ka lungtang kisai vanvan a, ka om hithiat thei kei hi; bang hang hiam cih leh peengkul mutna aw, gal kisimna aw ka za hi.

Isaiah 21:3

Tua ahih ciangin ka pumpi na hi; nausuak numei in na a sak bangin na ka sa hi; khuaza thei lo zah dongin a kuncip-in ka om a, ka muh nate hangin lamdang sa in ka om hi. khua mu thei lo zah dongin lungkia-in ka om hi.

Jeremiah 48:31

Tua ahih manin Moab adingin ka tau hi; Moab gam mi khempeuh adingin ka kap a, Kirheres khua adingin zong ka thuum hi.

Kah la 1:20

Topa aw, ka thuaknate, ka lung gimnate hong en in. Ka mawhna hangin dah ka hih manin ka lungtang a kitam hi. Kongzing lakah kithahna om a, innsung nangawn ah sihna a om hi.