Isaiah 14:4 - Tedim Bible

⁴ Babilon kumpipa’ tungah hih zahkona kam na zang ding uh hi; “A nengniampa koi ci bei! a hehna koi ci khawl!

Tedim Bible Revision 2017

⁴ Babylon kumpipa tungah hih zahkona kam na zang ding uh a, “Kumpi gilopa puk ta a, amah in kuamah nengniam zo nawn lo ding!

Isaiah 14:4 Referans Kwoze

Isaiah 49:26

Nang hong nengniam mite pen amau’ satak mah ka ne sak ding a, zukham bangin amau’ si mah kham ding uh hi. Tua ciangin, kei pen, Jakob’ Vanglian Pa, nang hong Tankhiapa, nang hong Honpa Topa ka hihna mi khempeuh in thei ding hi,” a ci hi.

Mangmuhna 18:20

Vantung-a kipan misiangthote, sawltakte, kamsangte aw, tua khuapi hangin nuam un! Bang hang hiam na cih uh leh, Pasian in note tawh kipawlin ama tungah thu a khen zo hi!” a ci hi.

Mangmuhna 18:16

“Saihadial, a san a eng puante, kham nate, a manpha suangte, suangmanphate, tawh a kizem khuapi lian in gimna a thuak hi, gimna a thuak hi!

Mangmuhna 17:6

Tua numei in zong misiangthote’ sisan ahi zongin, Zeisu’ teci pangte’ sisan ahi zongin dawnin kham a, om ka mu hi. Kei in ka et ciangin lamdang ka sa mahmah hi.

Habakkuk 2:17

Note in Lebanon gam singkungte phuk na hihmanun note zong hong kiphuk ding a, a ganhingte zong that na hih manun, tu-in ganhingte in note hong lausak ding uh hi. Gam sung khempeuh ah mi thatin na bawlsiatna hang uh, leh khuapite leh a sunga teengte na suksiatna hangun, note tungah hih bangin a hong piang ding ahi hi.

Daniel 2:38

Amah in mi’ teen’na leitung teng, ganhing teng leh vasate uk dingin a hong koih hi. Tua kham lutang in nangmah na hi hi.

Ezekiel 5:15

Note tungah hehin sinsona tawh daan kong piak ciangin na kiim uh a, om minam dangte khempeuh lau ding uh hi. Amaute in note hong muhdah etin hong simmawh bawl ding uh hi.

Kah la 4:1

Biakinnpi kisia a, suang kiciangte kongzing lakah a kithehthang hi. Khamtui tawh a kizut a tee daldalte a mualmang khin zo hi.

Jeremiah 24:9

Amaute ka hawlkhiat nading mun khempeuh mite in kihaamsiatna a, a zat dingun simmawhna leh zahkonate ka thuaksak ding a, amaute’ thuakna hangin leitung gam khempeuh ka lausak ding hi.

Isaiah 51:23

note kiangah, ‘Na tung uhah kong pai theih nadingun kunsuk un,’ hong ci no hong bawlsiate’ khut sungah tua haipi ka koih ding hi; note in na nungzang uh lei lak bangin bawlin, amaute’ pai nadingin kongzing bangin na bawl khin uh hi,” a ci hi.

Isaiah 47:5

Babilon aw, gamdai takin tu in la, khuamialna sungah pai in; bang hang hiam cih leh nang pen, kumpi gamte’ kumpinu hong kici nawn lo ding hi.

Isaiah 14:17

Leitung pen sehnel gam suaksakin, khuapite a susia-pa, thong sungah a khum mite pen innah a ciahsak lopa pen hihpa hilo ahi hiam? hong ci ding uh hi.

Isaiah 13:19

Khaldel mite’ vangliatna leh kiphatsakpih, kumpigam a minthang bel Babilon khua pen Pasian in Sodom leh Gomorrah a siatsak lai hun bang ding hi.

2 KHANG TANGTHU NIHNATE 36:18

Tua ciangin Topa’ inn a, um-le-beel khempeuh a lian a neu, leh Topa’ inn a, vanmanphate leh kumpipa leh a uliante’ vanmanphate khempeuh amah in Babilon ah paipih hi.

Isaiah 9:4

Bang hang hiam cih leh Midian mite a kizawh ni-a bangin nangmah in gik a sak uh a hakkol uh, amau liangko tunga singzawl leh amaute a nengniamte in a satna ciangkhut na kuaihtan sak a, nangma mi a bawlsia minamte na zo gawp hi.

Isaiah 13:1

Amoz’ tapa Isaiah in Babilon siatna ding tawh kisai a muhnate a genna:

Isaiah 14:5

Tawlnga loin mihingte satna a, a kizang, hehna tawh minamte ukin nakpi takin a bawlsia, migilote’ ciangkhut leh gam-ukte’ kumpi ciangkhut pen Topa in kuaitan khin hi.

Isaiah 16:4

a kihawlkhia Moab mite note lakah teengsak un; amau a susiate’ kiang panin amaute’ belh hi un. A nengniampa om nawn loin, suksiatna hun bei a, gam sung panin a khe tawh a sik mipa a man’than’ ciangin,

Isaiah 51:13

Vantungte zal-in, lei bulpite a koih note a hong bawl Topa hong mangngilh khin ta na hi uh hiam? Note hong susia dingin a kithawi, no a hong nengniamte’ hehna, bang hangin kihta-in om tawntung na hi uh hiam? Amaute’ hehna in note hong sukha zo het lo ding hi.

Isaiah 54:14

Thumanna tawh nang hong kikipsak ding hi; nenniamna tawh na kigamla ding a, nang na lau kei ding hi; kihtakna tawh na kigamla ding a, nang nai-ah hong pai lo ding hi.

Isaiah 21:2

A kihtak huai mangmuhna khat kei tungah hong kigen hi; A lehheekpa in lehheekin a sut thei mipa in sut hi, a susia thei mipa in susia hi. Elam galkapte aw, kuan to un, Media galkapte aw, umcih un; Babilon’ pian’sak ahi, khuisatnate khempeuh Pasian in beisak ta hi.

Jeremiah 48:17

A kim-a teengte leh a min a thei mite aw, Moab gam kah un. ‘A minthan’na bei khin ta a, a vangliatna kumpi ciangkhut kitan ta hi,’ ci un.