Isaiah 13:18 - Tedim Bible

¹⁸ Amau’ thalte in tangvalte that ding hi; amaute in gil sung pan a, piang naungeekte hehpih lo ding uh hi; amaute’ mit in naupangte khasiat lo ding hi.

Tedim Bible Revision 2017

¹⁸ Amauʼ thalte in tangvalte that ding hi. Amaute in gil sung pan a piang naungekte hehpih lo ding uh hi. Amauteʼ mit in naupangte khasiat lo ding hi.

Isaiah 13:18 Referans Kwoze

2 KUMPI NIHNATE 8:12

Tua ciangin Hazael in, “Bang hangin ka topa kap na hi hiam?” a ci hi. Amah in dawngin, “Bang hang hiam cih leh Israel mite tungah nangmah in na bawl ding siatna ka thei hi; nangmah in amau’ mun muanhuainate mei tawh na hal ding a, namsau tawh amau’ tangvalte thatin, amau’ naupang neute lei na den’ khap nading a, naupaai amau’ numeite na phelkham ding hi,” a ci hi.

2 KHANG TANGTHU NIHNATE 36:17

Tua ahih ciangin amah in Khaldea mite’ kumpipa amaute’ lang khatah paipih a, amah in amau’ biakna inn sungah namsau tawh a tangvalte uh that a, tangval ahi a, nungak ahi a, a teek ahi a, a ham ahi zongin khasiat lo hi; amah in a vekpi-in ama khut sungah pia hi.

Hosea 13:16

Israelte in a Pasian uh lehdo ahih manin a mawhna uh thuak ding uh hi. Gal sungah amaute si ding uh a, a naungeekte uh lei kiden’ nading a, a nupi naupaaite uh kikuikham ding hi, ci hi.

Ezekiel 9:10

Tua ahih manin amaute kuamah ka zah kei ding a, kuamah ka khasiat kei ding hi. Amaute’ gamtatna, amaute tung mah ka tusak ding hi,” hong ci hi.

Isaiah 13:16

Amau’ muhna mah ah a naungeekte uh leilak kiden’ gawp nading hi; amaute’ inn kiluhin, a zite uh kibuansak ding hi.

Nahum 3:10

Tua bang hi napi-in, Thebes khuamite kipua khia-in sal suak uh hi. Konglak mun citengah a tate uh kisatlum hi. A miliante, sikkol kibulhin kipua khia a, amau a man galte in hawm uh hi.

Nahum 2:1

Nineveh khuapi aw, nang hong kisim ta a, nang hong sugawp dingpa hong tung ta hi. Na kan uhah pang un la, lampi vil un. Kithawi un la, galdo dingin kiging un.

Late 127:3

En un, tapate pen Topa’ tung pan-a letsong hi a, tate pen ama hong piak thupha ahi hi.

Isaiah 5:28

amau’ thaltangte hiam a, a thal khempeuh uh a kikeeksa ahi hi, amau sakolte’ khecinte pen meisuang bangin sak a, a leengpeite uh pingpei bangin manlang hi.

Isaiah 47:9

Aisan siamnate leh mibum siamna vang lianpi na neih hangin ta khuaisuahna leh meigon’na, hih thu nihte thakhat thu-in ni khat sungin a kicing takin nang tungah hong tung veve ding hi.

Jeremiah 5:16

Thal tawh a kap uh ciangin sisak lianlian uh a, a vekpi-in gal hang kim uh hi.

Jeremiah 6:23

Thal leh teipi tawi uh a, giloin hehpihna lungsim nei loin, a husa uh tuipi ging tawh kibang hi. Zion’ tanu aw, amaute sakol tungah tuangin, nangmah do dingin a kithawi uh hi!” a ci hi.

Jeremiah 18:21

Tua ahih manin a tate uh kial tawh puksi sak in la, amaute namsau-in si sak in. A zite uh tasel sak in la, meigong suaksak in. A pasalte uh pulnatna tawh si sak in la, a tangvalte uh gal sungah namsau tawh kithatlumsak in.

Jeremiah 50:30

Tua ahih manin khua sung laizangah a tangvalte uh si ding uh a, tua ni ciangin a galkapte uh a beimang khin ding uh hi. Topa in kong ci hi.

Jeremiah 50:42

A thal uh leh a teipi uh tawi uh a, giloin hehpihna lungsim nei lo uh hi. A husa uh tuipi ging bang hi a, sakol tungah tuangin Babilon mite aw, nangmah do dingin a kithawi uh hi!

Jeremiah 51:22

Papite leh nupite, khanghamte leh khangmoite, tangvalte leh nungakte,

Daniel 7:5

Tua ciangin a nihna sapi vompi tawh a kibang khat ka mu hi. A nunglam khe tawh ding-in a kam sung a ha kikalah nakguh thum pet a, “Tho in la, sa tampi ne in,” cihna aw khat a hong ging hi.