Isaiah 14:2 - Tedim Bible

² Minamte in amaute la-in amau omna munah paipih ding uh hi. Israel mite in minamte nei ding uh a, Topa’ gam sungah amaute pen sila numei sila pasal dingin nei ding uh hi; amaute a man ngei mite pen tu-in amaute in leh mat ding a, amaute a nengniam ngei mite tungah tu-in ukna nei ding uh hi.

Tedim Bible Revision 2017

² Israel mite in amaute manin amauʼ gamah ciahpih ding uh a, Topaʼ gam sungah amaute pen sila numei sila pasal dingin nei ding uh hi. Amaute a man ngei mite pen tu-in amaute in leh mat ding uh a, amaute a nengniam ngei mite tungah tu-in ukna nei ding uh hi.

Isaiah 14:2 Referans Kwoze

Isaiah 61:5

Gamdang mite in na tuu honte uh vak ding a, khual mite pen note’ lo kho leh leenggui puahte hi ding uh hi;

Isaiah 60:14

Nangmah hong nengniamte’ tate nangma mai-ah kunsa-in hong pai ding uh a, nangmah hong simmawh mi khempeuh na khe mai-ah hong bok ding uh hi; amaute in nang pen Topa’ Khuapi, Israelte’ Siangtho Pa’ Zion, hong ci ding uh hi.

Jeremiah 30:16

Tua ahih manin no hong thatte kithat ding a, na galte khempeuh uh sal-in kiman khin ding hi. No hong buluhte kibuluh ding a, a hong mante, matin om zaw ding uh hi.

Daniel 7:18

Ahih hangin Sangpen Pasian’ mite in kumpi za a ngah ding uh a, a tawntungin a nei tawntung ding uh hi,” a ci hi.

Isaiah 49:23

Kumpite pen nang hong kem pate hi ding a, kumpinute pen nang hong khoi na nute hi ding hi. Amaute in a maitang uh lei lak ngatin nang kiangah hong kun ding uh a, na khe-a leivuite liak ding uh hi. Tua ciangin keimah in Topa ka hihna na thei ding hi; kei sungah a lamente maizum lo ding hi,” a ci hi.

Mangmuhna 3:9

En in, ‘Judah mipawl khat ka hi uh,’ a ci zuau thu a gen mipawl ahi, Satan pawlte ahi mite kong pia a, amau in nang khe kiangah bia-in, nang kong it, ci-in amaute ka theisak ding hi.

ROM (Romans) 15:27

Ahi hi, lungsim takpi a nei uh ka cih hangin amaute in tuate tungah leiba nei-in a kingaihsun uh hi. Bang hang hiam na cih uh leh, Gentailte in Kha Siangtho piak thuphate Judah mite tawh a ngah khawm uh ahih leh, leitung sum pia-in amau zong Judah mite a vaak ding uh a kilawm hi.

Isaiah 18:7

Tua hun ciangin, amau’ gam gunpi in a phelkhap, a vanglian a gualzo minam, a nai a gamla ah a kikihta mite, a tun sang mi, a ci nel mite kiang panin, Vanglianpen Topa’ min omna mun Zion Mual, Vanglianpen Topa’ tungah letsong hong kipuak ding hi.

Late 68:18

Topa nangmah Pasian tua munah na om theih nadingin a sangna-ah kahto-in salte na paipih a, mite leh mi lehdote’ tung nangawn panin piakkhong nate na ngah hi.

Efesa 4:8

Tua ahih ciangin Lai Siangtho in: “A sang munah amah a kahtoh ciangin, mi tampi manin paipih a, mite kiangah thupha letsong a pia hi,” a ci hi.

Galati 5:13

Ute naute aw, note in suahtakna thu ngah dinga hong sap mi na hih uh leh, si-le-sa nopsak na’ngin tua suahtakna zang kei un. Ki-itna tawh khat leh khat’ nasem mi na suak zaw un.

2 KORIN NIHNA 10:5

Tua hiamte tawh mi hanciamna ahi zongin, Pasian theihna pilna lang khatah a kiphasak ngaihsutnate ahi zongin khuplet gawpin, lungsim khempeuh manin khumcipin Khazih’ thu ka ngaisak uh hi.

Ezra 2:65

amaute’ nasem numei leh pasal mihing tulsagih zathum leh sawmthum-le-sagihte kisim lo hi; amaute in lasa numei leh pasal mihing zanih nei uh hi.

Luka 12:45

Ahi zongin tua nasempa in, “Ka topa hong pai hak ding hi,” ci-in a lungsim sungah ngaihsun a, nasem pasalte leh nasem numeite satgawp a, anne tuidawnin, zu kham an khamin;

Isaiah 31:8

“Assiria pen mihing’ namsau ahi lo, namsau khat tawh puk ding a, mihing namsau ahi lo, namsau khat in susia ding hi; namsau panin tai ding uh a, a tangvalte uh zawhthawh thu tawh nasem dingin kikoih ding hi.

Isaiah 45:14

Topa in hih bangin ci hi: “Izipt pan a piangte leh Ethiopia sumbuk vante leh a tun a sang Seba mite nangma kiangah hong pai-in nangma aa hi ding uh a, amaute in nang hong zui ding uh hi; amaute sikkhau kibulh-in hong pai-in nangma kiangah hong kun ding uh hi. Amaute in nangma kiangah thuum ding uh a, ‘Nangmah bek tawh Pasian omkhawm a, kuamah dang om loin, amah sim loh pasian dang om lo hi,’ hong ci ding uh hi.”

Isaiah 49:22

Topa Pasian in: “En un, Gentailte tungah ka khut ka laamto ding a, mite tungah ka lim ka lakto ding hi; amaute in a ang sung uhah na tapate tawi-in hong paipih ding uh a, a liangko tung uhah na tanute hong pua ding uh hi.

Isaiah 49:25

Topa in: “A galhangpa’ mat salte kilakhia ding a, thu khauhpa’ na kilakhia ding hi; nang hong dem mite ke’n ka dem ding a, na tate ka honkhia ding hi.

Isaiah 54:3

Bang hang hiam cih leh taklam leh veilamah nangmah kizeelin, na suan leh khakte in minamte luah ding uh a, a kinusia khuapite mi tawh dim sak ding uh hi.

Jeremiah 49:2

Tua ahih manin, en un, Topa in kong cih-inah, Ammon gam Rabbah khua kisim a, galdona aw a kizak hun ka tung sak ding hi. Tua khuapi kisusia mang ding a, khuaneute kihaltum ding hi. Tua ciangin Topa in kong cih-inah, Israel mite in a gam uh a lak sak mite kiang panin a gam uh a ngah kik ding uh hi.

Ezekiel 39:10

Amaute in mei cih dingin a kinusia galhiamte nei uh ahih manin gamlakah sing tom kul lo ding a, tulakah sing phuk ding zong kisam lo ding hi. Amaute in amau’ na a sutte’ na sutin, a suksiatsakte’ na suksiatsak ding uh hi. Topa Pasian in thu ka gen khin hi,” hong ci hi.

Joel 3:8

Na tanute uh leh na tapate uh, Judah mite tungah ka kizuaksak ding a, a gamlapi-a om Seba minamte tungah kizuak ding uh hi. Bang hang hiam cih leh Topa in gen khin zo hi,” a ci hi.

Obadiah 1:17

Ahih hangin Zion mualah pawlkhat a suakta ding uh a, mun siangtho a suak ding hi. Jakob innkuante in amau gam mah a luah kik ding uh hi.

Zekhariah 2:9

Topa mahmah in note hong su ding a, ni danga note’ na hong sepsak mite in tu-in note’ nate hong lehsuh kik ding uh hi,” hong cisak hi. Hih bangin thu hong pian’ ciangin Vanglianpen Topa in kei hong sawl lam tak na thei ding uh hi.

Siampi Laibu 25:44

Note in na neih theih ding uh sila pasal leh sila numeite in: note in na kimkot uh a, om minamte lak panin sila pasal leh sila numei na lei thei ding uh hi.

Isaiah 60:4

Na kimkotah khuadak in la, mu in; na mite kikaikhawmin a ciah dingin nang kiangah hong pai uh hi; na tapate gamlapi panin hong ciah ding a, naungek bangin na tanute’ ang sungah hong kipua ding hi.

Isaiah 66:12

Topa in hih bangin ci hi: “En un, gunpi bangin nopsakna leh tui letkhia bangin minamte’ hauhna ama tungah ka tungsak ding hi; note pen a nu’ nawi teepin, a ang-ah kipua a, a khuk tungah a diang naungeek bangin hong kemin na lungkim ding uh hi. Ama hauhna ah na lungdam ding uh hi.

Zekhariah 2:13

Mi khempeuh aw, Topa’ mai-ah gamdai-in om un. Bang hang hiam cih leh a siangtho ama omna mun panin amah hong paikhia ta hi.