Isaiah 15:7 - Tedim Bible

⁷ Tua ahih ciangin amaute in a ngahsa uh leh a kholsa uh na tampite pua-in Gialheek Lui-ah paipih uh hi.

Tedim Bible Revision 2017

⁷ Tua ahih ciangin amaute in a ngah sa uh le a khol sa uh na tampite pua-in Gialhek Lui ah a paipih uh hi.

Isaiah 15:7 Referans Kwoze

Jeremiah 48:36

Tua ahih manin Moab adingin ka kap a, Kirheres khua mite adingin misi vuina tamngai kitum bangin ka kapkhia hi: bang hang hiam cih leh a neih a lam khempeuh uh kisia mang khin ta hi.

Isaiah 30:6

Negeb gam-a ganhingte tawh kisai thu: Amaute in, humpinelkai nu leh humpinelkai pa, gul gu nei leh a leengthei gulpi a omna, lungkhamna leh gimna gam nawk-in, amau’ hauhnate la nungzang leh amau sumte kalaoh thuvum tungah suanin amaute bangmah phattuamna a pia thei lo mite tungah puak uh hi.

Isaiah 10:14

Vasa bu-mek bangin mihingte’ hauhna ka la ziau hi; a kinusia vasa tuite mite in a lak bangin leitung khempeuh ka la khin hi; a kha a zap, a kam a ka, a ham khat beek om lo hi,” ci hi.

Isaiah 10:6

Pasian thu a ngaihsun lo minam leh keimah hong hehsak mite’ neihsa sutin lak sakin, amaute pen konglak buannawng bangin a tuancil dingin amaute sawlin thu ka pia hi.

Isaiah 5:29

Amaute’ kikona pen humpinelkai hawk tawh kibang a, humpinelkai khanglaite bangin amaute hawk uh hi; amaute humhamin a sa nek ding uh man uh a, amaute in puakhia-in kuamah in honkhia zo lo hi.

Siampi Laibu 23:40

Note in a ni masa ni-in singkung hoih gahte, nisuh hiangte, a teh tam singhiang paipite, leh lui-a gialhekte na la ding uh hi; Topa na Pasian uh mai-ah ni sagih sung note na lungdam ding uh hi.

Isaiah 15:8

Bang hang hiam cih leh Moab gam kim khempeuh ah kahna aw ging hi; kahna in Eglaim khua ban a, kahna in Be-er-elim khua ban hi.