Isaiah 14:23 - Tedim Bible

²³ Simbute’ om nadingin tua khuapi bawlin, bualtui ka suaksak ding a, siatna munphiah tawh ka phiat khia siang ding hi,” Vanglianpen Topa in ci hi.

Tedim Bible Revision 2017

²³ Saphulipteʼ om nadingin tua khuapi bawlin, bualtui ka suaksak dinga, siatna munphiah tawh ka phiat khia siang ding hi,” Vanglian Topa in ci hi.

Isaiah 14:23 Referans Kwoze

Zefaniah 2:14

Tuuhon leh bawnghonte, tua khua sungah lumin, ganhing namkim phualpi suak ding hi. Gunva leh gunvapite, bangtung zawl-ah tuang ding uh a, kongvangneu-ah keising khuang-in, sangkil tungah va-ak ham ding hi. Taamtaak sing tawh a kilam innte maimang ding hi.

Mangmuhna 14:8

Tua nung ciangin nihna vantungmi in zui-in, “Nu leh pa’ khialhna tawh kipawl ama hehna leenggahzu mipawl khempeuh a dawnsak khuapi lian Babilon a cim zo hi! a cim zo hi!” ci-in a gen hi.

1 KUMPI MASATE 14:10

tua ahih ciangin en in, mi khat in a bei matengin ek a haltum mah bangin Jeroboam innkuan tungah siatna tungsakin, Israel sungah sal leh a suakta mi a kibangin pasal khempeuh Jeroboam’ innkuan panin ka susia ding a, Jeroboam innkuan ka bei siangsak ding hi.

Mangmuhna 18:2

Amah in, “Babilon khuapi a cim hi, a cim hi! Dawigilote’ omna, kihhuai kha khempeuh kikhumna, kihhuai leh gilo vasate kikhumna a suak zo hi.

2 KUMPI NIHNATE 21:13

Keimah in Jerusalem tungah Samaria a kitehna khau leh Ahab’ innkuan khaukhai sikbawk ka khai ding hi; tua ciangin mi khat in pakan a nul bangin keimah in Jerusalem nulin ka lumlet ding hi.

Isaiah 13:6

Topa’ ni hong nai ahih manin nakpi-in kap un; Vanglian Pa’ kiang panin suksiatna hong tung ta ding hi.

Isaiah 13:20

Khang tawntungin tua lai-ah kuamah teeng lo, om ngei nawn lo ding hi; Arabia mite kuamah in tua lai-ah a puanbuk lam lo ding a, tuucingte kuamah in tua lai-ah a tuute lum sak lo ding hi.

Isaiah 21:1

Babilon gam tawh kisai thu: Pingpeite leitaw lam panin hong kipat mah bangin, a lauhuai gam panin siatna hong pai hi.

Jeremiah 50:3

“Bang hang hiam cih leh leilu lam panin Babilon gam a sim ding leh gamlak a suaksak dingin gam khat hong pai ding hi. Gam sungah kuamah teeng lo ding a, a mihing a ganhingin a taimang ding uh hi.

Jeremiah 50:26

Mun khempeuh panin hong sim un; A an sal uh hon’sak un. An cian’ bangin amaute ciang un; A vekpi-in susia un la, bangmah nusiat nei kei un.

Jeremiah 51:62

tua ciangin, ‘Topa aw, hih munah mihing hi taleh, ganhing hi taleh bangmah teeng lo a, a tawntunga a kinusia gam a suah nadingin na suksiat nading na genkhia khin zo hi,’ ci-in thu gen in.