Isaiah 13:2 - Tedim Bible

² Mual kolh tungah lan khat khai to un la, galkapte tungah nakpi takin kiko un; mi liante’ kongpi-ah a lut nadingun amaute khut vaan un.

Tedim Bible Revision 2017

² Mual kolh tungah lim khat lak to unla, galkapte tungah nakpi takin kiko un. Mi lianteʼ kongpi ah amaute va pai-in a sim nadingun amaute khut vaan un.

Isaiah 13:2 Referans Kwoze

Jeremiah 51:58

“A vanglian Topa in kong gen-inah: A sah Babilon khua kulhpi lei lakah cimsuk ding a, a sang khua kongpite zong mei tawh a kihal ding hi. Mite’ nasepna a mawkna suak a, minamte’ hanciamna vut leh vai suak hi,” a ci hi.

Isaiah 5:26

Amah in, gamlapi-a om minam khat a sapna-in lim khat lak a, lei mong panin hong pai nadingin a sam hi; manlang takin hong paipah hi.

Jeremiah 50:2

“Gam khempeuh ah genin tangko un; dial khai un la, im kei un. ‘Babilon’ khuapi kila ta hi. Bel pasian maizum ta, a Merodak pasian kitangawp ta hi. A milimte uh maizum ta a, a pasiante uh kisiagawp ta hi,’ ci-in tangko un.

Jeremiah 51:25

“En in, mualpi banga lian a, leitung khempeuh a susia zo Babilon aw, nang kong langpan’ hi, Topa in kong ci hi. Keimah in nang’ lang khatah ka khut ka zan ding a, mualdawn panin nang hong khuk khia-in, kong kangtumsak ding hi.

Isaiah 10:32

Tu ni mahmah-in Nob khua-ah galte tungin khawl uh a, Zion Mual ahi, Jerulasem khuapi, a khuttum uh sin’san uh hi.

Isaiah 18:3

Leitunga teeng mi khempeuh, leitang tunga om mi khempeuhte aw, mualte tungah lan khat hong kilah ciangin, en un! Peengkul hong kimut ciangin, ngai un!

Isaiah 11:15

Topa in ama huihsa nungsakin Nail gunpi leh Eufrates gunpi tuite tungah a khut zanin kangsak ding a, mi khempeuh in nuam takin khedap tawh a kantan zawh ding luineu sagih bek siit lai ding hi.

Isaiah 11:12

Amah in minamte’ adingin lan khat khai ding a, Israel mi a kihawlkhiate kaikhawmin, leitung kiuli panin Judah mi a kikhenthangte kaikhawm ding hi.

Late 60:4

Thalte panin kihem-in a kikaihkhop dingun nangmah hong zahtakte’ adingin dial khat na koih khin hi.

Isaiah 19:16

Tua ni ciangin Izipt mite pen numei bang ding uh a, Vanglianpen Topa in amaute tungah a khut a sin’sanna hangin lau-in liing ding uh hi.

Isaiah 31:9

Amau’ belh a mun muanhuai uh, launa hangin tai ding a, buaina hangin a uliante in a lim uh taisan ding hi,” ama meikuang Zion ah a om, ama meikhuk Jerusalem khua ah a om Topa in ci hi.

Jeremiah 50:41

“En un, leilu lam gam panin mi hong pai uh a, gamlian khat leh kumpi tampi leimong gamlapen panin galsim dingin kithawhthawi hi.

Jeremiah 51:12

Babilon khua kulhpi tungah dial khai un; galvil ding tampi koih un. Cing sak un la, galte buk sim dingin kithawi un. Bang hang hiam cih leh Babilon khua mite tawh kisai-a Topa in a gensa teng, a geel khin zo a, a sem khin zo hi.