Isaiah 16:10 - Tedim Bible

¹⁰ An tampi a pian’ ngeina lo lai-ah lungdamna leh nuamna om nawn lo hi; leenggui lote sungah lasakna om lo a, lungdam-a kikona om nawn lo hi; leenggah cilna ah kuamah in leengtui suk lo hi; leenggah lawh cianga kikona aw kidaisak ta hi.

Tedim Bible Revision 2017

¹⁰ An tampi a pian ngeina lo lai ah lungdamna le nuamna om nawn lo hi. Leenggui lote ah lasakna om lo a, lungdam a kikona om nawn lo hi. Leenggah cilna ah kuamah in leengtui suk nawn lo a, leenggah lawh cianga kikona aw kidaisak ta hi.

Isaiah 16:10 Referans Kwoze

Jeremiah 48:33

Lei hoih mahmah Moab gam panin lungdamna leh kipahna kila khia ta hi. Leenggah cilna panin leenggahtui ka luang khiasak nawn kei a, lenggah cil-in kuamah lungdamin a kiko nawn kei hi; a kikona uh lungdam kikona hi lo hi.

Amos 5:17

Note daan pia dingin hong pai ding ka hih manin, leenggui lo khempeuh ah kahna aw ging ding hi, Topa in ci hi.

Amos 5:11

Note in mi zawngte tuancilin, a an teng uh laksak na hih manun, suangseek inn na lam hangun a sungah na teeng kha kei ding uh a, leenggui lo hoih na neih hangun a leenggahzu na dawn kha kei ding uh hi.

Thukhente 9:27

Amaute lo-ah kuanin a leenggui lo uh panin leenggah khawmin cil uh a, pawi khamin amaute’ pasian’ inn-ah pai uh a, anne tuidawnin omin Abimelek zahko uh hi.

Zefaniah 1:13

Amau’ neihsa khempeuh kisut ding a, a innte uh kisuksiatsak ding hi. Inn a lam hangun a sungah teeng kha lo ding uh a, leenggui a suan hangun leenggahzu dawn kha lo ding uh hi,” ci hi.

Isaiah 32:10

Nomau thu tum tak-a a lungkim numeite aw, kumkhat val zek khit ciangin na liinglawng ding uh hi; bang hang hiam cih leh leenggah kum hong sia ding a, singgah lawhna hun hong tung lo ding hi.

JOB (Job) 24:11

A thau ngah nadingin oliv gahte gawi-in, leenggahzu ngah nadingin leenggahte cil napi-in, gilkial dangtakpi-in ki-omsak hi.

Isaiah 24:11

Leenggahzu a duh manun kongzing ah mite kiko uh hi; lungdamna khempeuh lungkhamna suak a, leitung kipahna kibeisak ta hi.

Joel 1:12

Leengguite keu a, theikungte vuai ta hi. Mang kawlsingte, nisuhte, leh apple kungte-a kipan, singkung khempeuh keu mang khin hi. Mihingte’ lungdamna teng zong maimang ta hi.

Amos 9:13

Topa in hih bangin ci hi: An a kihauh luat manin, anlak a kizawh ma-in lo khawhkik hun tungin, leenggahte, leenggahzu-a bawl a kizawh ma-in, a suankik hun hong tun’ ding hun nuam hong tung ta ding hi. Mual lian khempeuh panin leenggahzu khum hong taak khia-in, mual neu khempeuh tungah leenggahzu luang ding hi.

Ezekiel 7:7

Israel gam sungah a teeng note’ bei nading hong tung ta ding hi. Mualsang dawn citeng-a biakna munte ah lungdamna om nawn loin buaina bek a omna ding hong nai ta hi.