Isaiah 15:9 - Tedim Bible

⁹ Bang hang hiam cih leh Dimon lui tuite pen sisan tawh kidim hi; ahi zongin Dimon khua in a thuak ding a nasia zaw om lai a, Moab gam panin a suakta mi leh gam sunga a om lai mite khempeuh humpi khat in negawp ding hi.

Tedim Bible Revision 2017

⁹ Bang hang hiam cih leh Dibon lui tuite sisan tawh kidim hi. Ahi zongin Dibon khua in a thuak ding a nasia zaw om lai a, Moab gam panin a suakta mi le gam sungah a om lai mite khempeuh kithat gawp ding hi.

Isaiah 15:9 Referans Kwoze

2 KUMPI NIHNATE 17:25

Tua lai-ah a ten’ cilun amaute in Topa kihta lo uh hi; tua ahih ciangin Topa in amaute kimkhat a that humpinelkaite amaute lakah khah hi.

Amos 5:19

Humpinelkai kihta-in a taikhiat hang, vompi a tuakpa tawh kibang ding hi. Tua ahih kei leh, mi khat inn-ah hong tai a, a kawm-ah a khut a ngak ciangin gul in a tuk tawh kibang ding hi.

Jeremiah 50:17

“Israel mite humpi in a delhmang tuu tawh a kibang uh hi. A masa-in Assiria kumpipa in a ne a, tu-in a tawpna ah Babilon kumpipa Nebukhadnezzar in a guh dongin a teep tum hi.

Jeremiah 15:3

“Amaute’ sih nadingin gimna nam li ka tungsak ding hi. A kithah nading uh namsau, a keizan gawp dingin ui, a valhtum ding leh a susia gawp dingin huih lak-a vasate leh lei lak-a ganhingte ka koih ding hi.

Siampi Laibu 26:28

note tawh a kilehngatin ka heh ngawh pah ding a, note’ khialhna hangin keimahmah in a zah sagih vei-in kong thuhilh ding hi.

Siampi Laibu 26:24

kei zong note tawh a kilehngatin pai-in, keimahmah in na khialhnate uh hangin a zah sagih vei-in note kong sat ding hi.

Siampi Laibu 26:18

Tua bang hi napi-in note in ka thu nong ngaih kei uh leh, keimah in na khialhna hangun a zah sagih vei-in note kong thuhilh kik ding a,

Isaiah 15:8

Bang hang hiam cih leh Moab gam kim khempeuh ah kahna aw ging hi; kahna in Eglaim khua ban a, kahna in Be-er-elim khua ban hi.

Gamlak-vakna 21:30

Tua ahih ciangin amau’ suan leh khakte Heshbon panin Dibon ciang dong si uh a, mei in Medeba ciang dong a bat mateng ka siasak uh hi,” ci-in sa uh hi.