Isaiah 13:21 - Tedim Bible

²¹ Ahih hangin tua munah gamsate lum ding uh a, tua mun a, innte pen se-alte tawh kidim ding hi; tua munah kalaoh-vasa golpite teengin, tua munah gamkeelte laam ding uh hi.

Tedim Bible Revision 2017

²¹ Tua munah gamsate lum ding uh a, tua mun a innte pen a hawk ganhingte tawh kidim ding hi. Tua munah vasa-kalaoh golpite teengin, tua munah keeldawite laam ding uh hi.

Isaiah 13:21 Referans Kwoze

Mangmuhna 18:2

Amah in, “Babilon khuapi a cim hi, a cim hi! Dawigilote’ omna, kihhuai kha khempeuh kikhumna, kihhuai leh gilo vasate kikhumna a suak zo hi.

Isaiah 23:13

Tai-ar khuapi, gamsate’ phualpi a suaksate in; Assiria mite hi lo a, Babilon mite ahi hi. Babilon mite in khuapi luh nading panmun bawl uh a, Tai-ar khuapi kulhte susia-in, khuapi sung khempeuh a sia suah uh hi.

Isaiah 32:14

Munmuanhuaite kinusia-in, mi tampi a omna kumpi khuapi kilawi ding hi. Mual leh tausangte zong kisia gawp ding a, late leh tuuhonte in gamtatna munin nei ding uh hi.

Jeremiah 50:39

“Tua ahih manin gamsate leh se-alte Babilon khua-ah a teeng ding uh a, kalaoh-vasapi zong a teeng ding hi. A khang a khangin, a tawntungin mi kuamah a teeng ngei nawn kei ding hi.

Micah 1:8

Tua ahih manin kei kapin ka thuum ding a, ka dahna thu ka lah nadingin khe guak leh guaktangin ka vak ding hi. Gam-ui bangin ka ham ding a, kalaoh-vasa bangin ka tau ding hi.

Zefaniah 2:14

Tuuhon leh bawnghonte, tua khua sungah lumin, ganhing namkim phualpi suak ding hi. Gunva leh gunvapite, bangtung zawl-ah tuang ding uh a, kongvangneu-ah keising khuang-in, sangkil tungah va-ak ham ding hi. Taamtaak sing tawh a kilam innte maimang ding hi.

Siampi Laibu 11:16

kalaoh-vasa, pengpelep, vatawt, musi nam khempeuh,

Isaiah 14:23

Simbute’ om nadingin tua khuapi bawlin, bualtui ka suaksak ding a, siatna munphiah tawh ka phiat khia siang ding hi,” Vanglianpen Topa in ci hi.

Isaiah 25:2

Bang hang hiam cih leh nang in khuapi pen ninbulomtang na suah a, a muanhuai khuapi a sia na suaksak hi; mi kiphasakte’ mun muanhuai pen khua hi nawn lo a, cik mah hunin kilam nawn lo ding hi.