Isaiah 13:11 - Tedim Bible

¹¹ Leitung mite a tatsiatna hangin, migilote a mawhna hangin daan ka pia ding hi; mi kihisakte’ kiphatsakna bei sakin, a kisatheite’ kiliatsakna ka niamkhiat ding hi.

Tedim Bible Revision 2017

¹¹ Leitung mite a tatsiatna hangun gim ka pia dinga, migilote a mawhna hangun gim ka thuaksak ding hi. Mi kihisakteʼ kiphatsakna beisiang sakin, a kisatheiteʼ kiliatsakna ka niamkhiat ding hi.

Isaiah 13:11 Referans Kwoze

Isaiah 2:11

Mite’ kiliatsakna pen kiniam koih ding a, mihingte’ kiphatsakna pen kiniam khiat ding hi; tua ni ciangin Topa bek a lianin kikoih ding hi.

Isaiah 5:15

Mite a niamin kikoih suak a, mite kiniamkhiat suk hi, a kiphasakte kiniamkhiat suk hi.

Isaiah 26:21

Bang hang hiam cih leh en un, amau’ mawhna hangin leitung a, teeng mite daan pia dingin ama omna panin Topa hong paikhia a, leitung in ama tunga a luang sisante laakkhia ding a, a kithat ama mite sincip nawn lo ding hi.

Isaiah 14:21

Amaute khangto-in leitung a neih loh nading leh leitung maitang teng khuapi tawh a kidimsak loh nadingin amau’ pate’ mawhna hangin ama tate’ kithah nading vaihawm in.”

Isaiah 11:4

a kitangsam mite thumanna tawh thukhensak ding a,, mizawngte’ thu a tangin khensak ding hi; ama kam pan a, molhtum tawh leitung mite daan kitat ding a, a muk pan a, a husan’na tawh mi gilote si ding uh hi.

Isaiah 3:11

Mi gilo in gimna ngah ta hen! Ama khut in a hihsate ama tung mah ah kithukkik ding ahih manin ama tungah thu sia ding hi.

Isaiah 2:17

Mite’ kiliatsakna kiniamkhiat ding a, mite’ kiphatsakna a niamin kikoih suk ding hi; tua ni ciangin Topa bek a lianin kikoih ding hi.

JOB (Job) 40:12

Mi kiphasakte enin niamkhiat in la, migilote amau omna mun mun-ah tuancil in.

Paunak 8:13

Topa zahtakna in thusia muhdahna hi a, kiphatsakna leh kihihsakna, gamtatsia leh thuzuau ka mudah hi.

Isaiah 14:5

Tawlnga loin mihingte satna a, a kizang, hehna tawh minamte ukin nakpi takin a bawlsia, migilote’ ciangkhut leh gam-ukte’ kumpi ciangkhut pen Topa in kuaitan khin hi.

Isaiah 22:14

Vanglianpen Topa in kazakna ah thu hong gen a, “Na sih matengun hih mawhna hong kimaisak lo taktak ding hi,” Vanglianpen Topa Pasian in hong ci hi.

Isaiah 23:9

Topa’ vaihawm ahi hi. Mi liante’ kiphasaknate a beisak nading, leh a kipahtawi uliante a niamkhiat nadingin a bawl ahi hi.

Isaiah 24:21

Tua ni ciangin Topa in vantung a, om vangliatnate, leh leitung kumpite daantat ding hi.

Isaiah 25:3

Tua ahih ciangin mi thahatte in nang hong minthang sak ding a, thukhual lo minamte’ khuapite in nang hong zahtak ding uh hi.

Isaiah 29:5

Ahih hangin nangma gal honpite leivui neel leeng bang ding uh a, thukhual lo mi honpite ansi leeng bang ding uh hi. Tua ciangin tomkha sungin thakhat thu-in,

Isaiah 29:20

Bang hang hiam cih leh kampauna tawh a khialh nadingun mite bawlin, kongtual sungah mi a panpihpa thang siahin, a thuman mipa pen zuau teci tawh a thutanna a heikhia, thukhual lo mite beimang in, mi a thu sim lo mite bei-in, siatna hih ding a sawm mite khempeuh kisusia ding hi.

Jeremiah 48:29

Moab kiphatsakna ka za khin zo uh hi—kiphasak pha mahmah hi. Kilian sak-in kisathei a, kuamah thu sim loin mite neu-et hi.

Habakkuk 2:4

Tua a hong tung ding thu in, ‘A gilo mite suakta lo ding a, ahih hangin thuman mi in ama upna tawh a nungta ding hi,’” hong ci hi.

Paunak 11:31

Mihoihte, hih leitungah thaman kipia ahih leh, migilo leh mawhneite, gimna kipiazaw kan ding hi.

Isaiah 2:12

Bang hang hiam cih leh Vanglianpen Topa in a sehsa ni nei hi, a kiphasak leh a kiliansak khempeuh, a kisangsak leh a sangte khempeuh niamkhiat suk ding hi;

Isaiah 25:5

mun keuna a, nisa tawh kibang hi. Nang in khualmite’ gamlumna na daisak hi; meii liim in nisa a votsak bangin thukhual lo mite’ la sakna kitawpsak hi.

Daniel 4:34

A kisehsa hun a cin’ ciangin keimah Nebukhadnezzar in vantung lam ka ento a, ka khua theihna a hong tungkik hi. A nungta tawntung Sangpen Pasian’ min phatin, zahtakna leh minthan’na hih bangin ka pia hi: “Amah in a tawntungin uk ding a, a gam in a kip tawntung ding hi.