Isaiah 14:13 - Tedim Bible

¹³ Nang in na lungsim sungah, ‘Van tungah ka kahto ding hi; a sangna mun, Pasian’ aksite’ tung pekah ka kumpi tokhom ka koih ding a, leilu lam pek a, kikhopna mual tungah a sang pen mual siangtho tungah ka tu ding hi;

Tedim Bible Revision 2017

¹³ Nang in na lungsim sungah, ‘Vantungah ka kah to ding hi. A sangna mun, Pasianʼ aksiteʼ tung pekah ka kumpi tokhom ka koih dinga, leilu lam pek a kikhopna mual tungah ka tu ding hi.

Isaiah 14:13 Referans Kwoze

Ezekiel 28:2

“Ezekiel aw, Tai-ar khuapi a ukpa kiangah Topa Pasian keimah in ka gen nop thu, ama tungah hih bangin gen in: Kisak theihna lungsim lianpi nei-in tuipite’ laizang ah pasian’ tokhom tungah tu-in, kei in pasian khat ka hi hi, na ci hi. Nang in pasian bangin pil na kisak hangin, mihing khat na hi lel bek hi.

2 THESALONIKA NIHNA 2:4

Tua mi in thu nial a, pasian a kici khempeuh ahi zongin, a kibia na khempeuh ahi zongin, tuate sangin ama pumpi pahtawi zaw-in, Pasian’ biakinnpi sungah tu-in, “Pasian ka hi hi,” ci-in a pumpi lakin a om ding hi.

Ezekiel 29:3

Topa Pasian in hih bangin gen hi, ci-in Izipt kumpipa Faro kiangah gen in: Gun sungah a om, awle lianpi ahi, nang Izipt kumpipa aw, keimah in nangma lang ka hi hi. Nail Gunpi, nangma aa in na gen a, nangma bawlsa-in na ngaihsun hi.

Mattiu 11:23

Kapernaum khuapi aw, vantung dongin minthan’na na ngah ding hiam? Nang in hel khua dongin na kiasuk ding hi. Bang hang hiam na cih leh, nangma sungah a kilak vangliatnate in Sodom khuapi sungah kilak ngei leh, tu-ni dongin a kip lai ding hi.

Zefaniah 2:15

A vangliatna a kisak theihpih, lungmuang taka om khuapi tungah, tu-a bangin piang ding hi. Leitungah amau’ khuapi a lianpenin ngaihsun uh hi. Tua hi napi-in gamlak suakin, gamsate’ omna suak ta hi. A mu mi khempeuh in lamdang sa-in ciksa ding uh hi.

Ezekiel 27:3

Tuipi gei-ah omin tuipi dunga a om mite tawh sum lei sum zuakna a nei khuapi tungah, Topa Pasian keimah in ka gen thute hih bangin gen in: Tai-ar khuapi aw, na mel hoihna na kisaktheihpih hi.

Isaiah 2:2

Nidang ciangin Topa’ inn omna mual pen, mual liante lakah a sang penin kikipsak ding a, mual neute tungah kisangsak ding hi; tua-ah minamte khempeuh pai muamua ding uh a,

Late 48:2

Kumpi lianpa’ khuapi, lei lulam-a om ama mual siangtho hoih-a a sang mahmah Zaphon in Zion Mual hi a, leitung khempeuh’ lungdamna ahi hi.

Ezekiel 28:9

Nang hong that ding hong kuan ciangun, kei, pasian bang hi’ng, na ci lailai diam? Nang hong thatte na tuah ciangin, mihing na hih lelna kilang ding hi.

Luka 10:15

Nang Kapernaum khuapi aw, vantung khua dongin minthan’na na ngah ding hiam? Nang in hel khua dongin na kiasuk ding hi.

JOB (Job) 20:6

Migilopa lianin vantung a banto zongin, lian mahmah in a lutang in meii lak a banto zongin,

Jeremiah 49:16

Na kihtakhuaina leh na kisaktheihna in nang hong khem zo hi. Suangken lakah na teeng a, mualsang tungah na teeng hi. Muvanlai bu zahin sangpi-in na teen’ hangin tua lai mun panin kong lakhia suk veve ding hi, Topa in kong ci hi.

Ezekiel 31:10

“Tua ahih ciangin Topa Pasian keimah in hih bangin ka ci hi. Tua sing in meiipi a bat dongin khangto a, ahi zongin a san’ semsemna tawh kizui-in kiphasak semsem hi.

Ezekiel 40:2

Ka maang sungah, Pasian in Israel gamah hong paipih a, mual sang khat tungah hong koih hi. Khuapi tawh a kibang inn honpi bang khat ka mai-ah ka mu hi.

Daniel 5:20

Ahih hangin amah a lungkhauhin kiphasak a, gilo lua ahih manin a kumpi tokhom panin kilakhia a, a minthan’na a taan hi.

Daniel 11:36

“Siria kumpipa in a ut bangbangin a gamta ding hi. Amah in pasiante sangin ka lianzaw a, Sangpen Pasian sangin zong ka thupi zaw lai hi ci-in a kisathei ding hi, a kiza ngei lo thu genin pasiante’ Pasian lang khatah thu gen ding hi. Hehna hun a kicing matengin amah gualzo ding hi, bang hang hiam cih leh a kiseh kholsa bang a, a tun’ nading ahi hi.

Obadiah 1:3

Na lungsim kiphatsakna un note a hong khem zo hi. Note in suang kulhpi beelin, mual dawnah na teen manun, “kua in a hong kiasak zo ding hiam?” ci-in na ngaihsun uh hi.