Isaiah 15:5 - Tedim Bible

⁵ Moab gam adingin ka lungsim kiko hi; a galtai ama mite Zoar khua, Eglath-shelishiah khuate ah tai uh hi. Bang hang hiam cih leh Luhith lampi-ah amaute kapsa-in paito uh hi; Horonaim khua zuatna lampi ah amaute in siatna a thuakna uh hangin nakpi-in kiko uh hi;

Tedim Bible Revision 2017

⁵ Moab gam adingin ka lungsim kiko hi. A galtai ama mite Zoar khua le Eglath-shelishiah khuate ah a tai uh hi. Bang hang hiam cih leh Luhith lampi ah amaute a kap sa-in pai to uh hi. Horonaim khua zuatna lampi ah amaute in siatna a thuakna uh hangin nakpi-in kiko uh hi.

Isaiah 15:5 Referans Kwoze

Jeremiah 48:5

Luhith mual kahtohna lampi-ah, a pai kawm-un a kap uh hi. Horonain khua-ah a tuahsuk laitakun khuapi sia-a a kikona aw uh a za uh hi.

Jeremiah 4:20

Siatna khat khit ciang’ khat hong tung a, gamsung khempeuh kisia khin hi. Tha khat thu-in ka bukte hong kisuksiat sak a, ka puan khaite hong kek gawp hi.

Jeremiah 17:16

Ahih hangin amaute tungah gimna na tun’ sak ding kong ngen kei a, siatna ni hong tun’ ding ka deihsak loh lam zong nong thei hi. Ka kam pan-a hong gingkhia thu khempeuh na thei khin hi.

Jeremiah 13:17

Ahih hangin ka thu nong ngaih kei uh leh na kisaktheihna uh hangin ka kapsim ding a, khitui luangin nakpi takin ka kap ding hi. Bang hang hiam cih leh Topa’ tuu honte sal dingin kikai zo hi.

Jeremiah 9:10

“Mualte adingin kap-in tau un la, gamlak lo nona munte adingin thuum un. Bang hang hiam cih leh tuate keu gawp a, kuamah pai nawn lo hi, bawng ham zong kiza nawn lo hi; van-a leeng vasate leh gamsate a taimang ta uh hi.

Isaiah 22:5

Bang hang hiam cih leh Vanglianpen Topa Pasian in mangmuhna kuam sungah buaina leh tuatcil gawpna leh kitawhzauna, kulhte suksiat gawpna leh launa mualte tungah kikona ni hong tungsak hi.

Isaiah 16:14

Ahih hangin tu-in Topa in, “Nasem ding a, a kicial kum hunte sung bangin, kumthum sungin, ama mihon tampite om tase leh Moab’ minthan’na in simmawhna thuak ding a, a suakta lai mite pen tawm mahmahin, thanem ding hi,” a ci hi.

2 SAMUEL NIHNA 15:30

Ahih hangin Oliv Mual tung kahtohna-ah David paito-in, khe guak leh lu tuamsa-in a pai kawmin kap hi; amah tawh a om mi khempeuh in a lu uh khuhin paito uh a, a pai kawmun kap uh hi.

2 SAMUEL NIHNA 15:23

Tua ahih ciangin mi khempeuh a pai lai takin gamsung mi khempeuh a gingin kapkhia uh a, kumpipa in Kidron lui kantanin, mi khempeuh gamlak lamah paisuak uh hi.

Piancilna 19:22

Kinawh in la, tua lai-ah tai in; bang hang hiam cih leh tua lai-ah nang na tun’ mateng ke’n bangmah ka hih thei kei hi,” ci hi. Tua ahih ciangin tua khuapi min Zoar kici hi.

Piancilna 14:2

hih kumpite in Sodom kumpipa Bera, Gomorrah kumpipa Birsha, Admah kumpipa Shinab, Zeboi-im kumpipa Shemeber leh Bela (Zoar) kumpipa ahi kumpi ngate va sim uh hi.

Piancilna 13:10

Lot zong khuadak a, Jordan gun kuam mun khempeuh in lim takin tui ngahin, Topa’ huan hita leh, Zoar lam-a Izipt gam tawh hita leh kibang hi ci-in mu hi; hih pen Topa in Sodom leh Gomorrah a suksiat hun ma ahi hi.

Gamlak-vakna 21:29

O Moab! gimna na ngah hi, O Khemosh mite! na mangthang uh hi, Amah in a tapate gal tai-in, a tanute gal matin, Amor kumpipa Sihon adingin hong bawl hi.

Isaiah 59:7

Siatna bekbek na gelgel uh a, na hih ding uh na ngaklah mahmah uh hi. Mawh nei lo mite sisan luan ding haksa na sa kei uh hi. Na paina khempeuh uhah siatna vive om kawikawi hi.

Jeremiah 4:19

Aw, ka lungtang, ka lungtang! Na ka sa mahmah hi! Ka lungtang kisai vanvan a, ka om hithiat thei kei hi; bang hang hiam cih leh peengkul mutna aw, gal kisimna aw ka za hi.

Jeremiah 48:3

“Ngai dih un! Horonain khua-ah mi kiko veh! ‘Ngongtatna leh siatna lianpi!’ ci uh hi.

Jeremiah 50:46

A pukna uh gin’ ngaih lua ahih manin leitung a kiliing ding hi. A kahna aw uh, gam khempeuh ah a kiza ding hi,” a ci hi.