Isaiah 13:22 - Tedim Bible

²² Munmuanhuai sungah ngiate, kumpi inn nuam sungah se-alte ham ding uh hi; Babilon khuapi siat ding hun hong nai ta a, a ni sawt nawn lo ding hi.

Tedim Bible Revision 2017

²² Mihauteʼ inn sungah ngiate, kumpi inn nuam sungah se-alte a ham ding uh hi. Babylon khuapi a siat ding hun hong nai ta a, a ni sawt nawn lo ding hi.

Isaiah 13:22 Referans Kwoze

Jeremiah 51:33

A vanglian Topa, Israel mite’ Pasian in kong gen-inah: Babilon mite tawlkhat khit ciangin anlak bangin a kila ding a, sual tunga ancil bangin, a kicilgawp ding hi.”

Isaiah 35:7

a sa mahmah sehnelte bualtui hong suak ding a, a keugaw leitang pen ciktui tawh hong kidim ding hi; ngiate’ omna ngei leitang pen nawngpi suakin, lopa, pumpeng leh mau po ding hi.

Isaiah 25:2

Bang hang hiam cih leh nang in khuapi pen ninbulomtang na suah a, a muanhuai khuapi a sia na suaksak hi; mi kiphasakte’ mun muanhuai pen khua hi nawn lo a, cik mah hunin kilam nawn lo ding hi.

2 PETER NIHNA 2:3

Amaute huaiham luatna in zuau thu genna tawh note hong kheem ding uh hi. Amaute tungah thukhenna in tang lai-a kipanin ol lo, zekai lo a, amaute kisiatna in zong a ihmu kei hi.

Habakkuk 2:3

Hih thu a tun’ nading hun hi pah nai lo ahih manin, lai-in ciamteh in. Ahi zongin hong tung baih ta ding a, kong lah khempeuh a manin hong tung ding hi. A tung hak tawh a kibang kha ahi zongin ngak keikai in. Ka seh hun a cin’ ciangin hong tung takpi ding a, hong zekai lua nawn lo ding hi.

Isaiah 34:13

Kumpi inn liante sungah lingkung po ding a, kulh a nei khua sungah laho kung leh thangling kung po ding hi. Ngiate’ an zon’na mun suakin, kalaoh-vasate’ omna hi ding hi.

Thu-hilhkikna 32:35

Phulakna leh thukkikna kei’ aa ahi hi, a hun ciangin amaute puk ding uh hi; bang hang hiam cih leh amau’ gim ngah hun ding hong nai a, amau’ siat nading hong tung pah hi.

Isaiah 32:14

Munmuanhuaite kinusia-in, mi tampi a omna kumpi khuapi kilawi ding hi. Mual leh tausangte zong kisia gawp ding a, late leh tuuhonte in gamtatna munin nei ding uh hi.

Isaiah 43:20

Gamsate, ngiate leh kalaoh-vasate in kei hong pahtawi ding uh hi; bang hang hiam cih leh keima adinga ka pian’sak mite in keimah phatna a genkhiat theih nadingun, keima teel mite’ dawn dingin gam lakah tui pia-in, sehnel gam sungah gun ka pia hi.

Jeremiah 9:11

Jerusalem khua ninkholna ka bangsak ding a, se-alte’ teen’na ka suak sak ding hi. Judah khuapite gamlak ka suak sak ding a, kuamah a teeng nawn kei ding hi,” a ci hi.

Jeremiah 48:16

Moab gam kisiat ding sawt nawn lo hi; a gim nading hong nai ta hi.

Kah la 4:3

Keivompi nangawn in zong a note a nawi pia thei buang napi, ka mite in kalaoh vasa bangin a tanote a sugawp hi.

Micah 1:8

Tua ahih manin kei kapin ka thuum ding a, ka dahna thu ka lah nadingin khe guak leh guaktangin ka vak ding hi. Gam-ui bangin ka ham ding a, kalaoh-vasa bangin ka tau ding hi.

Isaiah 14:23

Simbute’ om nadingin tua khuapi bawlin, bualtui ka suaksak ding a, siatna munphiah tawh ka phiat khia siang ding hi,” Vanglianpen Topa in ci hi.

Isaiah 34:14

Gamlak ganhingte leh ngiate kikhawl ding a, gamkeel in a lawmte sam ding hi; zan a, gamta ganhingte zong hong tuak sukin ama om nading mun zong ding hi.

Zefaniah 2:14

Tuuhon leh bawnghonte, tua khua sungah lumin, ganhing namkim phualpi suak ding hi. Gunva leh gunvapite, bangtung zawl-ah tuang ding uh a, kongvangneu-ah keising khuang-in, sangkil tungah va-ak ham ding hi. Taamtaak sing tawh a kilam innte maimang ding hi.