Isaiah 13:14 - Tedim Bible

¹⁴ A kidelh sanang leh a cing om lo tuu bangin mi khempeuh pen amau mite lam ciatah kihei-in, mi khempeuh amau gam ciatah tai ding hi.

Tedim Bible Revision 2017

¹⁴ A kidelh sanang le a cing om lo tuu bangin mi khempeuh amauʼ miteʼ lam ciatah kihei-in, amauʼ gam ciatah tai ding uh hi.

Isaiah 13:14 Referans Kwoze

1 KUMPI MASATE 22:17

Tua ciangin amah in, “Tuucing a nei lo tuute bangin mualte tungah Israel mi khempeuh a kithehthang ka mu hi; Topa in, Hihte in makai nei lo hi; amaute lungnuam takin a inn ciat uhah ciah hen,’ ci hi,” a ci hi.

Jeremiah 50:16

Babilon khua khaici tuhte thatlum un la, an la ding a, phiaukawi tawite beisak un. Galte’ namsau kihta-in mi khempeuh in a mipihte lak mah uh zuankik ciat-in, a gam mah uhah a taikik ding uh hi.”

1 KUMPI MASATE 22:36

Nitum pawlin galkapte lakah kikona khat hong om a, “Mi khempeuh ama khuapi-ah, mi khempeuh ama gamah!” kici hi.

Jeremiah 51:9

Babilon khua i damsak nop hangin, a dam thei kei hi. Nusia ta un la, i gam ciat zuanin ciah ni. Ama’ tunga thukhenna in vantung dong ban a, van dawn dong a phato hi.

Isaiah 47:15

Nang tawh na a semkhawm, na neu lai-a kipan nang tawh na a semkhawmte tungah hih thute hong tung ding hi; amaute pen amau’ tum ciatah zauvak uh hi; nang hong hon ding kuamah om lo hi.

Isaiah 17:13

Tui lianpi a ging bangin minamte awng uh hi, ahih hangin amah in amaute tai ding a, gamlapi-ah amaute taikhia ding uh hi; mual tunga huih mai-ah ansi leeng bang leh huihpi mai-a pingpei bangin amaute lengkhia mang ding uh hi.

Mattiu 9:36

Amah in mihonpite a muh ciangin hehpihhuai a sa hi. Bang hang hiam i cih leh, tua mite in a cing om lo, kikhenthang a, a gim tuute bangin a om uh hi.

Marka 6:34

Zeisu paikhia a, mihonpi a muh ciangin, a cing om lo tuute tawh kibang hi ci-in hehpihhuai sa a, thu tampi a hilh hi.

1 PETER MASA 2:25

Nidang lai-inah note in tuute bangin lam na khialh uh hangin tu-in ahih leh, note kha uh hong Ukpa leh Tuucingpa kiangah na tungkik zo uh hi.

Isaiah 21:15

Bang hang hiam cih leh amaute pen namsau, a kidoksa namsau, a kikeek thal leh gal in a phutna panin hong tai uh ahi hi.

Jeremiah 25:12

Kum sawmsagih a cin’ khit ciangin Topa in kong cih-inah, Babilon kumpipa leh a gam amau’ mawhna hangin daan ka tat ding a, tua gam a tawntungin gam simtham ka suaksak ding hi.

Nahum 3:18

Assiria kumpipa aw, na gamsung a ukte si ta a, na uliante ihmu paisuak uh hi. Na mite, mualtung tengah kithehthang a, inn-ah a kaikhawm ding kuamah om lo hi.