Isaiah 14:15 - Tedim Bible

¹⁵ Ahih hangin nang pen, han sung, leihawm thuk penna Leihawm sungah hong kikoih suk ding hi.

Tedim Bible Revision 2017

¹⁵ Ahih hangin nang pen Leinuai thuk penna Leihawm sungah hong kikoih suk ding hi.

Isaiah 14:15 Referans Kwoze

Mattiu 11:23

Kapernaum khuapi aw, vantung dongin minthan’na na ngah ding hiam? Nang in hel khua dongin na kiasuk ding hi. Bang hang hiam na cih leh, nangma sungah a kilak vangliatnate in Sodom khuapi sungah kilak ngei leh, tu-ni dongin a kip lai ding hi.

Ezekiel 32:23

Leinuai a thukpenna munah amaute’ han om hi. A galkap khempeuh gal sungah a si hi a, a hante uh ama kimkotah om hi. Ahi zongin amaute pen ni dangin minam dangte a liinglawng sak zo ngeite ahi uh hi.

Mangmuhna 19:20

sahang tawh, sahang mai-ah nalamdangte lakin, sahang ciamtehna nei-in, sahang milim a bia uh mite a kheem, a zuau kamsangpa in kimatna a thuak khit ciangin, amau nih in kat meiphual sungah a hing tangin kikhiatna a thuak uh hi.

Luka 10:15

Nang Kapernaum khuapi aw, vantung khua dongin minthan’na na ngah ding hiam? Nang in hel khua dongin na kiasuk ding hi.

Isaiah 14:16

Nangmah hong mu mite in nang hong en gega-in, nangma thu lungngai dedu ding uh a, ‘Hih mipa pen, leitung a liingsakpa, kumpi gamte a lok gawppa,

Ezekiel 31:16

Mi site’ omna Leinuai khua-ah tua singkung ka khiat suk ciangin, a kiatna ging in minam khempeuh lok gawp ding hi. Tua singkung a kiat manin, Eden singkung khempeuh, leh a hoihpen, lim takin tui a ngah Lebanon singkungte khempeuh in zong Leinuai-ah nuamtuam na sa ding uh hi.

Isaiah 2:11

Mite’ kiliatsakna pen kiniam koih ding a, mihingte’ kiphatsakna pen kiniam khiat ding hi; tua ni ciangin Topa bek a lianin kikoih ding hi.

Isaiah 2:12

Bang hang hiam cih leh Vanglianpen Topa in a sehsa ni nei hi, a kiphasak leh a kiliansak khempeuh, a kisangsak leh a sangte khempeuh niamkhiat suk ding hi;

Ezekiel 31:14

Tua ahih ciangin tu-a kipanin singkung khat beek, bang zahin tui a ngah hangin tua zahin khangin, a dawn in meiipi banin sang zo ngei nawn lo ding hi. Misite omna Leinuai khua a zuan ding a si thei mihingte mah bangin, singkung khempeuh a si ding ahi ta hi.

Obadiah 1:3

Na lungsim kiphatsakna un note a hong khem zo hi. Note in suang kulhpi beelin, mual dawnah na teen manun, “kua in a hong kiasak zo ding hiam?” ci-in na ngaihsun uh hi.