Isaiah 16:1 - Tedim Bible

¹ Moab mite in Zion Tanu’ mual, gam ukpa tungah Sehnel gam Sela khua panin siah dingin tuunote puak uh hi.

Tedim Bible Revision 2017

¹ Moab mite in Jerusalem-a om gam ukpa tungah sehnel gam Sela khua panin tuunote a puak uh hi.

Isaiah 16:1 Referans Kwoze

Isaiah 10:32

Tu ni mahmah-in Nob khua-ah galte tungin khawl uh a, Zion Mual ahi, Jerulasem khuapi, a khuttum uh sin’san uh hi.

2 KUMPI NIHNATE 3:4

Tu-in Moab kumpi Mesha in tuu khawipa ahi hi; amah in Israel kumpipa tungah kum simin tuuno tul zakhat, leh tuutal tul zakhat’ mul a piak ding ahi hi.

2 KUMPI NIHNATE 14:7

Amah in Edom mite tulsawm Ci Kuam ah thatin Sela khua do-in la a, tu ni dongin a min ahi Jokthe-el a phuak hi.

2 SAMUEL NIHNA 8:2

Tua ciangin amah in Moab mite zo a, amaute khauzang khat tawh tehin, lei lakah amaute lumsak hi; amah in thah dingin gual nih leh khah dingin gual khat dim teh hi. Tua ciangin Moab mite in David’ nasemte suakin siah puak uh hi.

Isaiah 42:11

Sehnel gam leh a khuapite, Kedar mite’ teen’na khua neute a aw uh sangkhai sak un; Sela gam-a teeng mite lungdamna tawh lasa sak un la, mual dawn panin amaute awng sak un.

Ezra 7:17

Hih ka thupiakna tawh kizui-in hih sumte pen Jerusalem a, note’ Pasian inn-a biakna tau tungah piak dingin bawngtalte, tuutalte, tuunote, leh a an tawh biaknate leh a leenggahzu tawh biak nadingte lei nading bekin na zang ding uh hi.

Micah 4:8

Pasian in a mite a etna Jerusalem khuapi aw, nidang a, na vangliatna ngah kikin, kumpi khuapi na suak kik ding hi.

Ezekiel 45:16

Israel mi khempeuh in hihte pen biakna-a piak dingin, amau a uk ulianpa tungah puak ding uh hi.