Isaiah 15:4 - Tedim Bible

⁴ Heshbon khua leh Elealeh khua kiko a, amau’ kahna awging Jahaz khua ciang dongah kiza hi; tua ahih ciangin Moab gammi galhiam tawite lau-in nakpi takin kiko uh hi; amaute liing uh hi.

Tedim Bible Revision 2017

⁴ Heshbon khua le Elealeh khua kiko uh a, amauʼ kahna awging Jahaz khua dongah kiza hi. Tua ahih ciangin Moab mi galhiam tawite lau-in nakpi takin kiko uh a, amaute a liing uh hi.

Isaiah 15:4 Referans Kwoze

Jeremiah 48:34

“Heshbon khua panin Elealeh khua leh Jahaz khua dongah; Zoar khua panin Horonaim khua leh Eglath-sheli-shiah khua dongah mite’ kahna aw kiza hi. Bang hang hiam cih leh Nimrim tui nangawn keu ta a, kisusia ta hi.

Mangmuhna 9:6

Tua nite lai takin mite in sih nading a zon’ uh hangin a mu kei ding uh hi. Amaute in a sih nop mahmah uh hangin sihna mangpa in amaute kiang pan a taikhia ding hi.

Jonah 4:8

Ni hong suah ciangin Pasian in nisuahna lam panin huih a sa mahmah nungsak a, ni in zong Jonah lu zang kapsuk veva ahih manin a gim mahmah hi. Tua ciangin amah in, “Ka nuntak sangin si leng kei adingin a hoihzaw hi,” ci-in a sih nading thu a ngen hi.

Jonah 4:3

Tua ahih ciangin Topa aw, tu-in ka nuntakna hong la in, ci-in kong thuum hi: bang hang hiam cih leh ka nuntak sangin si leng kei adingin a hoih zaw hi,” a ci hi.

Jeremiah 20:18

Gimna leh dahna mu ding leh ni sim-a maizum den dingin bang hangin a gil sung panin suak khia sese ka hi hiam?

Jeremiah 8:3

Hih a gilo minamte’ laka a omlai sun teng in ka hawlkhiatna munah nuntak ding sangin sih ding a teelzaw ding uh hi, a vanglian Topa in kong ci hi.

1 KUMPI MASATE 19:4

Ahih hangin amahmah gamlakah ni khat lam pai-in poding kung nuai khatah tu hi; tua ciangin amah in a sih nading ngenin, “Pha zo hi; tu-in Topa aw, ka nuntakna hong la ta in; bang hang hiam cih leh keimah in ka pate sangin ka hoihzaw kei hi,” a ci hi.

Thukhente 11:20

Ahih hangin Sihon in ama gam nawk dingin Israelte muang lo hi; tua ahih ciangin Sihon in a mite khempeuh kaikhawmin Jahaz-ah giahphual sat a, Israelte do hi.

Joshua 13:18

leh Jahaz, leh Kedemoth, leh Mefa-ah,

Thu-hilhkikna 2:32

Tua ciangin Sihon leh a mite khempeuh eite do dingin Jahaz-ah hong pai uh hi.

Gamlak-vakna 21:23

Ahih hangin Sihon in ama gam Israelte kantan sak lo hi. Amah in a mite khempeuh kaikhawmin, Israelte do dingin gam lakah pai-in Jahaz mun tung a, Israelte a do hi.

Gamlak-vakna 11:15

Hih bangin kei hong bawl ding na hih leh, ka gentheihna ka kimuh loh nadingin nong hehpih zawh leh, thakhatin hong that in,” a ci hi.

Piancilna 27:46

Tua ciangin Rebekah in Isaak kiangah, “Esau’ zi Hit numeite’ hangin ka lunggim a, ka cimtak hi. Jakob in hih gam numeite khat ahi, Hit numeite khat ten’pih leh kei adingin bang nuntak tham nawn ding ahi hiam?” ci hi.

Gamlak-vakna 21:28

Heshbon panin mei piang khia hi, Sihon khuapi panin meikuang piang khia hi. Moabte’ kumpi Ar, Arnon mual sang a ukte kang tum hi.

Jeremiah 48:21

“Pasian’ thukhenna mualtung gam teng leh Holon khua, Jahzah khua, Mefa-ath khua,