Isaiah 13:19 - Tedim Bible

¹⁹ Khaldel mite’ vangliatna leh kiphatsakpih, kumpigam a minthang bel Babilon khua pen Pasian in Sodom leh Gomorrah a siatsak lai hun bang ding hi.

Tedim Bible Revision 2017

¹⁹ Khaldea miteʼ hoihna, a kiphatsakpih, kumpi gam a minthang bel Babylon khuapi pen Pasian in Sodom le Gomorrah a siatsak lai hun bang ding hi.

Isaiah 13:19 Referans Kwoze

Daniel 4:30

“Babilon khua bang zah takin lian ahi hiam! Kumpi ding leh, ka vangliatna ka thahatna kilat nadinga ka lam ahi hi,” a ci hi.

Piancilna 19:24

Tua ciangin Topa in vantung panin Sodom leh Gomorrah tungah kaat leh meikuang zusak hi;

Zefaniah 2:9

Keimah in a nungta Israel Pasian ka hih mah bangin, Moab mite, Sodom khuamite bangin kisusia-in, Ammon mite, Gomorrah khuamite bangin kisusia-in, a gam sung uhah lingkung bek po zoin, a gam uh cikhuk tawh kidimin a sia tawntung suakin, a suakta lai ka mite in a neihsa uh sutin, a gam uh a laksak tak kei leh, ci-in ka kiciam hi,” ci hi.

Amos 4:11

Sodom leh Gomorrah khuapite ka suksiat bangin, note pawl khat kong susia hi. Meikhuk panin a kitenkhia, singkhuah khat tawh na kibang uh hi. Tua bang hi napi-in kei lamah nong kihei kei uh hi, Topa in ci hi.

Jeremiah 51:41

“Leitungbup’ pahtawi Babilon khuapi kila ta hi! Gamdangte’ lakah Babilon khua, a mulkimhuai suak ta hi!

Jeremiah 50:40

Topa in kong cih-inah, Sodom khua, Gomorrah khua leh a kim-a khuate Pasian in a suksiat bangin tua lai-ah kuamah a teeng kei ding a, kuamah zong a va baang pak beek kei ding hi.

Jeremiah 49:18

Topa in kong cih-inah, Sodom khua, Gomorrah khua leh a kim-a khuate a kisiat gawp bangin, tua lai munah kuamah teeng lo ding a, kuamah a baang pak beek kei ding hi.

Thu-hilhkikna 29:23

a gambup in kaat leh ci, leh nin a kangtum, khai kituh lo, bangmah po lo, lopa zong a po zawh lohna mun Sodom leh Gomorrah, Admah leh Zeboi-im bangin a kilawnthal gawp, a hehna leh a sinsona tawh Topa’ lotgawpte tawh kibang hi, ci ding uh hi—

ROM (Romans) 9:29

Isaiah in:, “Vantung Topa in eite ading khaici hong omsak lai hi kei leh, Eite in Sodom leh Gomorrah khuate i bang zo ding hi,” ci-in a masa-a a gen bang ahi hi.

Mangmuhna 18:11

“Leitungah a om sumbukte in zong amah hangin kapin a kiko uh hi.

Mangmuhna 18:19

a lutang uhah leivui kibuakin, “Tua khuapi lian in gimna a thuak hi, gimna a thuak hi.’ Ama na zat a manpha nate hangin tuipi tungah a pai tembaw a neite khempeuh in sum a hauhna uh khua, nai khat sunginah amah in a kisia ta hi,” ci-in kapin a kiko uh hi.

Piancilna 19:25

amah in tua khuapite, kuamte khempeuh, khuapite sunga mi tengte khempeuh leh leitunga a po khempeuh susia hi.

Isaiah 13:1

Amoz’ tapa Isaiah in Babilon siatna ding tawh kisai a muhnate a genna:

Isaiah 21:9

En in, sakol leeng tuangte a kopkopin hong pai!” ci hi. A dang khat in, “Babilon cim hi, cim hi; ama milim pasiante khempeuh leilak dongah amah in suksiat sak hi,” ci-in dawng hi.

Isaiah 47:5

Babilon aw, gamdai takin tu in la, khuamialna sungah pai in; bang hang hiam cih leh nang pen, kumpi gamte’ kumpinu hong kici nawn lo ding hi.

Isaiah 48:14

“Note khempeuh kikhawm un la, hong za un! Amaute’ lakah kua in hih ka sep ding nate genkhol thei ahi hiam? Ka teel kipawl pihpa in Babilon tungah keima ngimna sem ding a, Khaldea mite’ lang khatah kei ka pang ding hi.

Jeremiah 25:12

Kum sawmsagih a cin’ khit ciangin Topa in kong cih-inah, Babilon kumpipa leh a gam amau’ mawhna hangin daan ka tat ding a, tua gam a tawntungin gam simtham ka suaksak ding hi.

Jeremiah 51:26

Na suangte innkiu suangin kiciang lo ding a, innbul suangnuai phahin kizang lo ding hi. A tawntungin gam simtham na suak ding hi, Topa in kong ci hi.

Jeremiah 51:29

Babilon gam in na sa-in, kitom-in a liing hi; bang hang hiam cih leh ama tunga Topa’ ngimna a tangtung a, Babilon gam simtham suak sakin kuamah a teengsak kei hi.

Jeremiah 51:62

tua ciangin, ‘Topa aw, hih munah mihing hi taleh, ganhing hi taleh bangmah teeng lo a, a tawntunga a kinusia gam a suah nadingin na suksiat nading na genkhia khin zo hi,’ ci-in thu gen in.