Isaiah 13:6 - Tedim Bible

⁶ Topa’ ni hong nai ahih manin nakpi-in kap un; Vanglian Pa’ kiang panin suksiatna hong tung ta ding hi.

Tedim Bible Revision 2017

⁶ Topa’ ni hong nai ta ahih manin nakpi takin kap un. Vanglian paʼ kiang panin suksiatna hong tung ta ding hi.

Isaiah 13:6 Referans Kwoze

Joel 1:15

Kalai! A hun hong nai ta! Topa’ ni hong nai ta a, Vanglianpa’ suksiatna hong nai ta hi.

Zefaniah 1:7

Topa Pasian’ mai-ah gamdai takin om un! Topa’ ni hong nai ta hi. Topa in biakna-a sa gawh bangin a mite a go dingin kithawi a, a gawh ding mite sian’suah khin hi.

Amos 5:18

Topa’ ni hong tun’ ding a ngaklah note’ adingin, bangzahin lauhuai ding hiam? Note’ adingin tua ni a hoihna bang om ding hiam? Tua ni in lungzin’ ni hi a, lungtaii ni hi lo hi.

Isaiah 13:9

En un, leitung gamkhing suaksakin, leitung mawh neite a susia dingin gitlohna, hehna leh sinso-na tawh Topa’ ni nasia takin hong tung hi.

Mangmuhna 18:10

tua khua in a thuak gimna kihta-in gamlapi pan ding-in ‘Babilon khuapi, a to khuapi in gimna a thuak zo hi! Gimna a thuak zo hi! Nai khat sung bekinah thutanna na thuak ta hi,’ ci-in amah hangin kapin kiko-in a gen ding uh hi.”

Joel 2:11

Ama mi honpite tam mahmah uh ahih manin, amaute thu pia-in a mai uh-ah Topa awng a, ama thupiakna banga a semte hat mahmah uh hi. Topa’ ni ding nak kihtakhuai mahmah ahih manin, kua in thuak zo peuhmah ding ahi hiam?

Jeremiah 51:8

Thakhat thu-in Babilon puk a, kisiagawp hi. Amah kah ngutngut un! A liammate adingin zatui la un; dam zo kha thei lai ding hi.

Isaiah 34:8

Topa in Zion a hotkhiat ding, phulak ni khat nei hi. A galte a thuksak ding hun khat nei hi.

Isaiah 2:12

Bang hang hiam cih leh Vanglianpen Topa in a sehsa ni nei hi, a kiphasak leh a kiliansak khempeuh, a kisangsak leh a sangte khempeuh niamkhiat suk ding hi;

Jeim 5:1

Sum haute aw, tu-in hong pai un; note tungah hong tung ding gimna tawlna hangin kiko-in kap un.

Malakhi 4:5

“Ahi zongin tua a lauhuai a lian mahmah Topa’ ni hong tun’ ma-in note kiangah kamsangpa Elijah kong paisak ding hi.

Zefaniah 1:14

Topa’ ni hong nai ta a, nai mahmahin hong tung hathat hi. Tua Topa’ ni hong tun’ciangin, galhang pente nangawn cimawhin kap ding uh hi.

Joel 2:31

Topa’ ni, tua a lauhuai hun hong tun’ ma-in, ni hong mialin, kha, sisan hong bang ding hi.

Joel 1:13

Siampite aw, puanhampi silhin kap un la, biakna tau-a nasemte aw, thum un. Ka Pasian’ na a semte aw, biakinn sungah tum un la, zan thapai-in dahna lim puanhampi silh un. Note’ Pasian’ inn sungah piak ding, an leh leenggahzu om nawn lo hi.

Joel 1:5

No zukhamte aw, tho un la kap un. No leenggahzu dawnte aw, thuumin tau un. Na zu dawn ding teng uh beimang ta hi.

Isaiah 14:31

Filistia khuapi kongpite aw, nakpi-in kap un; khuapite aw, kiko un; Filistia mi khempeuh aw, lau-in liing un! Bang hang hiam cih leh leilu lam panin galkap honte’ hong paina leivui khu hong kitung a, tua galkapte lakah a meidawi khat beek om lo hi.”

JOB (Job) 31:23

Pasian’ daan piak ding kihta ka hih manin, tua bang peuhmah ka gamta ngei kei ding hi.

Joel 1:11

Lo khote aw, dah un; leenggui ciingte aw, kap un; mangbuh leh mangbuhham, leh lo an khempeuh bei ta hi.

Ezekiel 21:12

Ezekiel aw, awng in la, kiko in, hih namsau pen, ka mihingte leh Israel makai khempeuh a kisawmna ahi hi. Amaute pen, ka mite khempeuh tawh, a kithat khawm ding uh hi. Dahna tawh na dip hum in.

Jeremiah 49:3

“Heshbon khua mite aw, kap un! Ai khua kisia khin zo hi! Aw, Rabbah khua numeite aw, kap un! Ippi puan silh un la, kap un; Khua lakah lung-am-in kawi taitai un. Bang hang hiam cih leh na Milkom pasian uh leh a siampite leh a uliante hong kilak khiatsak ding hi.

Isaiah 65:14

en un, ka nasemte in lungdamin lasa ding uh a, note in lungsim na-sa-in kiko-in, lungsim gimna hangin na thuum ding uh hi.

Isaiah 52:5

Tu-in Babilon ah tua mah bangin amaute tungah piang leuleu hi. Thu om lopi-in sal-in om uh hi. Amau a ukte, kihihsakna tawh awng uh a, sunthapai-in keima min kisimmawh hi.

Isaiah 23:1

Tai-ar khua tawh kisai thu: Tarshish teembaw hawlte aw, Tai-ar khua kisia a, inn leh khawlmunte om nawn lo ahih manin, kap un! Saipras gam panin hih thu amaute in za uh hi.

Jeremiah 25:34

“No makaite aw, tau un la, kap un, no uliante aw, vut lakah kikhuk un. Bang hang hiam cih leh hong kithahlup ni ding leh na kikhenthang ni ding uh hong tung zo hi; tuutal teelte bangin hong kithatlum ding hi.

Isaiah 10:3

Dan piak ni hun, gamlapi panin siatna hong pai ciangin note in bang cih ding na hi uh hiam! Huhna ngenin kua kiangah tai ding a, na neihsa uh koi-ah koih ding na hi uh hiam?

Isaiah 10:25

Bang hang hiam cih leh a sawt loin note tungah ka thangpaihna bei ding a, ka hehna amaute’ tung tuin, amaute sia ding uh hi.

Isaiah 14:23

Simbute’ om nadingin tua khuapi bawlin, bualtui ka suaksak ding a, siatna munphiah tawh ka phiat khia siang ding hi,” Vanglianpen Topa in ci hi.

Isaiah 34:2

Bang hang hiam cih leh minamte khempeuh tungah Topa lungham-in, amaute khempeuh tungah heh mahmah a, a siamang dingin amaute koih-in, thah dingin pia khin ta hi.

Isaiah 47:11

Ahih hangin nangmah in na beisak theih loh tuahsiatna na tungah hong tung ding hi; nangmah in maisakna na ngah theih loh gimna nang tungah hong tung ding hi; nang in a thu na theih hetloh siatna na tungah thakhatin hong tung ding hi.

Isaiah 61:2

Topa maipha ngah kum, a galte tungah Pasian phulak ding hun a tun’na thu a gen ding, a thuum mi khempeuh a hehnem ding;

Ezekiel 13:5

Amaute in kulh a kicipna munte cing lo uh a, a kicimte ciangkik lo uh ahih manin Topa’ ni-in gal hong tun’ ciangin Israelte hu zo lo uh hi.

Daniel 5:9

Tua ciangin Belshazzar kumpipa a lungkham mahmah a, a mel daang semsem a, a u liante in a cih nading meel a thei kei uh hi.

Daniel 5:26

A khiatna in: MENE: Pasian in na gam ukna nite hong sim sak a, a beisak zo hi.

Zekhariah 14:1

Topa in na hong sep hun hong tung ding hi. Jerusalem khuapi kiluh gawpin, note’ muh mahmahin a na lakte uh hawm ding uh hi.

Isaiah 63:4

Ka mite ka hotkhiat nading hun ta ka sa a, a galte uh phulak ding hun hi ta hi, ci-in ka ngaihsun hi.

Joel 2:1

Zion mual tungah peengkul tum un la, Pasian’ mual siangtho tungah pataukohna tum un. Topa’ ni hong nai ta ahih manin, gamsung mi khempeuh lau ta uh hen.