Isaiah 15:8 - Tedim Bible

⁸ Bang hang hiam cih leh Moab gam kim khempeuh ah kahna aw ging hi; kahna in Eglaim khua ban a, kahna in Be-er-elim khua ban hi.

Tedim Bible Revision 2017

⁸ Bang hang hiam cih leh Moab gam kiim khempeuh ah kahna aw a ging hi. Kahna in Eglaim khua ban a, kahna in Beerelim khua zong a ban hi.

Isaiah 15:8 Referans Kwoze

Ezekiel 47:10

En-gedi khua panin En-eglaim khua ciang dong tuipi dungah ngasa bengte omin, tua dungah a ngen uh zalin pho keu ding uh hi. Mediterranean Tuipi sungah ngasa om zah mah bangin ngasa nam tampite om ding hi.

Isaiah 15:7

Tua ahih ciangin amaute in a ngahsa uh leh a kholsa uh na tampite pua-in Gialheek Lui-ah paipih uh hi.

Isaiah 15:9

Bang hang hiam cih leh Dimon lui tuite pen sisan tawh kidim hi; ahi zongin Dimon khua in a thuak ding a nasia zaw om lai a, Moab gam panin a suakta mi leh gam sunga a om lai mite khempeuh humpi khat in negawp ding hi.

Gamlak-vakna 21:16

Tua lai panin Be-er munah pai uh hi; tua pen Topa in Moses kiangah, “Mite kaikhawmin, amaute tui ka pia ding hi,” a cihna tuikhuk ahi hi.