Isaiah 14:12 - Tedim Bible

¹² Nang Khuavak’ ta, Zingsol, Babilon kumpipa aw, vantung panin nang bangci kiat na hi hiam! Minamte a niam koihpa ahi nangmah lei lak dongah hong bangci kiphukpai ahi hiam!

Tedim Bible Revision 2017

¹² “Nang Khuavakʼ ta, Zingsol, Babylon kumpipa aw, vantung panin nang bangci kiat na hi hiam? Minamte a niamkoih pa ahi nangmah leilak dongah hong bangci kiphuk pai ahi hiam?

Isaiah 14:12 Referans Kwoze

Luka 10:18

Zeisu in, “Satan in khuaphia bangin vantung pan hong kiasuk ke’n ka mu zo hi.

Mangmuhna 8:10

Thumna vantungmi in peengkul a tum ciangin meilah kuang bangin kuangin a om aksi lianpi khat in van panin gun seh thum suah seh khat leh ciktui seh thum suah seh khat tungah a kia hi.

Mangmuhna 22:16

“Pawlpite ading hih thute teci pang dingin kei Zeisu in ka vantungmi nangma kiangah kong sawl hi. Kei in David’ bulpi leh David’ suan, a taang khuavak Zingsol ka hi hi,” ci-in thu hong pia hi.

2 PETER NIHNA 1:19

Tua bang hangin kamsangte’ thugenna thu, eite adingin a kip zaw hi. Note lungsim sungah khuavakin, zingsol suak a, khua hong vak dongin tua thu, khuamialna-ah a tang meivak bangin ngaihsunin na belh dingun a kilawm hi.

Isaiah 34:4

Vantung-a om khempeuh maimang ding a, laidal bangin vantungte kizial ding hi. Leenggui panin a tehte pulh-in, theikung panin a tehte a pulh bangin aksi hon khempeuh pulh ding hi.

Mangmuhna 2:28

Zingsol zong amah ka pia ding hi.

2 PETER NIHNA 2:4

Bang hang hiam na cih uh leh, Pasian in a khial vantungmite pammaih sa loin, hel khua sungah a khiat khit ciangin thukhen Ni dongin khuamial khuk sungah a khum hi.

Mangmuhna 9:1

Ngana vantungmi in peengkul a tum ciangin vantung pan leitungah hong kia aksi khat ka mu a, tua mi kiangah kuam thukpi hon’na tawh a pia hi.

Jeremiah 50:23

Leitung khempeuh sekpi bang a, a khen Babilon khuapi, tu-in tua sekpi kitanin kitam ta hi! Gamdangte’ lakah Babilon khuapi tu-in a mulkimhuai suak ta hi!

Isaiah 13:10

Bang hang hiam cih leh vantung aksite leh amau’ aksi honpite in khuavakna piakhia lo ding hi; ni a suah tung akipan mial ding a, kha in khuavak taangkhia sak lo ding hi.

Jeremiah 51:53

Babilon khua vantung-ah a kahtoh theih a, a sangpi-ah kip takin gal dalna a bawl theih hangin, Topa in kong cih-inah, kei’ kiang panin amah susia ding mi a hong pai teitei ding hi.

Kah la 2:1

Topa in a heh manin khuamial tawh Jerusalem a tuamcip hi. A vantung minthan’na teng uh kisiatna a suaksak hi. Amah in a heh ni-in a Biakinnpi nangawn a susia hi.

Ezekiel 26:17

Tua ciangin nang tawh kisai-in hih bangin dah la hong phuah ding uh hi: A minthang khuapi kisusia ta a, a teembawte tuipi pan maimang ta hi. Hih khuapi mite in tuipi uk ngei a, tuipi gei-a teeng mi khempeuh’ kihtak hi ngei hi.

Obadiah 1:4

Muvanlai bangin sangpi-ah lengin, aksite lakah bu na bawl hangun, No kong khiasuk veve ding hi, Topa in a ci hi.